قطع غيار JAC B15

[ahm2000]

عملت صيانة للعفشة و غيرت جلب المقصات و دراعين البارات و الحمد لله النتيجة تمام
جلب المقصات موجودة هي بتبقى بالمقاس يعني بتاع العفشة بيحل المقص و الخراط بيطلع الجلبة تجيب مقاسها و الخراط يركبها تاني في المقص عن طريق مكبس مش شغل خراطة غيرت اتنين الواحده بـ 60 - أما دراعين البارات اشتريت اتنين كوري بـ 250 هو الدراع الواحد بيبقى جزئين أقصد ان الطقم بيبقى أربع أجزاء دراعين يمين و شمال و اتنين من الجزء المتحرك اللي ناحية العجلة الطقم الكوري اللي جبته كان مكتوب عليه لانسر شارك - رجاء لللأهميه محدش يقول اكبس الدراع القديم و اشتغل بيه - و كمان من ضمن الصيانة غيرت دراعين ميزان و دول تمنهم الواحد بـ 70 و كانوا بتوع كيا بيكانتو - و بالمره غيرت الجلبه بتاعة قاعدة الموتور بنفس الطريقة بتاعة جلبة المقص و كان سعرها 65 و الحمد لله كله تمام.
بصراحة كل اللي اشتغل في العربية بيشكر فيها جداً من حيث الخامات و طريقة التقفيل حتى بتاع العفشة بيقول لي على مسامير المقص انها مقاس 22 و ده النظام المستخدم في الألماني و الأمريكي أما باقي الأنواع بتستخدم مسامير مقاس 18 ده كان من ضمن كلامه على مستوى جودة العفشة وربنا ييسر الأمور يارب مع التوكيل الجديد

[aymanlaw]

المشاركة الأصلية كتبت بواسطة ahm2000 عملت صيانة للعفشة و غيرت جلب المقصات و دراعين البارات و الحمد لله النتيجة تمام جلب المقصات موجودة هي بتبقى بالمقاس يعني بتاع العفشة بيحل المقص و الخراط بيطلع الجلبة تجيب مقاسها و الخراط يركبها تاني في المقص عن طريق مكبس مش شغل خراطة غيرت اتنين الواحده بـ 60 - أما دراعين البارات اشتريت اتنين كوري بـ 250 هو الدراع الواحد بيبقى جزئين أقصد ان الطقم بيبقى أربع أجزاء دراعين يمين و شمال و اتنين من الجزء المتحرك اللي ناحية العجلة الطقم الكوري اللي جبته كان مكتوب عليه لانسر شارك - رجاء لللأهميه محدش يقول اكبس الدراع القديم و اشتغل بيه - و كمان من ضمن الصيانة غيرت دراعين ميزان و دول تمنهم الواحد بـ 70 و كانوا بتوع كيا بيكانتو - و بالمره غيرت الجلبه بتاعة قاعدة الموتور بنفس الطريقة بتاعة جلبة المقص و كان سعرها 65 و الحمد لله كله تمام. بصراحة كل اللي اشتغل في العربية بيشكر فيها جداً من حيث الخامات و طريقة التقفيل حتى بتاع العفشة بيقول لي على مسامير المقص انها مقاس 22 و ده النظام المستخدم في الألماني و الأمريكي أما باقي الأنواع بتستخدم مسامير مقاس 18 ده كان من ضمن كلامه على مستوى جودة العفشة وربنا ييسر الأمور يارب مع التوكيل الجديد

الف مبروك وربنا يسعدك بيها ويديك خيرها ويكفيك شرها ,,معلش كان لى سؤال هو جضرتك الأستاذ أحمد تشينا ,,وعموماً لو مش هو احب اقولك اتشرقت بمعرفتك وباالمعلومات القيمة الف شكر

[ahm2000]

استاذ ايمن بعد التحية انا مش استاذ احمد تشينا و احب اقول لحصرتك انا اللي تشرفت و سعدت بمعرفة الجميع هنا

[aymanlaw]

الشرف لى حضرتك وشكراً على زوقك

[mohdyosf]

استاذ احمد .. اهلا بيك والحمد لله على تغيير العفشة ... ربنا يباركلك فيها
كنا عاوزين نعرف انت الحاجات اللى غيرتها دى لانك كنت بتشتكى من حاجات معينة ولا دى كلها صيانة عادية... ولو كنت بتشتكى من حاجات معينة ايه اللى كنت بتحسه او بتسمعه فى العربية....
شكرا لمشاركتك