ارشيف الاستراحة 2010

[mansoub504]

اولا يا باشا شكرا علي الموضوع الجميل
بس انا شفت بعيني امثلة كتير للموضوع ده
بمعني:-
مشكلتنا كمصريين ان الدولة مش بتدعم التطور التكنولوجي والدراسات عندنا اكاديمية
وعلي امكانياتنا المحدوده عندنا التطوير اكبر من التصنيع
مثال صغير كان ليا اصدقاء في كلية زراعة وكان عندهم مشروع في موضوع الانتاج الحيواني للتثمين
والموضوع ده كان محتاج منهم فلوس عشان يقدروا يكملوا المشروع ولاكن لا في مكان رضي يدعمه ماديا وهما بأمكانياتهم المادية مقدروش ينفذوا حاجه ونفس الموضوع ده كان ليا صديق في هندسة ميكانيكا وكان عنده مشروع لماكينة في محطات ضخ المياه انا بصراحة مفهمتش منه بس كانت هتوفر اننا نبدل المكنات اللي موجوده في محطات ضخ المياه وبردو ملاقاش حد يدعمه
بس في الهند مثلا لو حد حب يعدل حاجه وطرح الفكرة ونسبة نجاحها 1% هيدعموه يمكن الواحد في المية ده يجيب نتيجة
لاكن الموضوع ده مش موجود عندنا في الحكومه
وغير كده انا شفت في الخليج ان الهنود لما بتشتغل في مجال لو حاجه وقفت امامها لم تمر عليهم من قبل توقف عملهم وتفكيرهم ومتهيالي انك يا باشا عارف الموضوع ده
حتي في السيارات
احنا معندناش امكانيات تخلينا حتي في التصليح ممكن ننجح علي رآي عوكل (بدقدق بزلطتين)
واكبر دليل علي كلامي ده ان اي عالم بيخرج من عندنا يسافر بره بينجح نجاح مبهر
وكمان مثال:
لما الاتحاد السوفيتي اتحل كل الدول اللي عاوزه تنمي نفسها اشتروا العلماء اللي كانو في الاتحاد السوفيتي عشان ينمو نفسهم بالعلم اللي عندهم إلا مصر فاشترت الراقصات الروسيات
اتمني من الله ان يرحمنا
ومشكور مرة اخري علي الموضوع

[بدر بسيونى]

موضوع تحفة ياصقر باشا بجد شكرا عليه لان فعلا هى دى انواع الاصدقاء

والموضوع متميز حتى لو مجهول المصدر ويكفى ان انت اللى نقلته

[بدر بسيونى]

شكرا استاذ نبيل موضوع متميز من شخص اكتر من متميز

[khaled al sharif]

كلام رائع ونصائح أغلي من الذهب تسلم إيدك
( اللهم اغفر له ولوالديه ولأهل بيته ما تقدم من ذنبهم وما تأخر

وقِهم عذاب القبر وعذاب النار)

[horas3000]

المشاركة الأصلية كتبت بواسطة AboNoRa اكيد الشاب عبقرى انا مش بنكر ده بس بقول ان كل شعب فيه عباقرة وموهوبين بس الفرق فى احتضان المواهب وتنميتها وعندنا نمازج مصرية كتير برضو نجحو بشكل كبير لما سافرو بره علشان كده بفكر الناس ان المشكلة مش فى المصرى لكن فى البيئة المحيطة بالانسان المصرى ان صح التعبير كمان الهنود مش كلهم نوابغ زى ما ناس بتبالغ برضو انا شوفت مبرمجين كتير بيشتغلو فى سوفت وير فاكتورى من بعد التعليم التمهيدى على طول وفيه واحد حلفلى انه اشتغل بعد الابتدائى ونفسه يكمل تعليمة وده فرق جوهرى كبير بينا النظام هنا وهناك هنا الشهادة اولاً وقبل اى شىء وياريتها شهادة تعكس خبرة او كفائه هناك تشتغل الاول واللى عايز شهادات يزاكر ويمتحن فالشعوب مش بتتقدم بالعباقرة بس التقدم نظام والنظام غائب والضمير فى اجازة

هو ده اللي قصدي عليه با ابو نورا
انا مش بقول ان الهنود اذكي من المصريين او العكس
انا بكلم علي طبيعة تفكير و النظام المعمول بيه في كل بلد
احنا عندنا التعليم بقي شيئ مسلم بيه لدرجة انه فقد جوهرة و الشهادات بقت بلا قيمة و لا تعكس مستوي اصحابها
و المثال اللي انت ذكرته انا تعرضت ليه شخصيا لما كنت بشتغل في مكتب تدقيق كنت و انا معايا بكاليورس في المحاسبة بقارن بخريجين ثانوي و معاهم شهادات مهنية في المحاسبة و كنت بنعامل زي بعض.