ازاى تصحصح نفسك وانت سايق؟

المشاركة الأصلية كتبت بواسطة خالدخليفة بصفتى بسوق كتير وانا مرهق غالبا فأنا بعمل الأتى 1 - ممنوع غلق زجاج السيارة 2- ممنوع تشغيل التكييف حتى ولو كان الجو ناااااااار 3 -- ترك مسافة ابعد قليلا بينك وبين من امامك 4- -زيادة السرعة اكترمن 130 ليلا (ودى مش بنصح بيها رغم انى بعملها لانى اكتشفت انى لما بزود السرعة بركز جدا ودماغى بتسخن وبفوق ومش فاهم لها تفسير واذكر مرة مكنتش نمت لمدة 37 ساعة متواصلة وجاى من مطروح مصحصح بس كنت سايق بسرعة 170 واول م عديت البوابات ودخلت المحور والمهندسين المرور كان واقف وابتديت انام واحس بالارهاق ) 5-- انا شخصيا بقعد على اى قهوة على الطريق لو استمرت حالة النوم وبشرب شاى تقيل حبر (انا اصلا بشربه كده فى العادى) 6--- بيكون دايما معايا فى الشنطة زجاجة ميه بغرق راسى كل م احس بالنوم 7-- لو حسيت انك بتسقط يعنى دماغك بتقع ادامك دى مالهاش حل لازم تركن وتنام ولو نص ساعة بس تشوف مكان مأهول يعنى جنب قهوة او كافتيريا او غيره وتقفل على نفسك وتنام 8 -- مع احترامى للجميع غير ان الاغانى حرام لكن فعلا سماع القرأن بيخليك تصحصح لكن لما اذاعة القرأن تجيب حاجة غير القرأن بحس بصداع اخيرا ممنوع السواقة وانت مرهق الا لسببين اما مصلحة مهمة جداااااااا وخايف تتاخر او معتاد على السواقة يعنى بتسوق كل يوم على الاقل 100 كيلو يعنى العربية تعتبر زى بيتك حفظت ابعادها ومقاساتها واتعودت على مشاكل الطريق ولو انت مرهق وفى المدينة بقدر الامكان اركن او روح البيت لان المدينة زحمة عن الطريق السريع وبالتالى فرصة الاحتكاك باى سيارة اكبر وشكرا ليكم

ههههههههههههههههههههه

والله انتا ملكش حل يا خلوده

انتا بتفكرني ببوحه في الفيلم لما كان عايز ينام وقاعد علي القهوة وطالب كوبية شاي بقالها 9 ساعات في ايده

وعمال بيسقط واوعي القطر يا عم الحج

ما تشوفلي شغلانه معاك كدا يا خلوده بيني وبينك انا بتلكك لاي سفرية اصل بحب اوي السفر اعمل حاجه كويسه بدل مانتا نازل تريقة علينا

[خالدخليفة]

المشاركة الأصلية كتبت بواسطة corsair ههههههههههههههههههههه والله انتا ملكش حل يا خلوده انتا بتفكرني ببوحه في الفيلم لما كان عايز ينام وقاعد علي القهوة وطالب كوبية شاي بقالها 9 ساعات في ايده وعمال بيسقط واوعي القطر يا عم الحج ما تشوفلي شغلانه معاك كدا يا خلوده بيني وبينك انا بتلكك لاي سفرية اصل بحب اوي السفر اعمل حاجه كويسه بدل مانتا نازل تريقة علينا

ياعم انا ولا اتريقت ولا حاجة انا بقول تجاربى بس ثم السفر ده عايز شخصية خاصة مقصدش انى انا غير الناس لكن لازم يكون عندك اولا حب للسفر وثانيا قوة تحمل وثالثا استعدادك لتقبل كافة المواقف والتصرف معاها وانا بقى لى 14 سنة بسافر كل يوم وطبعا بيحصل مواقف منها الكوميدى ومنها الصعب ومنها المرعب
الخلاصة سفر قطعة من العذاب وانا فوجئت ان ده حديث للنبى رواه البخارى وانا كنت فاكرها حكمة او قول شهير لكن طلع حديث ده نصه
قال رسول الله /السفر قطعة من العذاب فاذا قضى احدكم نهمته فليعد راجعا / صدق رسول الله ولذلك ربنا شرع قصرالصلاة فى السفر وتاجيل الصيام
وانا شخصيا ممكن أألف كتاب فى حواديت السفر منها الكوميدى ومنها المرعب ومنها الانسانى وهكذا وانا كنت عملت موضوع هنا فى المنتدى و ده الرابط بتاعه عن بعض الحكايات فى السفر ولما ملقيتش تجاوب من الاعضاء وكل واحد يحكى تجاربه وكده فمكملتش
http://www.masrmotors.com/vb/showthread.php?t=19177

طيب ما تالف كتاب كدا وانا هحاول انشرهولك علي الطريق ههههههههههههههههههههه

يا عم انتا استاذ انا لما احب اسافر بعد كدا هبقي اخد منك التعليمات اللازمه

[خالدخليفة]

عينى ليك ياعمنا

عم مين بس داه انتا اللي عمنا وخالنا والعياله كلها

انا عمال بضحك من امبارح لحد دلوقتي في الشغل

كمل يا سيدي حكويك خلينا نضحك كمان دول 14 سنة اختصرتهم في ورقتين في الموضع

كمل يا عمي