موضوع يهتم بإستفسارات الأعضاء عن فواتير الكهرباءوشركات التوزيع

[maka]

المشاركة الأصلية كتبت بواسطة Romeeoo انا شايف ان ليك وجهة نظر تانيه يا بشمهندس اتفضل اشرحها

اولا : شكرا يا روميو

ثانيا :

1-المبات الموفرة ولمبات الفلورسنت بتحتاج فعلا كمية من الطاقة للتاين بس الكمية دى مش كبيرة اوى كده يعنى

2- لو هتجيب لمبة موفرة وتشغلها وتطفيها كل شوية برده تعتبر اوفر بكتيير جدا من استخدام اللمبات العادية

3- دى مقارنة ما بين لمبة موفرة و عادية ل 150 ساعة تشغيل

* اللمبة الصفراء ال 100 وات بتدى كمية الاضاءة اللى بتديها لمبة موفرة 20 وات

يبقى الصفراء بتستهلك ل 150 ساعة تشغيل ( غير متاصلة ) طاقة مقدرها = 150 × 100 = 15000 ك . و

والموفرة بتستهلك = 20 × 150 = 3000 ك . و

يبقى كده فيه فرق فى الاستهلاك واكيد هيعمل وفر فى الفلوس .

ثالثا: تصحيح للمعلومة دى

المشاركة الأصلية كتبت بواسطة Romeeoo العادات القديمة من التمانيات والسبعينات: زمان كان حساب الكهرباء الكيلوات اللى بتتعمل بليل بسعر والصبح بسعر فا العدادات دى مش مصرية عشان كده فيه فرق بس معظم العدادات دى باظت من زمان

العدادت القديمة كلها ميكانيكية ( كهرومغناطيسية ) يعنى صعب العداد يعرف الليل من النهار و صعب جدا انك تبرمج عليه تايمر

وزمان كنت الشرائح تنازلية يعنى اول كليوات بتستهلكها بتتحسب باعلى سعر وكل ما تستهلك بتخش فى شرائح سعرية ارخص ( زى نظام الصناعات المستهلكة للطاقة وعكس النظام المنزلى الحالى )

والنظام اللى هيطبق فى مصر فى المستقبل هو نظام ساعات الذروة . يعنى استهلكك فى ساعات الذروة هيبقى فى اعلى الشرائح السعرية وساعات الذروة فى مصر من 6 الى 10 بالليل

بس علشان يطبقوه لزم مصر كلها تبقى عدادات ديجيتال

واخيرا الموضوع ممتاز وباراك الله فيك

[maka]

المشاركة الأصلية كتبت بواسطة askafrawy ايه دة الموضوع دة اول مرة اشوفه! شركة الكهرباء كهربتنا يا روميووووووووو الاسعااار فى زيادة عقيمة بدون اسباب معقوله يعنى حتى بند النظافة بيختلف حسب المنطقة(عشوائية_متوسطة_را قية) يعنى الحكومة بتفرض السعر على هواها! انا مش عارف ليه الاسعار تتزايد مع ان المفروض انها تقل عشان معدل مدة الخمس سنوات انتهت! وشكرا لموضوعك بس انصحك تشوف شركة تانية بدل ميحصلك قافلة

هههههههه

يا كفراوى وزارة الكهرباء والطاقة كنت مديونة لوزارة البترول وقررت انها هتزود الشرائح الاستهلاكية بنسبة تصاعدية كل سنة . والله اعلم هيهمدوا امتى

[Romeeoo]

المشاركة الأصلية كتبت بواسطة maka اولا : شكرا يا روميو

انته بس تؤمر
سؤال مهم انته شغال معانا؟

المشاركة الأصلية كتبت بواسطة maka ثانيا : 1-المبات الموفرة ولمبات الفلورسنت بتحتاج فعلا كمية من الطاقة للتاين بس الكمية دى مش كبيرة اوى كده يعنى 2- لو هتجيب لمبة موفرة وتشغلها وتطفيها كل شوية برده تعتبر اوفر بكتيير جدا من استخدام اللمبات العادية

دا اذا محسبناش ان اللمبه كده عمرها التشغيلى حايبقى قصير لكن ماعلينا كلها فروق لا تذكر

المشاركة الأصلية كتبت بواسطة maka 3- دى مقارنة ما بين لمبة موفرة و عادية ل 150 ساعة تشغيل * اللمبة الصفراء ال 100 وات بتدى كمية الاضاءة اللى بتديها لمبة موفرة 20 وات يبقى الصفراء بتستهلك ل 150 ساعة تشغيل ( غير متاصلة ) طاقة مقدرها = 150 × 100 = 15000 ك . و والموفرة بتستهلك = 20 × 150 = 3000 ك . و يبقى كده فيه فرق فى الاستهلاك واكيد هيعمل وفر فى الفلوس .

حسبة حلوة

المشاركة الأصلية كتبت بواسطة maka ثالثا: تصحيح للمعلومة دى العدادت القديمة كلها ميكانيكية ( كهرومغناطيسية ) يعنى صعب العداد يعرف الليل من النهار و صعب جدا انك تبرمج عليه تايمر

صحيح انا مش مهندس بس انا شوفت العدادات دى فعلا العداد فيه ساعه ميكانيكية صغيرة بس غالبا بعد الزمن الطويل ده بتبقى عطلانه

المشاركة الأصلية كتبت بواسطة maka وزمان كنت الشرائح تنازلية يعنى اول كليوات بتستهلكها بتتحسب باعلى سعر وكل ما تستهلك بتخش فى شرائح سعرية ارخص ( زى نظام الصناعات المستهلكة للطاقة وعكس النظام المنزلى الحالى )

ماعرفش زمان كانت تتحسب ازاى بالنسبه للمنازل بس الكلام اللى تحتيه سطر دا موش صحيح بالمرة هما بيتحاسبوا على شرائح تجاريه عاديه مدعمه زيهم زى اى دكان بقاله ولكن فى اتجاه قوى لبيع الطاقه لهم بالميجا فار نظرا للأحمال على الشبكه عموما ده مش موضوعنا

المشاركة الأصلية كتبت بواسطة maka والنظام اللى هيطبق فى مصر فى المستقبل هو نظام ساعات الذروة . يعنى استهلكك فى ساعات الذروة هيبقى فى اعلى الشرائح السعرية وساعات الذروة فى مصر من 6 الى 10 بالليل بس علشان يطبقوه لزم مصر كلها تبقى عدادات ديجيتال واخيرا الموضوع ممتاز وباراك الله فيك

ماحدش عارف بصراحة الكلام ده صحيح ولا لأ الكلام كله عن خصخصة الكهرباء حاتحصل ازاى وامته

المشاركة الأصلية كتبت بواسطة maka هههههههه يا كفراوى وزارة الكهرباء والطاقة كنت مديونة لوزارة البترول وقررت انها هتزود الشرائح الاستهلاكية بنسبة تصاعدية كل سنة . والله اعلم هيهمدوا امتى

هما كانوا 4 زيادات سنويه بنسبة 5% وانتهت خلاص

اللى ماتعرفوش ان شركات التوزيع بتخسر أكتر من50% فى اول 50 كيلوا وات ف الفاتوره وبتخسر فى الشريحة التانيه كمان حوالى 20% مابتديش تكسب الا فى الشرائح من ال 4 لل 7

[maka]

المشاركة الأصلية كتبت بواسطة Romeeoo انته بس تؤمر سؤال مهم انته شغال معانا؟ انا مهندس كهرباء وحاليا مش شغال فى اى حتة دا اذا محسبناش ان اللمبه كده عمرها التشغيلى حايبقى قصير لكن ماعلينا كلها فروق لا تذكر اللمبة الموفرة عمرها التشغيلى 8000 يعنى 8 مرات عمر اللمبة العادية . والعمر التشغيلى مش هيوصل ابدا ابدا للنص مع الاستخدام السريع المتكرر [/SIZE] حسبة حلوة [/SIZE] صحيح انا مش مهندس بس انا شوفت العدادات دى فعلا العداد فيه ساعه ميكانيكية صغيرة بس غالبا بعد الزمن الطويل ده بتبقى عطلانه انا مشوفتهاش قبل كده بس مصدقك ماعرفش زمان كانت تتحسب ازاى بالنسبه للمنازل بس الكلام اللى تحتيه سطر دا موش صحيح بالمرة هما بيتحاسبوا على شرائح تجاريه عاديه مدعمه زيهم زى اى دكان بقاله ولكن فى اتجاه قوى لبيع الطاقه لهم بالميجا فار نظرا للأحمال على الشبكه عموما ده مش موضوعنا الصناعات البسيطة والمتوسطة الاستهلاك بتتحاسب زى التجارى . الصناعات المستهلكة للطاقة زى الالمونيوم وحديد التسليح بتتحاسب بشرائح تنازلية ماحدش عارف بصراحة الكلام ده صحيح ولا لأ الكلام كله عن خصخصة الكهرباء حاتحصل ازاى وامته هو نظام وقت الذروة من التطبيقات الممتازة اللى الوزارة بتفكر تطبقها علشان تجبر المواطنين لتخفيف الاحمال فى الاوقات دى هما كانوا 4 زيادات سنويه بنسبة 5% وانتهت خلاص اللى ماتعرفوش ان شركات التوزيع بتخسر أكتر من50% فى اول 50 كيلوا وات ف الفاتوره وبتخسر فى الشريحة التانيه كمان حوالى 20% مابتديش تكسب الا فى الشرائح من ال 4 لل 7

معلومة حلوة اشكرك عليها

[EgyZizo]

شكراً على الموضوع
بس أنا مش لاقى أى برنامج فى مرفقات المشاركة الثانية.

هل يتكرم صاحب الموضوع أو حد من الزملاء اللى نزلوه برفعه مرة أخرى؟