ساعدوني في مشكلتي ارجوكم

[kamarspell]

شكرا atgps و كل سنه و انت طيب
اضبط بحيث يكون الفرق بين العلامتين 20 عقله
و لازم افك وش التقسيمه عشان تبان العلامه واضحه
و اضبط الكاتينه علي العلامتين مليش دعوي البستم طالع و لا نازل اهم حاجه يكون الفرق مظبوط

[kamarspell]

سمير باشا بالنسبه لاسئله حضرتك
- أيه سبب تغيير البساتم
المخرطه قالت هنعمل فرشه من جوه و هنغير البساتم عشان اعتقد ان المقاس اتغير

2- هل قام الميكانيكى بالأطمئنان على نعومة جدران غرف الحريق من الداخل وقت تغيير البساتم
طبعا اطمن و العربيه لاتاكل زيت خالص و انا كمان بغير علي 3000 كيلو الزيت مابينقصش

3- ماسبب تغيير جوان وش السلندر فى المره الأخيره.............؟
اخر مره خرطوم من الطرمبه الي الراديتير اتقطع و المياه نزلت كلها طبعا العربيه سخنت جامد
لاني ماكنش معايا مياه كفايه و كنت في حته مقطوعه فكان لازم امشي بيها و هيا سخنه

4- هل خط الفائظ أو مقاس الزيت بيبان فيه نفخ ملحوظ
مفيش نفخ مجرد بخار خفيف لا يذكر

[samirayad]

- أيه سبب تغيير البساتم المخرطه قالت هنعمل فرشه من جوه و هنغير البساتم عشان اعتقد ان المقاس اتغير

يعنى أيه فرشه .......؟

هل تقصد توسيع للغرف من الداخل مع تركيب شمايز مصنعه ( فرشه يعنى )

وغيرت البساتم ببساتم قطر أكبر بشنابرها المخصصه

[atgps]

المشاركة الأصلية كتبت بواسطة kamarspell شكرا atgps و كل سنه و انت طيب اضبط بحيث يكون الفرق بين العلامتين 20 عقله و لازم افك وش التقسيمه عشان تبان العلامه واضحه و اضبط الكاتينه علي العلامتين مليش دعوي البستم طالع و لا نازل اهم حاجه يكون الفرق مظبوط

وجدت لك صورة آخرى تشبه الى حدا ما الكاتينة بسيارتك
بالطبع سوف تفك وش التقسيمة ولكن اترك الكاتينة بوضعها الحالى حتى تتأكد ان كانت فى وضع سليم أم لا.
وعلى فكرة اذا كانت ليست بوضعها السليم فسيكون هناك اختلاف فى عقلة أو نصف عقلة.
قم بلف التروس حتى تكون علامة الترس السفلى (ترس الكرنك) على الساعة الخامسة كما هو موضح فى الصورة وكما ذكر فى اللينك السابق الخاص بتقسيمة المحرك B2000 وهو الخاص بسيارتك.
فى هذه الحالة يجب أن تكون علامة الترس العلوى على الساعة 3 (اذا وجدتها على الساعة 9، قم بلف الترس السفلى لفة كاملة.
لاحظ أنه يجب أن تكون العلامة السفلية فى منتصف عقلة، قم بتعليم هذه العقلة، أما العلامة العلوية فيجب أن تكون بين عقلتين، قم بتعليم العقلتين وعد بين العلامات، يجب أن تكون عدد العقل بين العقل المعلمة 20 عقلة.
اذا كان هناك اختلاف فى وضع العلامة السفلية أو العلوية مثل اذا كانت العلامة العلوية ليست بين عقلتين ولكن فى منتصف عقلة يجب تصحيح ذلك الوضع.
تأكد يا أخى أن الموضوع سهل للغاية ولكن يجب أن تكون حريص، واذا كنت فى حاجة الى المساعدة فأنا تحت أمرك اذا كنت قريب من مدينة نصر أو الرحاب.

[kamarspell]

م- سمير و الله انا سمعت الميكانيكي بيقول لبتاع المخرطه كده بس اللي فهمته انه بينضف الشمايز
او بيصنفرها و قالي نغير البساتم نظافه