|
ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
|
أدوات الموضوع |
#71
|
||||
|
||||
رد: دستور العسكر في مصر 2013 (وزير الدفاع هو الحاكم الفعلي ومنصبه محصن)
اتمنى اننا ( و انا اخص نفسى بالتمنى ) اننا نخرج من موضوع الاخوان و السلطة ... ننسى شوية قصة الاخوان و نشوف ايه الى وراهم ... اقصد ايه الى بعدهم ... بمعنى ... خلاص الاخوان لم يصبحوا فى الحكم .... اصبحوا الان فى مكان اخر فيتم التعامل و التفكير فيهم على هذا الاساس ...... فى المحاكم او عندهم مشاكل ... انا اقصد ... عندنا دستور بنفكر و نتناقش فيه ... نركز انتباهنا فيه حاليا ... و ايه الى ممكن يترتب عليه ... نفكر فى كيف ننهض ببلدنا مرة اخرى ... ايه رأيك ننزل حملات ننضف الشوارع تانى ؟! ايه رأيك نبدأ حملة عامة لعمل دعاية عالمية للسياحة المصرية عبر الانترنت ايه رأيك اننا نعمل شركة و نشترى بعض الفنادق او شركات سياحة فى اسوان ( على سبيل المثال ) .... او نضخ نقود فى هذه الصناعة و غيرها حاجات كتير جدا ممكن نفكر فيها او نعملها ... مش حينفع نفكر فيها او ننفذها طالما احنا بنتخانق مع بعض او نفضل نتهم بعض .... متزعلش منى .. انا بحس عاوز اقول لحضرتك .. الدستور ده موضوع مهم و دى حاجة اكبر من الاخوان تقبل تحياتى و صباحك فل
__________________
|
#72
|
||||
|
||||
رد: دستور مصر المسودة الأولى لدستور لجنة الـ50 المعدل
المادة (234)
يكون تعيين وزير الدفاع بعد موافقة المجلس الأعلى للقوات المسلحة، وتسرى أحكام هذه المادة لدورتين رئاسيتين كاملتين اعتبارا من تاريخ العمل بالدستور. دى مادة تحصين وزير الدفاع فترتين رئاسيتين و انا معترض عليها جملة و تفصيلا
__________________
|
#73
|
||||
|
||||
رد: دستور العسكر في مصر 2013 (وزير الدفاع هو الحاكم الفعلي ومنصبه محصن)
ولكن عندى اكثر من سؤال لماذا منذ يوليو الى الان لم يقوم ثوار 30/6 بعمل نهضه فى البلد ؟؟ لماذا لم يقوموا بالاقتراحات التى تفضلت بذكرها ويقوموا بتنفيذها ؟؟؟ عندما قمنا بثورة 25 يناير قمنا بتنظيف الشوارع-قمنا بعمل لجان شعبيه - قمنا بتنظيم المرور - قمنا بعمل مشروعات كثيره صغيره - من الاخر كنا فعلا حاسين ان البلد بتاعتنا وعايزين نغيرها والسؤال فين الثوار بعد 30/6 يكرروا نفس اللى عملناه بعد يوم 25 يناير؟؟؟ وهل انشغلوا بالحديث عن الاخوان والسلفيين فقط وهيه دى الثوره ؟؟ هل معنى ذلك انهم لا يسيرون الا بمنهج اعلامى عسكرى محكم فهم لا يفكرون الا بما يملى عليهم ؟؟ الحقيقه الاسئله كتييييييييييييييييييير جزاك الله خيرا |
#74
|
||||
|
||||
رد: دستور العسكر في مصر 2013 (وزير الدفاع هو الحاكم الفعلي ومنصبه محصن)
انا مش معترض مع حضرتك ... بعد ثورة 25 يناير كان عندنا مشاعر فياضة و حماسة شديدة للتغيير .... و التغيير السريع ... و المشاعر دى لسة موجودة عند اغلب الناس و من الممكن ارد على حضرتك فى موضوع منفصل و نتحاور و نتكلم ببساطة..... بشرط ان الموضوع لا يتطور الى ما تطور اليه كل مواضيع النقاش السابقة و ردى على الاستاذ تامر مش نقض ليه ... انا كنت بشرحله وجهة نظرى الاستاذ تامر اخ فاضل ....هو زميلى الى ماشى جنبى فى الشارع ....و هو زميلى فى الشغل الى بشتغل معاه ... و هو الموظف الى بيمشيلى شغلى ... على ان احترمه و اقف معاه على حدود فى النقاش حضرتك اخ فاضل .... و كما الحال مع الاستاذ تامر .... حضرتك جارى الى ساكن جنبى ... لينا حدود فى التعامل و النقاش ... و اذا وصلنا لطريق مسدود لنا حد للوقوف عنده ... علشان تفضل جارى ... علشان حق الجيرة ... و حق الاخوة ...و حق الوطن اهم من الخلاف فى الرأى .... نفضل انا و حضرتك مختلفين بس بنتعامل مع بعض بود و احنا امامنا الان ... مشروع دستور .. مواد بنحاول نفهم تاثيرها حيكون ايه على مستقبل بلدنا ..... مين مع الاخوان ؟! مين ضد الاخوان ؟! مين مع السيسى ؟! مين ضد السيسى ؟! ممكن نتناقش فى المشكلة دى زى ما احنا عاوزين فى مواضيع تانية ... مع الاخذ فى الاعتبار ان المواضيع دى لا تاخذ اكتر مما تحتمل ... و لا تتطور الا نقض او اهانة اتمنى ان حضرتك لا تأخذ الموضوع على محمل شخصى او ان انا بنتقض حضرتك ربنا يباركلك اتمنى من حضرتك و من باقى الاعضاء الكرام عدم تحويل النقاش على مواد ثابتة .. الى نقاش ( جدال ) عام مرة اخرى ..... ان شاء الله حنفتح مواضيع للحديث عن اعضاء لجنة الخمسين .... عن التصويت الى حصل فى اللجنة و عن اى مواضيع اى حد يحب يتكلم فيها تقبل تحياتى
__________________
|
#75
|
||||
|
||||
رد: دستور مصر المسودة الأولى لدستور لجنة الـ50 المعدل
ايه ده النقاش تطور كتير اوى بس اتمنى و انضم لرأى استاذ احمد احنا عايزين نفهم الدستور بتاعنا بيقول ايه ايه المواد اللى تخصنا و اللى هنحسها مش بجد و لا نقول يسقط حكم المرشد و لا عايزين يسقط حكم العسكر انا عايز اعرف حقوقى و اكون وجهة نظر
اى حد معترض على مادة يكتب لما نتناقش فيها اعتراضه و وجهة النظر اللى بنا عليها هذا الاعتراض عشان كلنا نستفاد امتنى نبدأ تانى من اخر مادة كنا واقفين عندها امبارح و نكمل كلامنا تحياتى لكم جميعا |
الكلمات الدليلية |
2013, لاا, مصر |
|
|