رينو لوجان 2012 BLACK LINE حـــــــصـــــــــريــــا .. وكما وعدت , تقرير مفصل بالصور ....

[adamlion]

الف مبروك ياباشا ربنا يديك خيرها ويكفيك شرها .لكن الشركة لو كانت نزلت ايه بى اس فى العربية دى كانت تبقى تحفة.ادم

[JILANCO]

المشاركة الأصلية كتبت بواسطة sheko fun ( بـــــســــــم الله الرحـــمـــن الرحـــــيـــــــــم ) أولاَ : الحمد والشكر لله رب العالمين إن ربنا وفقنى فى الإختيار ورزقنى بالعربية رينو لوجان ( ودة كان حلم من أحلامى والحمد لله إتحقق ) ودى نعمة كبيرة من نعم ربنا عليا ....... الحمد لله . ثانياَ : وقبل مانبدأ الموضوع أحب أقول لحضراتكم إن كل يوم بيعدى عليا مع اللوجان بحس إنها أجمل من اليوم إللى قبله ..... ودة فعلاَ إللى أنا حسه .... نبدأ بقى الموضوع إللى سبق ووعدت حضراتكم بيه وهو تقرير مفصل عن Renault Logan 2012 Black Line بالــــــــصـــــــــــــ ــور ..... فى البداية أحب أقول لحضراتكم إن العربية شكلها الخارجى متغيرش خاااالص عن الموديلات السابقة . أولاَ : شكل العربية من الخارج : لكن شكل العربية من الداخل هوة إللى حصل فيه بعض التعديلات البسيطة جداَ وسأذكرها بالترتيب : التعديل الأول : ( الكاسيت ) : تم تغير الكاسيت فى الرينو لوجان 2012 وأصبح يشغل ملفات Mp3 وأيضاَ ملفات Audio ( يعنى ينفع يشغل الصيغتين معاَ سواء كانت إسطوانة MP3 أو إسطوانة Audio ) .. والكاسيت أول متشترى العربية من المعرض هتلاقيه محمى بشفرة مكونة من أربع أرقام لازم تروح التوكيل عشان يدولك الشفرة بتاعته , لكن بدون الشفرة بيشتغل لكن كل ثنيتين بيقطع . ومعلومة أخرى لما تروح للتوكيل خليه يكتبلك الشفرة فى ورقة خارجية عشان بعد كدة لو حبيت تغير البطارية فى المستقبل الكاسيت هيرجع تانى يطلب الشفرة عشان يشتغل .... ودى صورة الكاسيت وهوة مطفى : ودى صورة الكاسيت وهوة شغال : [SIZE="6"][COLOR="DarkRed"]التعديل الثانى : ( فرش الكراسى والكنبة ) : الفرش متغيرش فى الشكل لاكن إتغيرت خامته ولونه أصبح مائل للأسود . ودى صور للكراسى الأمامية : التعديل الثالث : ( الطارة Multi function ) : والنوع دة مش موجود غير فى الموديل بلاك لاين 2012 فقط , وهو عبارة عن أداة تحكم فى الكاسيت والراديو تكون خاصة للسائق عشان لو حب يغير محطة الراديو أو أى ملفات صوتية كان مشغلها من غير ميتلخم فى السواقة . ودى صور للمالتى فانكشن : التعديل الرابع : ( لون التابلوه ) : أصبح مائل للون الأسود أيضاَ بس حاسس إن مفيش فرق أوى بينه وبين الموديلات السابقة . صور للتابلوه : [SIZE="6"][COLOR="DarkOliveGreen"]ودول شوية صور لبقيت العربية : الباب من الداخل : * الشنطة ( ودى من مميزات العربية نظراً لوسعها ) : * الطارة ( بها AIR BAGE ) وممكن تتحكم فى إرتفاع الطارة وإنخفاضها على حسب الرغبة : * زرار التحكم بالمرايات الكهرباء ( ملحوظة : التحكم يكون بالمرايا إللى جوة الكفة فقط وليس كفة المرايا كلها ) : * التكيف وأزرار فتح الشبابيك الأمامية : * أزرار فتح الشبابيك الخلفية ( ملحوظة الشبابيك الخلفية مبتنزلش لغاية الأخر يعنى لازم تيجى قبل الأخر بشوية ومتكملش ودة نسبة أمان عشان لو معاك أطفال ) : * دراع الإشارات ونور الفنوانيس والكلاكس ( بيكون على شمالك ) : * دراع التحكم بالمساحات ( بيكون على يمينك ) : ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــ نيجى بقى للمميزات والعيوب من وجهة نظرى المتواضعة : نبدأ بالعيوب : وطبعاَ زى محنا عارفين إن مفيش حاجة فى الدنيا بتبقى كاملة ( الكمال لله وحده ) أول عيب : أماكن الزراير ( مضيقة عيلتى كلهم ) لاكن أنا بالنسبالى إن الأماكن دى مش وحشة خصوصاَ إنى بحب كل شئ جديد ومختلف فعشان كدة أنا مستمتع بيه جداَ وكمان مش مضايقنى لسبب إنه لو كان الزراير فى الأبواب كان أى حد هيريح كوعه على الأبواب ممكن تضايقه شويه لو كوعه لمس الزراير دى ( وبصراحة أنا إتعودت عليها وبقت كويسة بالنسبالى ) . تانى عيب : الطارة لما بمشى بسرعة عالية باجى بس ألمسها ناحية اليمين أو الشمال ألاقى العربية بتكسر على اليمين أو الشمال حسب الإتجاه . لكن بدأت أخد عليها بردة وحاسس إن سبب الموضوع دة إنى كنت واخد على سواقة الفيرنا واللادا . ثالث عيب : لما بقعد على الكرسى فى وضع مرتاح مبشوفش الكابوت نهااااااااااااائى حتى لو رافع الكرسى رغم إنى مش قصير ( فبعتمد على تقديرى لحجم العربية فى الأماكن الضيقة والحمد لله بعدى كويس ) لاكن بدأت أحل الموضوع دة شوية لما قدمت ظهر الكرسى للأمام شوية فأصبحت شايف الكبوت لاكن المشكلة إن ظهرى مش مرتاح للوضعية دى . رابع عيب : دواسة البنزين بعد ما أعدى الغيار الثالث بلاقى فى زنة بسيطة فى رجلى لما بدوس بنزين خامس عيب : لازم تدوس الديبرياج لغاية الأخر عشان تجيب الغيار إللى أنت عايزه ( بس بصراحة الحكاية دى مش مضيقانى خالص عشان أنا كنت واخد على كدة فى سواقة اللادا وأنا بحب أدوس الديبرياج لغاية الأخر أصلاَ ) لكن الحكاية دى هتضايق إللى كان متعود على نقل الغيار فى الدوسة على الديبرياج لغاية النصف . سادس عيب : لازم تفتح الشنطة والتنك من بره ( ودى حاجة مش حلوة ) بس هتعود إن شاء الله . نيجى بقى للمميزات وهية كثييييرة بصراحة : أول ميزة : وهيه وسع الشنطة الرهيب وإللى بتغلب فيه اللوجان سيارات كثيرة من فئتها وحتى الأغلى من فئتها + وسع السيارة من الداخل أيضاً . ثانى ميزة : سحب العربية ممتاز جداَ جداَ جداَ أنا مشيت بيها أكثر من 280 كيلو حتى الأن ومنزلتش شرط البنزين غير شرطتين فقط . ثالث ميزة : العربية بتاخد المطبات بسلاسة ويسر وسعات مبحسش بالمطب لو كان عريض . رابع ميزة : صوت الراديو والكاسيت نقى جداَ وأنا عرفت دة من خلال الثنيتين إللى بيشغل فيهم الصوت كل شوية . خامس ميزة : الأداة إللى بتحرك اللمبات بتاعت الفانوس الأمامى ودى مكانها تحت خالص على الشمال سادس ميزة : النعومة الشديدة فى الدوس على البنزين والفرامل والديبرياج . سابع ميزة : صوت الموتور هااااااااااادى جداَ لدرجة إننى مبسمعهوش وأنا قافل الزجاج . لسة حتى الأن مجربتش التكيف غير عند المعرض فقط ومش ناوى أفتحه إلا على الصيف القادم تكون العربية لينت براحتها . وفى ميزات تانية كثثثير بكتشفها كل يوم . وفى النهاية أتمنى إنى أكون قد أفدتكم ببعض المعلومات عن الموديل الجديد 2012 وأتمنى إنى مكنش طولت على حضراتكم . بس كان ليا ثلاثة أسئلة فقط : 1- طريقة ظبط الساعة . ؟ 2- مش المفروض المساحات فيها رشاشات مياه ( طريقة إضافة مياه للرشاشات ديه منين ) ؟ 3- وأنا فى الطريق الدائرى ورايح على الشيخ زايد وكل العربيات ماشية بسرعة وفجئة لقيت واحد راكب عربية نقل وراح داخل ناحية اليمين مرة واحد من غير ميدى أى إشارة وأنا روحت مهدى جامد جداَ بس للأسف عربيته النقل فى أخرها حكت فى الكبوت بتاعى ( الحمد لله إنها حكة بسيطة ) بس شالت حتة من لون طلاء العربية والراجل قعد يتأسف ولقيت شكله غلبان فقلتله ولا يهمك ومشينا وساعتها أفتكرت كلام حضراتكم لما قلته ( حكة من كل مواطن ) وقعدت أضحك وقلت الحمد لله إنها جت على قد كده . ودى صورتها للحكة بتاعت الكابوت : فكنت عايز أستشير حضراتكم هل أروح لسمكرى كويس يعملها وأخلص واللا أسيبها واهى خبطة تاخد العين وخلاص . وأعذرونى على رضائة الصور لأنى ملأتش كاميرا نضيفة فصورت بالموبايل بتاعى وكمان كنت راكن فى الجراج فى حته فيها شمس . ولكم جزيل الشكر شـــــــــــــــــــــكــ ـــــــــــــــــــــــرا َ

:CH ICKA~11:

[Mohammed Hamada]

موضوع ممتاز و مفيد جدا و انا يعتبر جربت كل الأمكانيتات الجديدة لأنهم عملوا اللوجان ال 2012 بالظبط زى Renault Sympol 2010 نفس السيمبول بالظبط بس هما وقفوا تصنيع سيمبول بعد 2010 و نزلوها هيا هيا فى لوجان 2012 و انا سوقت السيمبول و مسوقتش اللوجان و كانت مريحة جدا و سلسة جدا فالسواقة و كان عيبوها من نظرى موضوع الكبوت اللى مبيتشفش خالص وعاوز تعود و أن العربية زى اللوجان بتحس بكل طوبة تدوس عليها بس كانت عالية جدا و واسعة جدا زى اللوجان تقريبا و شنطتها كبيرة جدا و من الأخر عربية رائعة

أسف عالأطالة أخوكم محمد عاشق اللوجان

[Nivinne]

الف شكر لحضرتك على التقرير والصور ....

[hema102]

تجربتي مع رينو لوجان 2010 جميع الكماليات
الحقيقة قبل أن أبدأ أحب أن أقول لكم أنا من النوع الذي يحب أن يعيش مع السياراة حتى تهجره هي بسلوكها وقبل الرينو ركبت مرسيدس 200 موديل 81 أربع سنوات وريجاتا88 عشر سنوان ودايو لانوس2001 أربع سنوات تقريبا ثم حاليا معي رينو لوجان 2010 استعمال على 60000 ألف وصيانتها توكيل .
المهم تأخرت في إعطاء رأيي عن السيارة حتى اختبرها في السفر وفي الداخل
وبعد ألف كيلو منهم 365 كم سفر وجدت الأتي
التسارع جميل جدا مع شعورك الداخلي بأن العربية سحبها بطيئ لكن هذا في الداخل أما على الأرض السيارة تحقق كيلومترات جيدة
في السفر لأول مرة في سياراتي السابقة أشعر بالأمان وإن أنا اللي مسيطر على الطير في المطبات والحفر وغيرها
أعلى أداء في قوة الموتور ولكن لي ملحوظات عليها فالموتور يعتبر صوته عالي جدا بالنسبة لي وأشعر بأن إزعاجه يضايقني جدا أشعر بأن هناك شيء غير طبيعي فصوت السيارة عالي جدا والغريب إن أسرتي وهم نفس الأشخاص الذين يرافقوني يخبرنوني بأنها أهدى سيارة ركبنا فيها لكنى لن أسكت لازم أعرف كيف أن صوت الموتور موصول بجسم العربية.
الموتور ثانيا وهو مصدر قلقلي صوته يصبح خشن في المستوى (2.5-4.2) على الأربي وبعد ذلك عادي وقبل ذلك ناعم جدا
الزجاج قد لا أحبز فتحه أثناء السرعات العالية والسبب أني أشعر بأن كميات الهواء التي تدخل السياراة كبيرة جدا بما ركبته من سيارات.
استهلاك البنزين هي أقل إستهلاكا في الداخل وعلى الطريق وعن تجربة عملية عملت 11359 كم وفولت مرتين كاملتين ونصف وما زال نصف التنك في المرة الثالثة كاملا
الإرتفاع والوسع جعلني أشعر بأني راكب 4×4 وما حملته معي في الرحلة أشعر بأنني مسافر في جيب أو ميكروباس .
الكاسيت واستقبال الراديو والكماليات 100/100
الفرامل والحمد لله 100/100
مشاكل واجهتني في السفر إن السيارة إذا كنت تدوس على البنزين مرة واحد ونورت الديبرياش قد يصل الأر بي إلى السفر وتبطل . وهذا الموضوع حدث معايا أكثر من مرة ولكن أدركت إني لا أفصل الديبرياش إلى لما العدادrp يصل إلى الواحد أو الأقل تجد كل شيء تمام
وسأعقد لكم مقارنة من وجهة نظري عن السيارات التي استعملتها فربما تعم الفائدة
مرسيدس200مو81 - ريجاتا نوفا إيطالي مو88 -دايو لانوس كاملة 2001- رينو لوجان كاملة 2010
القيادة /أنعمهم الدايو ثم المرسيدس ثم الرينو ثم الريجاتا
الأمان على الطريق/ الرينو - المرسيدس - الريجاتا - الرينو ( أقصد الأمان تمكنك من المطبات والمنحنيات وإحساسك بأنك تستطيع المناورة .. لكن طبعا لو الملفات يبقى المرسيدس رقم واحد )
إستهلاك البنزين من الأعلى ( المرسيدس - الريجاتا - الدايو - الرينو )
الكماليات ( الرينو - المرسيدس - الدايو - الريجاتا مع أن كان معي ريجاتا نوفا 88 كاملة)
راحةالقيادة ( الرينو- المرسيدس - الريجاتا - الدايو)
قوة الصاج ( المرسيدس - الريجاتا - الرينو - الدايو )
الهدوء داخل الكابينية ( الدايو - المرسيدس - الرينو - الريجاتا)
التكييف والسحب ( المرسيدس - اللوجان - الدايو - الريجات ... وكان تكيفها عطلان لكن سحبها جبار)
للأمانة انا كنت بضع بنزين 80 للريجاتا وبنزين مخلط للدايو و90للمرسيدس وقت ما كان فيها 90 وحاليا 92 للرينو وخايف أضع 80 )