#71
|
||||
|
||||
رد: اللي عمل حادثة قبل كدة يتفضل
الحمد لله انا حصلت معايه معجزة كنت مسافر ومعاية 128 على سرعة 120 على الصحراوى حبيت افادى حفرة فى الاسفلت العربية سفت فى التراب اللى على الجنب وبعد كدة فقت السيطرة عليها وطارت على الرمله واتقلبت 4 مرات فى الهوا بس الحمد لله انا طلعت سليم و مراتى اخدت 15 غرزة فى دماغها وابنى كان عندة 3 سنين كان فيه شويه قزاز في ايدة بس على كل حال ربنا يسترها مع الناس كلها
|
#72
|
|||
|
|||
رد: اللي عمل حادثة قبل كدة يتفضل
الحادثه بتحصل فى جزء من الثانيه مخك بيتشل مش فاهم ايه كل الى بيحصل دا ببص مره واحده كل حاجه متكسره انا بحلم؟ عايش؟ ميت؟
|
#73
|
||||
|
||||
رد: اللي عمل حادثة قبل كدة يتفضل
دي أول حادثة ليا بعد تعلم السواقة من شهرين تقريباً
كنت راجع من طريق سفر وماشي زي الفل طول الطريق وقبل نهاية الرحلة بـ 15 كيلو كنت ماشي على كونيش النيل بسرعة 70 تقريباً وماشي فى الحارة الوسطي وعلى شمالي نقل تقيل وفجأة واحد حمار طلع من اليمين ولا باصص فى مرايا ولا مشغل إشارة المهم لمحت مراة الصالون لقيت عربية ماشية ورايا لازئة فى السنطة مكنش ينفع أكبس فرامل المهم ريحت على الفرامل وفاديت الحمار اللى طلعلي من اليمين للشمال وقربت من النقل المهم وأنا طالع الرفرف الشمال الخلفي أتخبط فى العربية النقل بسالحمد لله الخبطة مكانتش جامدة اللي غايظني أن الراجل اللي قفل عليا سابني ومشي دخل على شغلة ومشيت وراة وبلغت الشرطة مرتين ومجتش طبعاً المهم ناس كبيرة أدخلوة فى الموضوع وأعتذرولي وباسو راسي المهم قصرت الشر وحمدت ربنا على سلامة أولادي قبل أى شيئ ومشيت ربنا يستر طريقنا جميعاً |
#74
|
|||
|
|||
رد: اللي عمل حادثة قبل كدة يتفضل
الحمد لله ربنا سترها برده معايا
كنت على طريق اسماعلية بورسعيد و فاضل 5 كيلو على بورسعيد و ماشى على 120 واخد سرعتى و سايب العربية تهدى مع نفسها و مرة واحده لقيت عيل صغير سايق عربية كارو بيعدى من الإتجاة المقابل من بين السور الأسمنت و اصلن مش باين و مش حتة فيها ملف مثلا ده داخل من بين السور و ظهر و المسافة بينى و بينه يدوب 20 متر بالكتير و هوه ما قدرش يسيطر ع الحصان الحصان طلع بالعربية ووقف فى نص الطريق قدامى فجأًة ملقيتش قدامى غير الطريق مقفول من اوله لأخره و ع اليمين خالص فيه عشش كده و بالظبط متر رمل بين العشة و الأسفلت ... الموقف ده حصل فى ثانيتين بالظبط اولاً فكيت تعشيقة الفتيس و مسمرت رجلى فى الأرض عشان مش افرمل و جيت يمين أوى بسرعة و اتضطريت ارد الدركسيون من اليمين خالص للشمال خالص عشان ما اخبطش فى العشش اللى على جنب الطريق دى بس للأسف الرمل خلى العربية تخمس فجأه لقيت نفسى بدل ما كنت ماشى لقدام لقيت وشى فى وش العربيات اللى جاية ورايا و فضلت ارجع و العربية بتتزحلق نحية شمال الطريق نحية السور لحد لما وقفت ... الناس خبوا الواد الصغير و انا قعدت حوالى دقيقة ساكت و باخد نفسى و بفكر فى اللى حصل و اتطمنت ع اللى معايا و نزلت بصيت ع العربية و اشوف حصل فيها ايه و كده و جيت ابص ع الواد و العربية الكاروا مش لقيتهم الحمد لله ما حصلش حاجة بس أول ما شوفت الحمار و الواد الصغير قدامى فجأة حسيت ان قلبى بقى فى رجلى و لما العربية خمست قولت احنا هنقلب بس ربنا ستر |
#75
|
||||
|
||||
رد: اللي عمل حادثة قبل كدة يتفضل
ربنا يعافينا كلنا يارب
__________________
|
|
|