ارشيف الاستراحة 2009

[د./أليشع ثابت]

ياهلا وغلا بأعضاء أسرة مصر موتورز الكرام ..

حبيت انقل لكم هذا الموضوع .. وان شاء الله تستفيدون منه ..

كيف تكون من عمالقة النقااش والحواار ؟؟..

قد يكون حسن النقاش والمحاوره موهبه وفن عند البعض
ولكن بالإمكان اكتسابه من خلال احتكاكك مع الأقلام المتحاورة
(فمرة تلو مرة ستقارع عمالقة الحوار)
وتصبح من مجيدين هذا الفن ..

((1))

وقبل أن تبدأ في المناقشة ..
( سم بالله )
وتوكل عليه وأدعه أن يوفقك الى الخير ..

((2))

أقرأ القضية جيداً قبل المناقشة وإذا لم تستوعبها
أقرأها مراراً وتكراراحتى تستطيع أن تبدي رأيك فيها .

((3))

حاول أن تكتب رأيك قبل أن تقرأ ردود المناقشين للموضوع
حتى لاتتأثر بأرائهم .

((4))

حاول التسلسل والتدرج في طرح الفكرة
و لاتعيـد طرح الفكرة لأكثر من مرة تعدد الأساليب والفكرة واحدة .

((5))

حاول بقدر المستطاع بأن لا يكون رأيك متأثر بأحد الأمور
الخارجة عن صلب الموضوع
(كشخصية الكاتب - أو طريقة كتابته وعرضه - أو لون أو خط وغير ذلك)

((6))

ليس بالضرورة أن تكون كل كلماتك منمقه بأسلوب أدبي محنك..
ولكن من المهم أن تكون كلماتك مفهومه للقراء..
( وهناك البعض قد تصلك أفكاره وطرحه الشيق بسلاسة وقوه في نفس الوقت
على الرغم من أنه أستخدم لهجته العامية بالمناقشة)

((7))

رائع أن تستشهد خلال مناقشتك بآيات الله الحكيمة
(( ومهم جداً أن تتأكد من صحة المصدر .. ))
أو من واقع الحياة بقصص أو تجارب

((8))

بعض المناقشات تتطلب منك في نهايتها أن تستخلص رأيك
بكلمات قليلة تعبر فيها عن وجهة نظرك .

((9))

إن كانت القضية تتطلب حلول ..
أطرح حلول من واقع مجرب أو حتى لو كانت من
خيالك ترى من الممكن تحقيقها .

((10))

البعد كل البعد عن تجاوز الأدب وانعدام الإحترام
بينك وبين المتحاورين مهما كانت الظروف أو الأسباب ..
(وإلا فالصمت خير لك لكي لاتندم على كلمات قد قلتها لحظة غضب ) .

((11))

إذا وجدت من له وجهة نظر تخالف وجهة نظرك
ويحاول أن يستفزك أو يثير المشاكل .. حاول أن تفهمه بأسلوب هادئ
(حتى ولو كنت تشتاط غيضاً )
لأننا لسنا في ساحة معركة وهذه مجرد قضية طرحت للحوار
وليس من الضروري بأن ينتهي الحوار بإقناع أحد الأطراف بالرأي
الأخر و يبقى لكل أنسان قناعاته وأرائه.

((12))

لاتنقص من قدر نفسك لأنك ترى أغلب المناقشين
يعارضون رأيك إن كنت مقتنع بهذا الرأي فالناس ليسوا طبقة واحده في
التفكير ويختلفون في أمور شتى .. فالذي يعجب شخص قد لايعجب الآخر.

((13))

إذا ناقشت في قضية فمن المهم أن تعود لتقرأ الردود
التي ستكتب بعدك ..فلربما عقب أحدهم على نقطة قد أثرتها خلال
طرحك ليحصل التفاعل بين الأراء المتناقشة .

[oldman]

المشاركة الأصلية كتبت بواسطة د./أليشع ثابت ((10)) البعد كل البعد عن تجاوز الأدب وانعدام الإحترام بينك وبين المتحاورين مهما كانت الظروف أو الأسباب .. (وإلا فالصمت خير لك لكي لاتندم على كلمات قد قلتها لحظة غضب ) .

دكتور اليشع موضوع جميل اوى وانا عجبتنى النقطة رقم عشرة ياريت نفهمها جيدا ونعمل بيها وفقق الله بما تتمناة خيرا للناس

[bmkbmk]

السلام عليكم و رحمة الله و بركاته ,,,
ازيكم يا رجالة مصر موتورز ... عاملين ايه ارجو انكم تكونو تمام التمام

النهاردة حبيت اشارككم موضوع مهم و تجربة مثيرة مريت بها و اعتقد انها تهم كتير من الناس هنا فى المنتدى و برة المنتدى و زى ما هو واضح فى العنوان طبعا هو موضوع فقد الوزن الزائد عن الحاجة فى الجسم

و قبل ما ابدأ بادعو السادة الاطباء اعضاء المنتدى انهم يعلقوا و يصححوا اى معلومة اكون فاهمها غلط فى موضوع فقد الوزن ده و اى ملاحظات يتفضلوا بيها علينانكون شاكرين جدا
و نتوكل على الله و نبدأ


ملحوظة اذا كنتم مش فاضيين تقروا تجربتى و ازاى تخنت وايه اللى ساعد على كدة ممكن تقرأو من اول الجزء بتاع (كيف تفقد الوزن ؟؟؟؟؟؟؟؟؟؟؟؟؟؟؟؟)عشان تنجزو و توصولوا لنصايح الخسسان على طول

قصتى :-
انا كنت طفل جسمى مش تخين ولكنى اميل الى السمنة و لفت الايام و دارت و عدت ايام ابتدائى و اعدادى و ثانوى و انا فى ثانوى بدأت العب حديد و دى رياضة انا بحبها جدا و لكن نظرا لبعبع الثانوية العامة الذى يسيطر على كل البيوت و انى كنت اول دفعة يطبق عليها النظام الجديد (سنتين ثانوية عامة بدل سنة واحدة ) فأنا طبعا بطلت حديد و بطلت كل انواع الرياضة وتفرغت للعب الكوتشينة ,,, قصدى للمذاكرة و لعب الحديد ده يا رجالة سواء كمال اجسام او رفع اثقال بيخلى الواحد ياكل زى ال... نخليها الوحش و لما تيجى تبطل لعب بتفضل برده تاكل زى الوحش فاتبدأ تتحول من العضلات الى السمنة المفرطة و بما انى انسا اكيل بطبيعتى كانت الحكاية سهلةجدا على شبح السمنة انه يسيطر عليا تماما ... المهم نجحت فى ثانوية عامة الحمد لله و خلت كلية الحاسبات و المعلومات جامعة القاهرة و انا من طنطا اصلا و كنت برده اول دفعة تستقبلها الكلية سنة 96
و دى كانت بداية خروجى من بيت اهلى و عيشتى لوحدى و بيت اهلى لحد دلوقتى مابروحوش غير زيارات نظرا لظروف الدراسة ثم العمل فى القاهرة لمدة سنتين ثم السفر الى الكويت

و تبدأ سنين الوحدة و كل اللى عاش لوحدة عارف يعنى ايه تعيش على اكل المطاعم على طول لحد ما كان بيبقى نفسى بجد فى شوية شوربة حتى معمولين فى البيت
المهم استمر الحال و استمر معاه اكتساب الوزن و تنامت و استفحلت العادات الغذائية السيئة و اكل الطعام الغير صحى لدرجة اننا كنا بنعمل مسابقات فى الاكل و كانت المطاعم معاها رقم تليفونى و بيكلمونى كل فترة و يتأكدو ان كل شئ تمام لأنى اصبحت عميا مميز عندهم اه والله العظيم ما بهزر و من ضمنهم مطعم مؤمن قبل ما اكله يبقى طعمه وحش و ابطل اكل من عنده و والله العظيم كانت بتيجى جوابات باسمى على الشغل فيها المنيو بتاعت المطاعم الجديدة ... بقيت ماركة مسجلة
هنا فى الكوي كان كنتاكى و بيتزاهت بيعملو غدا بوفيه مفتوح كنت بروج اثبت لهم كل مرة ان المصريين هما اللى بنو الاهرامات من بقايا عظم الفراخ او اطراف قطع البيتزا ...
عدت فترة عليا من حياتى كان الاكل فيها هو المتعة الوحيدة ,, و مفيش اى حاجة تانية ممتعة بجد...

بس طبعا و الواحد تخين و هو لسة شاب صغير و عاوز يحس بنفسه و حريته برضه كنت كتير بقف قدام المراية و اقول انا لازم اخس و ابدا الرجيم العظيم و الجرى او المشى ...و اجيب بدلة السونا و ملابس رياضية و ادوس لمدة اسبوع بالكتير و بعدين كما كنت ......

لحد ماوزنى وصل 150 كيلو ... و بدأت المشاكل تظهر ... سكر عالى ,, ضغط عالى .. كولسترول عالى و السن لا يتعدى 25 سنة ... يا نهار منيل ...25 سنة يعنى المفروض الواحد فى عز عز شبابه و اقوى فترة فى عمره و تظهر المشاكل دى كلها و قال لى الدكتور انت كدة بتنتحر رسمى ..... لااااااااااااازم تخس ,, مالكش حل تانى فى الحياة .....

ملحوظة لكل الاخوة ذوى الوزن الزائد و خصوصا ذوى الوزن الزائد بدرجة كبيرة و اللى مابيصدقوش ان ممكن يحصل لهم حاجة من المشاكل الصحية دى .......خلو بالكو .... سمنة = امراض قاتلة اكيدة لو مكنش النهاردة يبقى بكرة او بعده بالكتير...

و بدأت رحلة الخسسان بصورة جدية....
طبعا بعد كلام الدكتور جالى اكتئاب شوية و حسيت بذنب فظيع و تقصير فى حق نفسى بس بفضل الله بعد كام يوم اتحول الاكتئاب ده الى دافع جام جدا لفقد الوزن الزائد و ده كان عن طريق تقليل الاكل شوية و ممارسة رياضة المشى نص ساعة كل يوم لحد ما خسيت 17 كيلو فى 3 شهور و كنت مبسوط جدا و بعدين من ساعتها ونى فضل يزيد و يقل لحد ما ربنى وفقنى و اتجوزت (كتبت كتابى يعنى ) و كانت الدخلة بعد 3 شهور و ده كان اعظم تحدى فى حياتى ,,, انى اخس اكبر وزن ممكن فى 3 شهور

و تحققت المعجزة بوجود الدافع و الارادة و وصل وزنى الى 108 كيلو و شكلى اتغير تماما و حسيت انى صغرت و رجعت تانى طالب ثانوى و للأسف بعد الجواز ضربت تانى الى ان جاء الدافع مرة اخرى و هو احساسى بعدم الرضا عن اى شئ فى حياتى و الاصرار على تحويلها الى الافضل و الحمد لله قدرت اخس تانى و ادينى مشى فى الطريق لما نشوف هيوصلنا لفين



كيف تفقد الوزن؟؟؟؟؟؟؟
بعد العديد من التجارب لفقدان الوزن و اكتسابه مرة اخرى و هلم جرا وصلت لما يلى:-

1- الخسسان سهل و الاصعب هو المحافظة عليه.
2- اهم شئ فى الخسسان هو وجود دافع قوى و ارادة اقوى .. و بوجود الاتنين دول بيكون الامر اسهل بكتير
3- الخسسان بدون رياضة يصحبه ضعف بالجسم (فقد الدهون و العضلات) أما الخسسان مع الرياضة فهمو الصحة كلها.
4- لو عاوز تخس لازم تصبر زى ماتكون عاوز توصل لأى هدف فى حياتك... لازم تصبر ولازم تتعب و تثابر و تعمل كل اللى عليك علشان توصل لصحتك اللى هى اهم من اى حاجة تانية عد عبادتك لربنا.
5- لو اخلصت النية لربنا هتلاقى نتيجة مذهلة.
6- علشان تحافظ على وزنك الجديد لازم تغير نظام حياتك بالنسبة للاكل لأن جسمك قابل للسمنة فا لو خسيت و بقيت تمام و رجعت تاكل زى الاول هتتخن اكتر من الاول و علشان كدة الخسسان السريع غالبا بيفشل لأنه مش بيعودك على اسلوب حياة ... هو بيخسسك شوية و خلاص و بعدين ترجع لأسلوب حياتك القديم.
7- مالهم الخضار و الفاكهة .. الرز و المكرونة و الشكولاتة احسن منهم فى ايه؟؟؟
8- هل لازم قى فيه رز أو مكرونة أو عيش فى وجاباتنا ؟ يجب التغيير الى ثقافة الشوكة و السكينة لو عاوز تخس..
9- اوعى تاكل و تنام.
10 - لو حسيت بجوع ولا صداع و لا رغبة فظيعة فى الاك كل خس او خيار او تفاح و لو باظت منك على الاخر .. بوظ فى اليوم ده و كل كل اللى انت عايزه بس يكون يوم واحد تبويظ و ارجع للرجيم تانى يوم.
11- الاصل فى الرجيم هو الاكل الصحى ... و لو عارف انك هتتبع رجيم لفترة طويلة لازم تغير نوع الرجيم كل فترة .. يعنى شهر رجي كيميائى مثلا و بعدين اسبوعين رجيم الشوربة الحارقة و بعدين اسبوعين رجيم البقوليات و هكذا ... و طبعا ريح لك يومين بين كل رجيم و التانى ...


طيب بعد النصائح دى و الرغى دا كله نيجى بقى للمفيد .... انا عملت ايه علشان اخس
(بس اولا احب اشكر زوجتى على مجهودها الجبار معايا و تشجيعى على الموضوع ده و تعبها انها تعمل اكل ليا لوحدى و اكل تانى ليها و للعيال كل يوم )

اولا يا جماعة منعت الرز و المكروة و العيش و الحلويات و اى حاجة مقلية و المخللات
و انا مابينفعش معايا نص بيضة و تمن رغيف و الحاجات دى انا بحب اكل لحد ما اشبع .. فا كل اللى هقوله ده بدون تحديد للكميات (باكل لحد ما اشبع بس اكل مايتخنش)

**بقى فطارى عبارة عن جبنة قريش او تفاح او برتقال بدون تحدي كميات و لو حكمت قوى باكل حتة صغرة عيش سن( محددة الكمية) حتة صغيرة بس

**الغدا عبارة عن طبق سلاطة اولا قبل اى حاجة و بعد ما اكله باكل باقى الاكل و غالبا بيكون شوربة خضار واو حتى خضار عادى مطبوخ نى فى نى او اى حاجة مشوية لحمة او سمك او فراخ ... المهم السلاطة الاول

** العشا لو فيه يعنى بيكون شوية خس او خيار وممكن زبادى او جبنة قريش او اى فاكهة بس تكون سلبية السعرات (يعنى هضمها بيستهلك من الجسم سعرات حرارية اكتر من اللى بيكتسبها من الفاكهة نفسها )
و دى طبعا الفواكه الغنية بالالياف زى البرتقال و التفاح و الاناناس و الكيوي و البطيخ وووو حاجات كتير

النظام ده انا خسيت عليه فى الشهر 6 كيلو بدون رياضة و كنت ببوظ مرة كل اسبوعين يعنى فيه يوم باكل فيه كل اللى انا عاوزه بأى كمية ......

تانى شهر عملت الجيم الكيميائ و ماتتخضوش من اسمه هو مافيهوش ادوية ولا كيماويات هو بيعلب فى كيمياء الجسم علشان يحرق الدهون عن طريق تناول انواع اكل بعينها مع بعضها و معظم الاكل اللى فيها بيكون بروتينات و فاكهة.. لو حد عاوزه بالتفصيل تحت امركم .. بس لو مش مستعجلين قوى و عاوزين نظام صحى اكتر يبقى خليكو ماششن على النظام اللى انالسة كاتبه من شوية.

طيب ايه نظام الرياضة ؟؟؟
لازم تعمل رياضة لعدة اسباب
1- بتساعد لى الفقدان الاسرع للوزن
2- بتساعد على شد الترهلات بعد فقد الوزن لأن رجيم الاكل بيخسس بس بيخلى الشيب بنتاع الجسم زى ما هو يعنى بيفضل فيه كرش و اجناب بس حجمهم بيقل .. مع الرياضة بيختفوا تماما و تبقى حضرتك موديل
3- مع الرياضة بتخس بقوة و ليس بضعف وقلة عافية.


اسهل رياضة فى الدنيا هى المشى

بدأت امشى تلت ساعة فى اليوم لمدة يومين و بعين خليتها نص ساعة لمدة تلت ايام و بعدين بقيت ازود كل يوم خمس دقائق بس لحد ما وصلت دلوقتى انى بمشى ساعتين كل يوم و بمشى فى الساعتين دول مسافة 10 كيلو ... و بعدين بخليها شوية مشى و شوية جرى و هكذا ... يعنى من الاخر ,,,, بالتدريييييج .....و لو تقدر تعمل اى رياضة اعنف او اقوى يكون احسن بس المهم برده بالتدريج و لو ماتقدرش يبقى المشى تمام و زى الفل و هيديك اكتر من اللى تتوقعه....


كل ما تخس شوية بتتشجع انك تخس اكتر طيب عاوز دفعة قوية تخسسك جامد ؟؟؟؟

الرجيم الكيميائى من ضمن انظمة الرجيم اللى جابت معايا نتيجة هايلة و فى وقت قياسى .. بس سمعت ناس كتير بتشتكى منه بعد كدة بس انا عن نفسى ماتعبنش فى اى حاجة و هو بيكون شهر متحدد فيه تاكل ايه كل يوم بس فيه رجيم كيميائى 12 يوم .. هو متعب شوية بس برده بيجيب نتيجة هايلة للى عنده مناسبة ولازم يخس بس يا ريت يتعمل مرة واحدة بس و لما تخس الكمية دى هتتشجع جدا و تكمل خسسان بالطرقة الصحيحة و الصحية ....

مخصوص للدكتور بولبولان..... رجيم يخسسك 10 كيلو فى 12 يوم قبل السفر

الاكل المذكور يتم اكله طول اليوم بدون مواعيد و الكميات مفتوحة حتى الشبع و يتم تناول ما تم ذكره من الطعام فقط
و مسموح القهوة و الشاى بدون سكر ولا مبيض و يبمكن استعمال السكر الدايت ومسموح ايضا المشروبات الدايت

ولازم مشى كل يوم نص ساعة على الاقل و لو تقدر اكتر من كدة يبقى هايل


**اول تلات ايام تاكل زبادى قليل الدسم بس

**تلات ايام فاكهة بجميع انوعها بدون تحديد للوقت او الكمية (ما عدا الموز و العنب و المنجا و البلح والتين)
و نصيحتى تاكل اناناس و كيوى و تفاح و بطيخ و جريب فروت

**تلات ايام خضار بجميع انواعه الا البطاطس سسواء كان مسلوق او نى و طبعا النى ده بيكون خيار او خس او جزر اوووو

**تلات ايام لحمة او فراخ او سمك و كله مشوى اى مسلوق بدون دهون


و يا رب تدعولى ماتدعوش عليا ... و اى سؤال تحت امركم


و السلام عليكم و رحمة الله و بركاته

[Dr. Bolbolan]

جبـــــــــــــــــــــــ ـــــــــــار فى قســـــوته جبــــــــــــــــــــار !



Dr. Bolbolan ptmnlo123per1106

[bmkbmk]

والله يا دكتور هو كمان جبار فى النتيجة بتاعته جباااااااااااااار