استفسر عن دهان سيارتك !!!!!!!

[أيمن الروبي]

المشاركة الأصلية كتبت بواسطة موديز ريو 2013 السلام عليكم ورحمة الله وبركاته محتاج رأيكم فيما يلى لو سمحتم حاجة غريبة لقيتها فى بوية السيارة عبارة عن نقط فاضية من الدهان صغيرة جدا فى بوهية العربية على السقف من ناحية الابواب الخلفية اليمين والشمال (كأنها على حد فهمى نقط فاضية فى الطبقة التانية من الدهان بس واضحة فى الشمس لكن لو سلطت عليها نور مش هاتبان) وكمان فى الفريم الاسود بتاع الازاز الخلفى فهل حد يعرف ايه ده؟ فى انتظار رأيكم او حلولكم انا مستلم السيارة من شهر بس الحاجات دى ماكنتش باينة معى او ماخدتش بالى منها و ما ظهرتش معى الا لما بدأت امسح العربية وبعدين احط عليها ملمع من 3 اسابيع كد

النقط الفاضيه في الدهان دي اسمها بلغة الصنايعيه عين سمكه ودي نتيجة وجود ماده او زفاره علي الصاج اثناء الرش او وجود ماده دخيله علي بوية الرش تعمل علي مص البويه وتكوين عين السمكه ولاخطاء دي مبتظهرش غير في السيارات المجمعه محليا في مصر نتيجة رداءة البويه المستخدمه في الرش طبعا علشان بيستخدموا كميات كبيره من البويه فبيسترخصوا لتقليل التكاليف
والفريم الاسود بتاع الازاز الخلفي مش واصلالي الصوره بصراحه ياريت لو تعرف تصورهلنا علشان اقدر افيدك اكتر

[sameh 1]

الوضع بالتفصيل كالتالى السيارة اوبل فكترا 2001 سوداء مرشوشة من الخارج بالكامل ومن الداخل قيل لى انها فبريكة و بالفعل لا يوجد ملحوظة سوى ان هناك بعض اجزاء صغيرة متفرقة مقشرة فى الصالون والحوض و الشنطة ويمكن تقشير اجزاء اخرى بالاظافر لكن لا معجون تحتها ولا ترى سوى الصاج بلون رصاصى فاتح ناعم املس لامع قليلا بدون اى سمك على عكس الفيلر الذى يكو ن له سمك واضح اى تخانة ويكون ملمسه مط مطفى ارجو الافادة فانا مقبل على شراء السيارة ولسيادتكم جزيل الشكر

[tham1010]

استاذ ايمن الروبى شكرا على معلوماتك

انا عندى عربية ماتركس 2001 كورى وارد الخارج. المهم العربية عليها بوية الفبريكة دواخل وخارجى. اللى مضايقنى ان فبه تجريحات فى البوية تتراوح بين تجريحات بسيطة ترى من قرب ولا تصل للصاج وتجريحات عميقة ودى مش كثيرة مجرد ثلاث او اربع خرابيش والخرابيش العميقة دى فيها صدأ. العربية لما بتنظف من بعيد مش بتشوف مشاكل ولكن من قريب تشوف كل العيوب دى.فى حته كمان فى الإكصدام الامامى من تحت فانوس الشبورة ممكن تشوفها بوضوح


كنت بفكر اعمل الخرابش المصدية دى واصنفرها عند بوهيجى واخلية يرش العربية كلها نظافة.. اة رائك فى هذا هل ادهن العربية كلها ام فقط الاجزاء اللى فيها خرابيش ام اتركها على حلها حتى لا تقل ثمنها؟؟ ارجو الافادة. عاوز اعرف هل ممكن رش جزء وترك الباقى وخاصة ان معظم الخرابيش فى جنب واحد اللى هو ناحية الشارع وبالتحديد فى الرفرف الامامى والابواب

لما العربية بتكون متربة تجد ان الخرابيش دى بتكون واضحة جدا التاجر لما بها لى كان عامل بولش فمكنش باين حاجة خالص ولكن بعد شهر البولش راح والعيوب ظهرت

[موديز ريو 2013]

المشاركة الأصلية كتبت بواسطة أيمن الروبي النقط الفاضيه في الدهان دي اسمها بلغة الصنايعيه عين سمكه ودي نتيجة وجود ماده او زفاره علي الصاج اثناء الرش او وجود ماده دخيله علي بوية الرش تعمل علي مص البويه وتكوين عين السمكه ولاخطاء دي مبتظهرش غير في السيارات المجمعه محليا في مصر نتيجة رداءة البويه المستخدمه في الرش طبعا علشان بيستخدموا كميات كبيره من البويه فبيسترخصوا لتقليل التكاليف والفريم الاسود بتاع الازاز الخلفي مش واصلالي الصوره بصراحه ياريت لو تعرف تصورهلنا علشان اقدر افيدك اكتر

استاذ ايمن اشكرك جزيلا على ردك
السيارة لسه جديدة استلمتها من وكالة الجبر فى السعودية منذ شهر ونص وما لاحظتهاش الا لما بدأت اغسل السيارة واشيك عليها يعنى تعتبر عيوب صناعة بس مااعتقدش ان حاجة زى دى تتعالج يعنى حتى لو عملت شكوى صح ؟ هل ممكن ملمع السيارة يأثر عليها او يسبب كده حيث اننى مسحتها بملمع سيارة بعد ما غسلتها بالميه

الفريم الاسود هاحاول انزلك الصورة

[walalila]

أستاذ / أيمن

أنا متابع جيد لموضوعك و لكل مواضيع المنتدى و الصراحه ساعدتنى ف العربيه اللى جبتها
أنا جبت من 3 شهور دايو 2005 ذهبى و دخلتها الفرن و و كأنها جديده , طبعا مع طرق مصر لو سايق أو حتى راكن عربيتك بتتخربش , المهم العربيه أتحكت من عربيه بوكس و أنا جاى الشغل من الجنب بس مش خبطه الدهان بس اللى طلع , مش عارف أعمل أيه و هل ليها علاج مش مكلف لأنى لسه صارف ع العربيه كتير عشان أظبطها
يا ريت تساعدنى أنا مش عارف أعمل أيه ؟