ارشيف الاستراحة 2009

[koshary]

اول عربيه كانت لانسر عيون صفيه

[محمد بدوى]

عربية اونو 94 وكنت لسة بتعلم جنب مكتب التنسيق وغصب عنى فوجئت انى دخلت بولاق.. وحدث ما لايحمد عقباة فى اول مطب العربية طفت وغلبت ادور واطلع لكن كانت بتطفى تانىوعلى كدة قول 10 دقائق لحد ما السواقين اللى وراية عرفوا يطلعوا منى وكل واحد بزوقة بقة اللى يقول يا.... واللى يقول اصل انت....على العموم خت كوكتيل محترم من الشتائم والتهزيئ لغاية ما الى جنبى قالى تقريبا العربية واخدة الثالث وفعلا العربية كانت على الثالث ومكنتش واخد بالى ههههههههههههه وطبعا مسكت فى رقبي صاحبى خصوصا انة بيسوق من زمان.
اول مرة اسوق باليل كنت ماشى فى شارع نوال بالدقى وفوجئت بسواق تاكسى جاى فى العكس هدى وقالى ( انت ماشى فى صحراء دة انت .......قوى ) بعد كدة فوجئت ان النور كان عالى قوى (لمض زئبق).
واول خروجة برضوة باليل كان قدامى عربية كارو فى اشارة الزاوية وكنت متضايق جدا منها المهم كسرت شمال ودخلت لاكن العربية خبطت اتارى كان فى تاكسى مكنتش شايفه على الشمال وكان فيات 1300R المهم نزلت كان فانوس الاشارة الشمال فى خبر كان المهم فى الموضوع ان صاحب التاكس ماهتمش اول ما شاف ان العربية اونو ومشى وهو بيقول :من ابن ال..... الى اداك رخصة بس

[essam275]

انا بقى اتعلمت سواقة بالاكراه ومكنتش متخيل انى ممكن اسوق فى حياتى المهم من شروط شغلى انى لازم اكون بسوق المهم تطوع احد الزملاء انه يعلمنى وكانت العربية بيك اب شيفروليه 6 سلندر 3500 cc موديل 89 طبعا موتور جبار اول ما حاولت اطلع راحت مبطلة راح عمل معايا حاجة غريبة خلانى ازق علشان يدور زق مش بالمفتاح قاللى علشان تحرم تبطل منك دا انا زقيت زق هههههههههههههه ptmnlo123per1100ptmnlo123 per1100 تخيل بقى عربية بالحجم دة وانا بزق لوحدى و من بعدها الحمد لله صعب عربية تبطل منى و انا طالع لانى لغاية النهاردة بعد 12 سنة سواقة لسة فاكر اليوم دة و كل ما اجى اطلع بعربية افتكر والله كانت ايام حلوة .

[oldman]

احب اشترك فى الموضوع الجميل دة
انا اول سيارة سقتها كانت كانت سمكا موديل 1967وكان تمنها 200 جنية على الزيرو واول ما سقتها كان سنة 69 وكان يومها عندى 8 سنين وبجد محدش علمنى السواقة انا اتعلمت لوحدى كنت يشةق والدى لما كان بيعلم اخى السواقة ولقط منة ومرة كنا رايحين نادى اسبورتنج نتغدى هناك سرقت المفتاح من والدى واخذت السيارة فى ارض الملعب البولو ومشيت بيها بس مكنتش اعرف انفل الا الاولانى والتانى فقط واقف واجيب الاولانى والتانى مرة اخرى وفجاة وجدت والى امامى صدمت ووقفت مكانى وسال من امتى وانتى بتسوق قلتلة اول مرة قالى طيب ورينى اصلة كان مدلعنى اوى وركبت ونقلت كلاعادة اول وتانى فقط فعمنى ان اكمل النتلات واخذنى بالشارع العمومى وطلعت شارع ابو قير وكان ايامها السيارات تعد على الصوابع
ولعلمكم انا ابنى 16 سنة وطلع البطاقة فى مارس وعلمتة السواقى وهو 8 سنين عشان التاريخ يعيد نفسة ويورينى اللى انا وريتة لوالدى انا كان ليا مغامرات بالسيارات تشيب بس عملت حادث واحد بحياتى وربنا يسترعلى فكرة انا سنى 47 سنة

[DK.Cupo]

ياباشا طبعا في رقابه بس مشي حالك بلدنا كده وكبرنا اللى بيتحكموا فينا ......................... ..
بس بجد بحس ان ظباط الشرطه هما اللى كده انما ظباط الحربيه والقوات المسلحه رجاله بجد وبيعرفوا الحق

يارب اقبل السنه اللى جايه ؟ ptmnlo123per144

يا باشا انت لو شوفت اختبارات دخول الكليه الحربية والشرطه هتلاقي الحربيه اصعب بكتيررررررررررررررررررررر ررررررررررررررررررررررررر ررررررررررررررررررررررررر ررررررررر
من الشرطه وده مش كلام وخلاص لاني شوفت بعيني الاختبارات والكلام دة كله
تفتكر لما يكون دخولهم سهل بالشكل ده
هتستنى منهم ايه اغير برده التحكم في الشعب والناس بسهوله ..............ptmnlo123pe r111