ارشيف الاستراحة 2011

[magd131]

المشاركة الأصلية كتبت بواسطة Limoway أتي الزمان الذي أصبحت فيه نسائنا تصارع الحياة وصعابها بدلا من الرجال مش بعيد بعد كام سنة لو قامت حرب الستتات تطلع تحارب ويعدن مكفنات حتي يواري الرجال جثثهن الثري أنا ضد أن تهان المرأه ضد أن تعمل المرأه بمثل هذه الأعمال ضد كل من يجد تبرير تحت مظلة الجدعنة أو المساواة اللهم إرحمنا وإهدنا

والله دي وجهات نظر وبعدين انا مش شايف اي نوع من انواع الاهانه في انها تشتغل ميكانيكي ايه الفرق بينها وبين الفلاحه نفس الشغل الشاق المهم انها محافظه علي نفسها

[lol64]

المشاركة الأصلية كتبت بواسطة sad-bird محمد أحمد 31 سنة اخصائي تربية خاصة اعزب ( وان شاء الله أعزب على طول بلا جواز بلا قرف ) العربية اللى معايا ( الحمد لله مفيش )

ايه يامحمد مالهم المتجوزين وماله الجواز ؟؟؟؟

[nktis]

احيانا لما بدخل علي المنتدي بلاقي الاعلانات اللي مكتوبه اعلي صفحه المنتدي
عن وظائف خاليه واعلان بتاع سيمنز مكتوبه بالعبري ؟؟؟ ايه بقي ده وانا عموما من فتره والموضوع ده بيتكرر لدرجه اني سطبت نسخه ويندوزجديده غير انتي فيروس وانتي سباي وير... لاني كنت فاكر ان قايمه اللغات اتلعب فيها لاني الجهاز بيستعمله 3 افراد ...

[sad-bird]

المشاركة الأصلية كتبت بواسطة lol64 ايه يامحمد مالهم المتجوزين وماله الجواز ؟؟؟؟

لا حاجة يا باشا دخلو السجن برجليهم وجابو لروحهم وجع القلب والدماغ

[BASSEM BESO]

مميز من يومك يااستاذ سيف ياجااااااااااااااامد اعرفكوا بقى على العبد لله :

- باسم محمد احمد
- 22 سنه
- بكالوريوس نظم معلومات بتقدير امتياز والأول على دفعتى فى سنه رابعه دفعه 2010
- معايا اسبرانزا 516 وبحبها جدا جدا جدا لأنها اول عربيه زيرو اجيبها بعد ماركبت مستعمل كتيييييير .(خاص بيا انا )
- اشتغلت حاجات كتييير وانا فى الأكاديميه مثلا فى مطار القاهره وفى شركه ادويه واخيرا استقريت فى مصنع والدى والحمدلله مسكت الأداره تحت اشرافه وسعيد الحمدلله .
- ساكن فى السيده زينب وافتخر انى من مصنع الرجال الأول
- للأسف مجنون سيارات والنادى الأهلى وممكن اضيع وقتى عليهم
- نفسى امشى من البلد دى وارتاح منها ومن تخلفها الدائم رغم طيبه شعبها