خلاص هشترى بس اختار ايه من الاتنيين محتارة افتونى

[الزيرو]

المشاركة الأصلية كتبت بواسطة ابو هيما على فكرة مش هتفرق تشترى من معرض ولأ من التوكيل غير فى حاجة واحدة بس وهى(((( الفلوس )))))لأن بالتأكيد التوكيل أغلى بحاجات بسيطة وفى بعض أحيان بيبقى فى قوائم أنتظار لمدة تكاد تقرب من ثلأث أشهر زى توكيل رينو مثلأ .. وفى بعض أحيان العكس بيبقى المعرض أغلى بحوالين ألف أو ألفين زيادة زى الطارق مثلأ وهو موزع معتمد لرينو فى مقابل عدم الأنتظار فى قوائم المشترين لدى الوكلأء, عشان كده المعرض بيأخد بزيادة وبيتم التسليم فى خلأل أسبوع .. بصى ومن الأخر فى معارض ليها أسمها وسمعتها زى الطارق وسمير ريان ومحمد زكى والسبع ,, وفى معارض تانية كتر حواليها الشبهات والكلأم ولأ يفضل الشراء منها زى المصرية للسيارات .. ناصيحة أخرى لوجه الله حاولى يوم ما تقررى أن شاء الله هاتشترتى أيه تبقى تيجى القاهرة وتشترى من المعارض اللى هنا أحسن لأنها تمتاز بسمعة حسنة ولهم أسمهم فى السوق فبالتالى مش هيفرقوا حاجة عن التوكيل ,, ويفضل أيضاً ان تسألى الأول بالتليفون لدى كل معرض من دوول أذا كان عندهم النوع ده من العربيات ولأ لأه ؟؟ وتسألى بردوا سعرها كام ؟, عشان فى بعض أحيان فى معارض بتبعت تجيب العربية بالطلب ومبتبقاش واقفة فى المعرض ... أبقى طمنينا أول بأول وقولى لنا عاملتى أيه وزى ما بيقول المثل لأخاب من أستشار .. يله بقى ورينا الهمة !!!!!!!

مش هينفع القاهرة يا ابو هيما مفيش حد يسافر معايا ومش هعرف اتحرك وحدى وكمان انا هشترى قسط وفى اجراءات وحاجات من الشغل لازم اجبها وانا خلاص هبتدى الاجراءات الاسبوع الجاى والعربيات موجودة والالوان متوفرة انا محتارة ما بين الدهبى والفرانى والاتنيين موجودين الرصاصى بس مش موجود مش نازل فى العربية الازرق والاحمر بصراحة مش بحبهم فى العربيات والاسود والابيض والفضى مستبعداهم هى نص كماليات 68500 فيها بور وراديو سى دى وتكييف والكنبة والورينة بتتنى اللى قبل كدجه كانت مش بتتنى وكمان فيها ساعة رقمية ورحت تانى انا وبابا واتاكدت من حكاية كمبيوتر الرحلات وخليته ورهونى فى العربية فورانى الساعة الرقمية وكمبيوتر الرحلات وقولتله يكتبه فى عرض السعرورحت البنك وشفت القسط لو على سبع سنيين هيبقى كام طلع 500 جنيه وده معقول هقدر عليه بس هيكون تحويل مرتب من غير ضامن او ادفع اقساط بنفسى من غير تحويل بس اجيب اتنيين ضامن انا قولت عشان متعبش حد معايا خليها تحويل مرتب من غير ضامن وهدفع مقدم 40000 ان شاء الله على فكرة الكاملة فيها زيادة بس زجاج كهربا امامى ومساند الراس اللى بتتعدل بس يعنى مش فارقة كتير وانا ان شاء الله لما ربنا يفرجها ابقى اركب للعربية قزاز كهربا لو ينفع يتركب وربنا ييسر الحال

[الزيرو]

المشاركة الأصلية كتبت بواسطة مشمش1 السلام عليكم نصيحه بلاش تشتري من اسيوط انزلي انتى وزوجك يوم القاهره وخدي فكره عن الأسعار في المصريه وسمير ريان هتفرق معاكي كثير في واحد معرفه فرقة معاه في كيا سيراتو بين المنيا والقاهره حوالي 5000 جنيه وهوه يوم وتاخدي فكره مش هتخسري شيئ علشان ماتقوليش ياريت رحت هنا ولا هنا ومبروك مقدما ويطعمك خيرها ويكفيكى شرها والله المستعان

انا هشترى قسط يا مشمش1 ومش هينفع اشترى من القاهرة واساسا مفيش حد يسافر معايا ومش هينفع اسافر واتحرك لوحدى

[الزيرو]

نصيحة بئى لاختكم وبمناسبة رمضان اعملوا فيا ثواب وقولولى اخد بالى من ايه وانا بستلم العربية عشان مش عندى خبرة خالص وهل بيبقى عليها هدايا زى شنطة عده مثلا وحكاية طفاية الحريق وشنطة الاسعافات اشتريهم منيين من المرور ولا التوكيل واقسم عليكم بالله تقولولى بالتفصيل الممل وبالراحة كده وحده وحده عشان افهم وموقعش فى غلط يضرنى انا ويعملى مشكلة بعد كده ومتشكرة جدا جدا جدا
:140 109~347:

[الزيرو]

نسيت كمان حكاية صيانى ال5000 كيلو دى بتكلف كام وينفع تتعمل بره ولا لا وبردو هتكلف كام بره هو غبور فاتح مركز صيانة جديد فى اسيوط مش عارفة اسلوبهم هيبقى ازاى ازاى بس متهيالى بدل جديد هيبقى معاملتهم كويسة

[الزيرو]

بره الموضوع انا لقيت مقارنة بين الاى تن والبيكانتو ولقيت تعليق لمهندس هنا فى مصر موتورز حبيت انقلها ليكم


كيا شركه تحت مظله هيونداي و المعلومه التى ذكرت على جوده محركات كيا عن هيونداي لا تنطبق من بعد موديل السيفيا التي كان تستخدم فيها تكنولوجيا مازدا اما الان
فالمقارنه فقط من ناحيه الشكل

أولا في معظم سيارت الكيا و الهيونداي المحركات واحده و التعليق و احد والاختلافات بسيطه بسبب الوزن او استخدام جير بوكس احدث مثل الكيا سيراتوا فاستخدمت الجير بوكس المطور في هيونداي قبل استخدامه في الالنترا مع العلم ان موديلات 2011 خارج مصر تستخدم نفس الجير بوكس و تحصل على نفس القدره الحصانيه و العزم الموجودان في كيا

الموديلات المستنسخه
اي 10 و بيكانتو
نيو اكسنت و نيو ريو
النترا و سيراتو
اي اكس 30 و كيا سبورتاج
الخ
و ليس صحيحا تفوق موديل على الاخر بهذا الفارق و مع التجربه العمليه لم نستطع التفرقه ما بين الاي 10 البيكانتو في التسارع و لا حتى نظام التعليق او الفرامل

الموضوع في الاخر موضوع اذواق

و هيونداي تتبع مبداء كل نفسك قبل ما حد يكلك

مهندس أحمد سالم


من كلام مهندس احمد سالم يبقى بيكانتو واى تن تبكال زى بعض فى كل حاجة الاختلاف بس فى الشكل وحسب ذوق كل واحد فى اللى بيحب شكل الاى تن وفى اللى بيحب شكل البيكانتو