المشاركة الأصلية كتبت بواسطة hobbos
انا اسفه انا مش مع حضرتك خالص
اولا لان حضرتك لو بتخاف عليهم فعلا هتصرف بطريقه مختلفه انت مجرد بتحب تريح دماغك ويبقى فى ايدك التحكم فى المشاوير وتقدير اهميتها وامتى وازاى؟
لانى بصراحه جربت التعامل مع المشكله دى انا بابايا الله يرحمه كان بيعملى كل حاجه لحد ماتجوزت لدرجة انه كان على طول بيشتريلى الهدوم وف اوقات مبكنش معاه لكن علمنى السواقه وكان اول ما بحتاجه وانا مش معاه بيجرى يكون معايا لكن من غير تحكم فى شخصيتى واختيارى لمشاويرى امتى وازاى
لكن زوجى لا طبعا مستريح كده ودماغه مرتاحه ومشاوير البيت فين وفين لما تتعمل ومش مهم احنا محتاجين حاجه وهو مش فاضى تتأجل وعلى فكره انا اخترته عشان الصفه ده بالذات كنت متخيلاها زى انت ما بتقول حب وخوف زياده(وبرده بموت فيه)
لكن الحق بقى اللى يحب ميزعلش واللى بيخاف ميركبش مواصلات ولا التكاسى ولا الهم ده دى السواقه ده اهون حاجه فى الحياه بالنسبه للبنت وحتى يا سيدى تغيير العجل وانتظار الميكانيكى هيه دى الصعوبات اللى خايفين علينا فيها انتوا اصلكو مجربتوش الحمل والولاده ولا السهر وتربية الاطفال ولا لما ابنك يبقى محتاج حاجه بسيطه مبقلش حاجه مهمه وانت تقنعه يا حبيبى لما ييجى بابى مش تخلصها الست وتنجز
انا شايفه ان الحياه محتاجه فى زماننا ده الانجاز وبلاش بقى اختراعات
وعلى فكره هو انت كمان بتعمل مشاوير لمامتك واختك ده على كده مشاوير مراتك مبتتعملش اصلا
ههههههه
|
أضم صوتى لصوتك واختلف تماما معه صاحب الموضوع جمله وتفصيلا مجرد رؤيتى لاسم الموضوع اثار حفيظتى لانه يذكرنى بالنظره الدونيه فى دوله بدون ذكر اسمها التى تمنع المراه من ركوب السياره وتجلدها على ذلك فى حين ان الرسول صلى الله عليه وسلم سمح ليها بقيادة الدابه
وانا بحترم اكتر المراه التى تستطيع القياده عن المراه التى لا تستطيع لانها فى نظرى امراه قادره علىا تخاذ قرارت والتصرف فى حياتها
وانا هنا لاسجل اختلافى واعتراضى لا لنقاش لان راى غير قابل لتغير
لان عندى حرية وكرامة المراه فوق كل اعتبار
واخيرا اختلاف الاراء لا يفسد لود قضيه