#711
|
||||
|
||||
رد: أدب الرحلات
__________________
سبحان الله و الحمد لله و لا اله الا الله و الله اكبر و الحمد لله علي نعمة الاسلام و رضيت بالله ربا و بالاسلام دينا و بمحمد صلي الله عليه و سلم نبيا و رسولا اكتب ان شاء الله ولا تكتب انشاء , بارك الله فيكم
|
#712
|
||||
|
||||
رد: أدب الرحلات
الهند - حلقة 1
في شهر مارس الي فات ربني كرمني و سافرت الهند 3 ليالي و كنت رايح ادي كورس في فرع الشركة في الهند و اعتقد انا اول مصري يدي كورس لهنود في الهند من زمن طويل سامحوني في الكلام الي تحت ده هو مش كلام ممتع خلاص و لا في اي تجارب غير عادية و لكنه ممكن يكون من باب النصح للي ممكن يسافر اي مكان عشان تسافر الهند او اي دولة من الدول النامية او الي فيها اوبئة لازم تعمل حاجة من اتنين: تروح الحجر الصحي في المطار و تاخد التطعيمات اللازمة او تروح لمركز المصل و اللقاح فاكسيرا Vaccera اللي في الدقي و انا بفضل الحل التاني عشان الحجر الصحي في المطار ممكن يأخرني عن معاد الطيارة و كمان الواحد لازم ياخد التطعيمات قبل ما يسافر بفترة عشان تعمل مفعول طبعا اخدت كورس حقن محترم ايشي فيروس كبدي أ و تطعيم كوليرا و ملاريا و كنت واخد نفس الكورس و انا رايح جنوب افريقيا في مركز المصل و اللقاح خريطة بدول العالم و انتشار الاوبئة بها و التطعيمات الواجب اخذها قبل السفر للبلد المراد - طبعا اوروبا و امريكا الشمالية خاليين من الاوبئة بمعني الكلمة و تقريبا لا يوجد لهم تطعيمات - مصر و افريقيا حدث و لا حرج تقريبا فيهم كل اوبئة الدنيا و الاخرة و الي انقرض منها و لم ينقرض - الخليج العربي برضو و الحمد لله تقريبا خالي من الاوبئة و ده بفضل رحمة ربنا و يمكن للجو الجاف و درجة الحرارة العالية بعد التطعيم بتاخد دفتر يتكتب فيها التطعيمات و يتختم عليها و كفاية كدة علي حلقة 5 لصحتك
__________________
سبحان الله و الحمد لله و لا اله الا الله و الله اكبر و الحمد لله علي نعمة الاسلام و رضيت بالله ربا و بالاسلام دينا و بمحمد صلي الله عليه و سلم نبيا و رسولا اكتب ان شاء الله ولا تكتب انشاء , بارك الله فيكم
|
#713
|
||||
|
||||
رد: أدب الرحلات
بس عايز رأيى ياباشا, فيه أعضاء كتير متابعيين حكايات حضرتك, وميرضيهمش توقفك عن الكتابة تانى, فأنا من رأيى حضرتك تكمل كتابة عادى حتى ينتهى الموضوع بعد زمن طويل, بعدها تقوم الأدارة (أو متطوع) بتنقيحه وأزالة جميع المشاركات الغير متعلقة بالموضوع وترك الحكايات فقط وتثبيته بأسم أخر زى "رحلات خالد خليفة" وترك الموضوع الأصلى, أو أزالة جميع المشاركات الغير مرتبطة بالموضوع ووضعها فى موضوع بأسم المراجيح مثلا. وفى الأخر برضه هما كانوا بيسلوا وقتهم لحد ماحضرتك ترجع مش أكثر, أرجو أن حضرتك متكونش (كلمة دارجة بمعنى لاتكون ) زعلان.
__________________
|
#714
|
||||
|
||||
رد: أدب الرحلات
الهند - حلقة 2
رحلة الهند دي كانت اكبر علقة اخدتها في حياتي و اتمني ان لا تتكرر قبل ما اسافر كان قدامي مسارين - المسار الاول طيارتين و زمن الرحلة تقريبا 8 ساعات و تمن التذاكر 11 الف جنيه - المسار التاني 3 طيارات و زمن الرحلة كتير اوي و تمن التذكرة تقريبا 5 الاف و نص طبعا الشركة اختارت المسار التاني الارخص المهم نزلت من بيتنا يوم الاتنين الساعة 12 الظهر و ركبت الطيارة الساعة 3 تقريبا ووصلت ابو ظبي و قعدت 4 ساعات ترانزيت ثم من ابو ظبي لدلهي و قعدت فيها 4 ساعات كمان ترانزيت ثم انطلقت لبانجالور ووصلت بانجالور يوم الثلاثاء الساعة 8 الصبح لما وصلت دلهي كانت الدنيا ليل و مكنتش شايف حاجة نزلت من الطيارة عشان اركب اتوبيس الركاب و اول ما شفت الاتوبيس بصراحة بدأت اقلق الاتوبيس كان شبه اتوبيسات المنوفية الي بتطلع من الخازندار الي في روض الفرج قلت بس بداية غير مطمئنة دخلت المطار و بصراحة كان شبه المطار القديم بتاعنا يعني مطار متوسط الجودة اخدت الشنط بتاعتي و دورت علي الطيران الداخلي و ياللهوووووووول طابور طوييييييييييييييل من البشر مانت في الهند و الهند ايه و مصر ايه جيت ادخل عالطابور عشان اوزن طلعت التذكرة الي طابعها من علي الانترنت ووريتها للراجل بتاع الامن قالي متنفعش ليه يا عم ؟ يهديك يرضيك لا انا فاهم حاجة و لا هو فاهم حاجة المهم لقيت عيل هندي شيال وقعلي من السما و قالي تعالي انا احللك المشكلة انا اعرف ان النصابين يبقوا برة المطار مش جوة كمان المهم الواد ده اخدني و ضيع تلت ساعة مني عشان نروح مكتب التذاكر اطبع نفس الورقة الي كانت معايا اصلا و اخد 2 دولار قبل ما يعمل اي حاجة بعد ما اكتشفت اني ضيعت تلت ساعة من وقتي الثمين بدون فائدة كنت هولع في الواد رجعت تاني للطابور و نقطة الصفر و ادركت ان الراجل الاولاني كان تقريبا عاوز اكرامية لاني تاني مرة دخلت اصلا من غير ما حد يسألني علي حاجة وصلت لمكتب الوزن عشان اديهم الشنطة الي كنت شايلها علي قلبي رايح جاي قالي المكتب قفل خلاص و لازم تركب الاتوبيس للمبني التاني من المطار تسلم الشنط و ترجع تاني تركب الطيارة من هنا في هذة اللحظة بالذات استحضرتني كلمة اسكندراني تدل علي الغضب بس كتمتها في قلبي قمت برحلة المستحيلات الي قال عليها ركبت الاتوبيس للمبني التاني و انا نازل من الاتوبيس السواق لازم يفتحلي عشان يديني شنطتي و يتأكد اني مش هسرق حاجة اديت السواق 1 دولار بصراحة الراجل شافه انبهر تقريبا مكنش حد بيعبره قبل كدة لاقيته راح فاتحلي الشنطة و يقولي خد الي انت عاوزه طبعا بعد الاندهاش اخدت شنطتي و مشيت و رجعت تاني المبني التاني اخد الطيارة لبناجالور Bangalore المهم رحت عالطيااااااارة و ياللهووووووووووول لتاني مرة انا لما اركب اتوبيس داخلي في مطار موديل تمانينات ماشي انما اركب طيارة عبارة عن 2 ميكروباص ملزوقين في بعض متركبلهم جناح يبقي كتير و مواتير الطيارة ليها مراوح كبيرة زي الي كانت بتتلف بالايد و الي كنا بنشوفها في افلام الستينات المهم قرأت دعاء السفر و قلت الشهادتين و رحت طالع الطيااارة و ياللهوووووووووووووووول قطار درجة تانية صفين كراسي كل صف كرسيين الجو مكتوم بطريقة رهيبة و رائحة عرق لا تطاق شوية و اكتشفت ان الطيارة دي بيتباع فيها كل حاجة يعني لو عاوز اشرب مية لازم ادفع استحملت و دعيت ربنا ان الرحلة تكمل بسلام التكييف مكنش شغال لحد دلوئتي و مكنتش فاهم ليه الطيار بدأ يشغل المحركات و فهمت التكيف مش شغال ليه لانه و ياللهوووووووووول الطيار كان مضطر انه يقفل كل انوار الطيارة الداخلية و الخارجية عشان يعرف يشغل المحركات في اللحظة دي ادركت انها هتبقي رحلة لا تنسي دعوت الله ثانية و الحمد لله ربنا انزل السكينة عليا الرحلة كانت ساعتين نمتهم بالكامل ماعدا 3 او 4 مرات كنت بصحي كم دقيقة و انام تاني و الحمد لله وصلنا المطار بسلام و الدنيا كانت نور المهم المطار فضل يقرب لحد ما شفت تفاصيل المطار و ياللهوووووووووووووووول نكمل الحلقة الجاية
__________________
سبحان الله و الحمد لله و لا اله الا الله و الله اكبر و الحمد لله علي نعمة الاسلام و رضيت بالله ربا و بالاسلام دينا و بمحمد صلي الله عليه و سلم نبيا و رسولا اكتب ان شاء الله ولا تكتب انشاء , بارك الله فيكم
|
#715
|
||||
|
||||
رد: أدب الرحلات
اولا مش نسمح لك انك تتوقف إلا لعذر قهري خصوصا انك لن تستطيع التوقف عن الكتابه ثانيا هناك حل وسط أستاذ حازم شاهين يتطوع كل 10 صفحات ويحذف التعليقات الغير مطلوبة ( لا مؤاخذة يا استاذ حازم بنتقل عليك ) ثالثا اكتشفت اليوم ولأول مرة ان بداية كتابة الموضوع كانت يوم 24 -1-2010 ثم توقف لعد وجود تنشيط له ثم استعاد نشاطة مرة اخري ابتداء من يوم 15-7-2010، وكلي يوم في نشاط بسبب التفاعل بين الاعضضاء حتى وان لم يكن له فائده فهو يرفع معدل المشاهدات ويرفع نسب التوجيه للأعضاء الجدد في الموضوعات الفعالة رابعا: قمت بتجميع اغلب المشاركات الأولي من صفحة واحد حتى صفحة ثلاثين وتشمل 210 مشاركة وجميعها في ملف وورد وكنت انتظر تنسيقه ولكني سأحمله اليوم حتى اشعار اخر، وسيتم باذن المولى عزوجل استكمال باقي المشاركات وان كان احد الاعضاء يتطوع لمساعدتي في هذا الأمر يخبرني، وكل فترة سيتم اعادة تحميل الملفات المتضمنة جميع المشاركات حتى يتسني للراغبين في المتابعة الحصول عليها كلها في انتظار رأيك يا ابو عمر
__________________
ولا نقول إلا ما يرضي ربنا إنا لله و إنا إليه راجعون
|
|
|