السيارات الجديده في مصر

[medmac]

ممكن رايك في العربيات دي ومين ترشح لانهم تقريبا في نفس الفئة اسعرية (اتوماتيك) :

1- اوكتافيا A4
2- سيات قرطبة
3- اللانسر الشكل الجديد
4- نيسان صني سوبر صالون

انا بصراحة كنت ناوي اجيب اللانسر 1600 الشكل القديم سبور بس لما رحت معرض لاقيت المجموعة دي ف ايه رايك من ناحية العربية نفسها وبعدين من ناحية الخدمه والتوكيل

وتشكر يا مادو

[AbOnOrA]

المشاركة الأصلية كتبت بواسطة mada pro مشكور يالغلا على النصيحة بخصوص الميزانية بحاول اوصلها ان شاء الله الى 100 الف ان شاء الله او اكثر شوية حضرتك رشحت لي الصني طيب هي افضل من النيو سيراتو والجين 2 سامع عتهم اخبار كويسة المقارنة من حيث قوة الموتور وقلة الاعطال بصفة عامة واسعار قطع الغيار شاكر جدااااااااااااااااااااااا اا

الجين تو توكيلها عز العرب ة ده توكيل معوق بشهاده الجميع و مفيش قطع غيار ليها اصلا جوه التوكيل و طبعا صيانتها صعبه و تكاد تكون مستحيله بره التوكيل

طبعا المقارنه محسومه من غيار مقارنات لصالح الصني ( دي ياباني و السيراتو كوري )[/quote]

اختلف معاك يا مادا تماما ً
توكيل عز العرب مش بالسوء ده وقطع غيار الجين تو موجودة كلها فى التوكيل سواء هى او البيرسونا او الواجا بالاضافة الى انه توكيل يحترم لالتزامة بتوفير السيارات بكل الكماليات زى ما بتنزل بره بما فيها كماليات الامان والموديلات الجديدة بتنزل بنفس السعر فى الغالب او بهامش بسيط جدا وديه حاجة مفيش توكيل دلوقتى بيعملها

الجين تو عربية جميلة فى تصميمها الداخلى والخارجى وادائها رائع سواء الموتور الكام برو او التعليق الرياضى بخبرة لوتس الانجليزية فقط يعيبها زى باقى السيارات فى الرينج ده بعض مشاكل التقفيل فى لمبة صالون فيبرة فى تابلوه حاجات من النوع ده وبتتحل فى الضمان ده فيه ناس اكدتلى انها غيرت عفشة الواجا كلها مجاناً فى الضمان

[pro mada]

المشاركة الأصلية كتبت بواسطة ياسر قطب أحسن من يبيع بيكانتو خليجى؟؟؟؟؟؟

معرض المصريه للسيارات

[pro mada]

المشاركة الأصلية كتبت بواسطة medmac ممكن رايك في العربيات دي ومين ترشح لانهم تقريبا في نفس الفئة اسعرية (اتوماتيك) : 1- اوكتافيا A4 2- سيات قرطبة 3- اللانسر الشكل الجديد 4- نيسان صني سوبر صالون انا بصراحة كنت ناوي اجيب اللانسر 1600 الشكل القديم سبور بس لما رحت معرض لاقيت المجموعة دي ف ايه رايك من ناحية العربية نفسها وبعدين من ناحية الخدمه والتوكيل وتشكر يا مادو

سيبك من الايه فور عربيه مش منتشره و قطع غيارها مش موجوده
السيات عربيه ممتازه ولكن قطع غيارها غاليه ( كعاده الاوروبي و ربنا مميقطعله عاده ) و الصيانه لازم تتم في التوكيل
اللانسر مفيش اتنين اختلفوا عليها و لكن يعيبها الانتشار الكبير ( بس طبعا صيانه سهله و سعر اعاده بيع مرتفع )
الصني عربيه ممتازه برضه و السوبر صالون عفشه رياضيه و فيها اوبشنز كتير

و طبعا ارشحلك في الاخر نيسان صني و لا تنسي صلاه الاستخاره
و ارجو ان اكون قد افدتك

[pro mada]

ابو نورا حبيبي
دي وجهات نظر مع احترامي لوجهه نظر حضرتك و طبعا معاك حق في موضوع اوبشنز العربيه
و مبروك علي قسم اللادا