#71
|
|||
|
|||
رد: القصة التي ابكت العالم قصة كفاحي مع ال 128
ربنا يخليك يا جميل واخرتها هتعرفها كمان شوية |
#72
|
|||
|
|||
رد: القصة التي ابكت العالم قصة كفاحي مع ال 128
وصلنا مع بعض للجزء الاخير من قصتنا ديه النهارده وهبه قصة بيع ال 128
المهم وصلت لمرحلة لا ال 128 طايقاني ولا انا طايقها واتخنقت منها علي الاخر المهم اصحابي نصحوني اني انزل بيها سوق الجمعه واشوف الدنيا بتقول ايه قولت اوك ونزلت فهلا السوق علي امل ان العربية مش هتقل عن 22000 جنيه روحت السوق وكلي امل ان العربية هتتباع النهاردة فوجئت بان في السوق عربيات 128 موديل احدث من عربيتي وفبريكة بالكامل وبيتكلموا اصحابها في 18000 و 17000 حاولت اني اعقلهم وقولهم ايه اللي انتا بتنيلوه ده لاقيت مفيش فايدة المهم واحد جه شافها وانخدع فيها وقالي هنخلص علي 16000 قولتله امين ما انا عايز اخلص ومنصوب عليا في العربية ديه اكتر من 10000 جينه نصب وتصليح المهم بعد ما اتفقنا خلاص وبنكتب العقد جه واحد قريبه قاله ليه يا عم 16000 ده كتير اوي العربية كبيرها 13000 كنت في اللحظه ديه هموت الراجل ده وخلي الراجل اللي كان هيشتري العربية يبعد عنها وقد كان قعدت علي الوضع ده لمدة 3 شهور كل جمعه وحد اروح السوق وسعر العربية كل يوم في النازل ومش راضي سعرها يعدي ال 12000 جنيه ده حتي كل الناس في السوق افتكروني تاجر من كتر ما كنت بروح السوق المهم جالي كذا واحد وبعد ما نتفق وخلاص القي خزوق يطلعلي في العربية ومتتبعش وترجعلي تاني لدرجة اني حسيت اني بمثل المشهد بتاع احمد حلمي في فيلم ظرف طارق لما الشريط سف وكل ما يرميه يرجعله تاني المهم ملقيتش فايدة من السوق وقلت كفايا تضيع وقت الواحد بيروح السوق من 9 الصبح لحد الساعه 5 المغرب ومفيش فايدة قولت اروح اطلع عين ام العربية معايا في اني اخلص شقتي في 6 اكتوبر المهم روحت حاطط علي العربية ورقة وقولت للبيع المهم الراجل اللي جبت من عنده السيراميك للشقة من المهاجرين شافني بحمل العربية سيراميك وقال في عقل باله العربية ديه جامده اوي انها تروح مشوار زي اكتوبر ومحمله كمية السيراميك ده وهوه ااساسا ميعرفش اللي فيها انها مبتسترش للاخر المهم لاقيته بيكلمني وعايز يشتري العربية قولتله امين جاب ابوه ميكانيكي وجرب العربية وقال العربية زي الفل مش عارف ازاي تقريبا كدا كان ميكانيكي اونطه ولبس ابنه العربية المهم اتفقنا وكله تمام علي 14500 جنيه قولتله اوك ودفعلي 13500 وبقا 1000 عند التسجيل في الشهر العقاري قولتله اوك المهم غطس 3 ايام مفيش لا حس ولا خبر ولقيته بيكلمني في رابع يوم بيقولي انا عايز ارجع العربية وهدفعلك الشرط الجزائي قولتله ده عند امه يا ادهم انسي يا عمر قالي العربية فيها كذا وكذا قولتله ولا اعرفك العربية لابساك لابساك لو هتديني شرط جزائي 4000 جنيه بردك مش هرجعهالك المهم شديت معاه وسبني ومشي المهم غطس يومين وقالي العربية هتخلص علي 13500 اللي اانا خدتهم وعايز يكنسل ال 1000 جنيه قولتله بعيد عن شنبك قولتله ال 1000 جينه قبل التسجيل والا انسي المهم غطس قد شهر ولاقيته بيكلمني علي اني اخد ال 1000 جنيه واروح اسجله المهم جريت علي الشهر العقاري وسجلتله العربية وطبعا بعد ما استلمت ال 1000 جنيه وتوته توته فرغت الحدوته حلوه ولا ملتوته ديه قصه عبرة وعظه بس اللذيذ في الموضوع ده اني كنت اتفقت مع معرض سيارات زيرو اني هاخد منه عربية اسبيرانز a516 وجتلي موافقة البنك والراجل مسئول المعرض بقا بيتصل بيا مرتيني كل يوم علشان اجي اخلص في العربية قولتله لسه مبعتش ال 128 وبعد ما بعتها بيومين كنت في طريقي لاكتوبر ولقيت عربية اسبيرانز A516 اتخبطت خبطة خفيفة جدا لاقيت الاكصدام الخلفي انقسم نصين وده اللي خلاني كنسلت الاسبيرانزا خالص وقد كان قعدت شهرين بعد ما بعت ال 128 في بيتي اخير بعد ما كنت لمدة 8 شهور بابيت عن الميكانيكي والسمكري والعفشجي كفايا عليكم كدا انا حاسس اني نكدت علي المنتدي كله |
#73
|
||||
|
||||
رد: القصة التي ابكت العالم قصة كفاحي مع ال 128
قصه جميله والله
بس فعلا تعظيم سلام لل131 بتاعتي عمرها ما عملتها معايا |
#74
|
|||
|
|||
رد: القصة التي ابكت العالم قصة كفاحي مع ال 128
انتا المفروض تعمل للـ 131 تمثال نورت الموضوع يا استاذي العزيز العراف
|
#75
|
|||
|
|||
رد: القصة التي ابكت العالم قصة كفاحي مع ال 128
يا حبيب قلبي إنت مش نكدت على المنتدى ولا حاجة، إنت حببت كل الناس في العربيات إلا معاهم، ده أنا لو معايا سيات، هأموت فيها.
بس عموما الحمد لله، أنا كان قدامي وأنا بأشتري 128، ومازدا الجيش، بس ولله الحمد كنت عامل استخارة وداعي ربنا سبحانه إنه يوقعني في نصيبي ويبارك لي فيه، وقد كان والله، دائما ال128 كانت بتحصل فيها مشكلة وما نتفقش، واتفقت على المازدا في دقيقة، ورغم إن في ناس قالت لي إنت جبتها غالية شوية، لكن والله تستاهل عربية زي الفل، أصيلة، ربنا يبارك فيها، والله مستخسر أبيعها لحد دلوقت، وشكرا ليك |
|
|