الفريق / احمد شفيق مرشحأ لرئاسة الجمهورية

[MIDO-SPICY]

المشاركة الأصلية كتبت بواسطة ابو الشوق كاديلك طيب المجلس العسكري بيحكم بناء علي تفويض من حسني في وقت حسني مكانش ليه صفة رئيس يعني التفويض باطل بصرف النظر عن انى معارض او مؤيد لبقاء المجلس العسكرى فى السلطه لان دا مش موضوعنا وارجو اننا ماندخلش فى نقاش فى الموضوع دا لانى عارف اخرته هتبقى ايه :w6w2 005041113562663 انا فاكر كويس ان لما حُسحُس تنحى وعمر سليمان طلع قال البيان بتاعه الشعب المصرى كله فى كل المدن المصريه قام هيص وفرح وكله ساب الميدان ووافق على القرار بالكامل وقعدنا نهتف الجيش والشعب ايد واحده فليه ( ودا والله سؤال برىء مش سؤال استنكارى ) لو التفويض باطل زى ما حضرتك بتقول الناس ليه ساعتها معترضتش على المجلس العسكرى والقرار مع العلم ان القرار قانوناً مش باطل لان حُسحٌس لما كلف المجلس العسكرى بأدارة البلد كان مازال رئيس الدوله والقرارين ( قرار التنحى و قرار نقل السلطه للمجلس العسكرى ) كانوا فى بيان واحد فالقرار قانونا مش باطل يمكن كان يبقى باطل لو قرار نقل السلطه طلع بعد اعلان تنحيه http://www.youtube.com/watch?v=DaeyiZ1BZIA&hd=1 * حضرتك المجلس العسكري بصفته رئيس للدولة : من حق الشعب محاسبته ومن حق الشعب الاعتراض علي سياسته في الحكم فالمجلس العسكري ليس الاه حتي لا يحاسب بل بشر يصيب ويخطيء طبعا اما بوصفه قائد للقوت المسلحة يدير شؤن الجيش الداخلية ...الخ فمفيش حد انتقد سياسته بخصوص الجيش ج1 ) لا مفيش خلط حضرتك امال ايه اللى بيحصل فى المنتدى دا بقاله شهور ؟؟ يمكن يكون دا رأيك .. انما فيه ناس كتير مش فاهمه دا ج2 ) الناس لما بتقول الجيش يترك حكم البلاد ويستمر في دوره في حماية الدولة والمنشاءات ، الناس بيكون قصدها قيادات المجلس العسكري وليس الجيش ، ما هو دا مربط الفرس ودا اللى عايز اقوله ان فيه ناس بتقول الجيش وتقصد المجلس العسكرى وفيه ناس بتقول الجيش وهى شايفه ان هو هو المجلس العسكرى وبتخلط بينهم وفيه ناس من كتر ما الناس التانيه بتقول الجيش ( بالرغم من انها تقصد المجلس العسكرى ) كرهو الجيش لدرجه انهم بقوا يشوفوا ظباط الجيش فى الشارع بيبقوا عايزين يدفنوهم مكانهم الناس بتقدر وبتحترم الجيش بس بتنتقد سياسة المجلس في حكم البلاد ، واعتقد ده اقل حقوق المواطن في التعبير عن رأيه طبعا دا حق اى واحد فينا ولكن لاننا مانعرفش اصلا يعنى ايه ديموقراطيه بجد ولاننا كنا فى جره وطلعنا لبره ولاننا مانعرفش يعنى ايه ثقافه حوار واحترام للاراء فأى حد بيخالف رأى اى حد تانى فينا يبقى تيت ويستحق ياخد بالـ تيت :w6w2 005041113562663:w6w200504 1113562663 تقبل مروري

تحياتى لحضرتك ولكلامك الجميل

[moca_moca]

ومعركه الجمل والادله اللي اتمسحت والفلوس اللي هربت واشمعنا مبارك اختاره هو والنبوني
سيبك من كل ده هو بيشتري بلوفراته منييييييييييين

[AbOnOrA]

الخلط بين الجيش كمؤسسة والمجلس العسكرى كحاكم فعلى للبلاد انتو (المدافعين عن العسكر) اللمسئولين عنه مش احنا

والخلط ده وراه سوء نيه لتشويه الثورة والثوار واظهارهم على انهم عملاء اجانب وممولين ومخربين هدفهم اسقاط الدولة والجيش والشعب كمان

واللى بيحصل فى المنتدى بقاله شهور زى اللى بيحصل فى كل حته بقاله شهور المنتدى مش بعيد عن الواقع اللى احنا عايشينه بالعكس جزء منه

فبلاش مزايدة على المنتدى وخليكو فى حالكو وربنا يوفقكم فى مهمة تلميع بياده العسكرى وما اصعبها من مهمة

[Explorer]

الشفيق/ أحمد فريق

مرشح الفلول

الشعب كله هياكل بونبوني

[Explorer]

“أسف ياريس” تؤيد شفيق رئيسا للجمهورية




أعلنت صفحة “أنا آسف يا ريس” المعروفة بدعمها للرئيس المخلوع حسنى مبارك، تأييدها ودعمها للفريق أحمد شفيق، رئيس الوزراء الأسبق والمرشح المحتمل لرئاسة الجمهورية فى سباق الرئاسة القادم.

وقالت الصفحة الرسمية لـ”أنا آسف يا ريس”، تعليقاً على ترشح شفيق: “إن شفيق لم يخش عندما ترشح للرئاسة، وهو من النظام القديم، فكيف لنا أن نخاف من تأييده، ونحن أصلاً لم نكن بالنظام؟”.

وقالت الصفحة التى تضم أكثر من 200 ألف مشترك فى بيان لها «طبقاً لحرية الرأى والديمقراطية، فحقنا نحن أبناء مبارك، أن نرشح ما نراه مناسباً وندعمه، ولا يملك أى شخص السلطة، أو الصلاحية أن يمنعنا من ممارسة حقوقنا الدستورية».

وقالوا: «نعتقد أن الفريق شفيق لم ولن يمانع إذا ما دعمه أى فصيل سياسى أيا كان، ففى لعبة السياسة، حتى أعداؤك، لابد أن تتجنب شرورهم ولا تعادى أى فصيل، وعدو عدوك هو صديقك مؤقتا، فكفانا نفاقا وخوفا وتلاعبا بالألفاظ»، على حد قولهم.
وشهدت الفترة السابقة، حرص أعضاء صفحة “أنا آسف يا ريس” على تغطية تحركات وأنشطة وأخبار شفيق، كما تقوم إدارة الصفحة بنشر مقاطع فيديو لجميع لقاءاته التليفزيونية وتصريحاته الصحفية بشكل منتظم، تعبيراً منها عن تأييدها لشفيق”.