شهادة تأدية الخدمة العسكرية للمرحوم خالد سعيد

[atgps]

المشاركة الأصلية كتبت بواسطة atgps سؤال الى الأخوة mf86 - MIDO-SPICY - فادى .... هل يحق لآى فرد من الداخلية القيام بتعذيب وقتل أى انسان حتى لو كان بلطجى أو مدمن أو به جميع العبر؟؟ ياريت اجابة مباشرة وواضحة.

من الواضح ان الأستاذ mf86 بيرد على الأسئلة اللى على هواه فقط.

[black_cres]

المشاركة الأصلية كتبت بواسطة mf86 العضو black_cres انا عمري مهقول حاجه الا لما اكون متاكد منها ودا سبب وفاة المرحوم خالد سعيد من تقرير الطب الشرعي

وحضرتك ما عرفتش ان التقرير دا مطعون في صحته؟؟؟
حضرتك ما سمعتش أو قرأت ان فيه خبرا دوليين في الطب الشرعي اكدوا ان التقرير دا غير مكتمل الاركان بما يطعن في صحته
ما عرفتش ان كبير الاطباء الشرعيين الاسبق أكد ان التقرير دا غير مقبول؟
التقرير نفسه في الصورة اللي حضرتك جايبها مكتوب فيه ان اسنان خالد كاملة رغم ان د السباعي احمد السباعي لما طلع من فترة على اون تي في مع يسري فودة قال ان اسنان خالد مش كاملة اساسا من قبل الوفاه بفترة كبيرة
انا مع حضرتك ان خالد مش هو رمز الثورة جايز هو سبب من الاسباب اللي ربنا هيأها عشان الثورة تقوم لكن مش رمزها لكن اختلافي مع حضرتك في التعدي عليه
حضرتك جبت صور لشهادة تأديه الخدمة العسكرية (اللي في حد ذاتها دليل على ان خالد اتقدم لأداء الخدمة مش هرب منها) وجبت صور شخصية له بما معناه ان حضرتك تقصد انه ما يستحقش الدفاع عنه وتجاهلت وحشة اللي قتلوه
وبرضه حضرتك ما رديتش على كل كلامي
حضرتك قولت انك احد افراد القوات المسلحة وربطت ما بين دا وحصولك على الشهادة رغم عدم منطقية الامر , يا سيدي الفاضل الشهاة دي أمن الدولة اللي كان ناشرها مش القوات المسلحة
يا سيدي الفاضل الا يكفيك في احالة الامر الى القضاء دليلا على وجود جريمة
اتمنى ان حضرتك تكمل رد على باقي كلامي

احترامي ليك

[mar mar]

المشاركة الأصلية كتبت بواسطة mf86 انتي مصممه ندخل في جدال وجدال وجدال يااختي الكريمه انا لايعنيني خالد سعيد او غيره انا ضد انه يكون واجهه للثوورة ياريت حضرتك تفهميني وبعدين انا معايا كامل تحقيقات النيابة مع كل الشهود بل ومع والدة خالد سعيد فياريت حضرتك بلاش ندخل في سجال ليس له معني لان الورق والملفات اللي معايا فيها حاجات مؤسفه بجد فاحتراما للاعضاء بلاش استفزاز ومحاولة قلب الحقيقة واحترامي الكبير لحضرتك ولحماستك الثورية ولهجتك في الحوار عادي انا متعود عليها ...اصدقائك في 6 ابريل كانوا بيبصقوا علينا في الشارع فدا شئ عادي يعني

اولا دي محاولته لتشويه حركه 6 ابريل واحنا عمرنال ما كنا بنبصق علي حد في الشارع يمكن الناي اللي دون المستوي او اللي مش فاهمين كويس انا حركه 6 ابريل محترمه وياريت متشوهش صورتها
ثانيا انا قولت في مشاركه ليا ان الثوره مالهاش ابطال ومش قامت علي اسم حد ولا كانت تبع حد دي ثوره شعبيه شبابيه وان اعترضنا علي اسلوب التعامل والحوار والضرب والاهانه اللي كنا بنتعرض لها في الاقسام ورجال امن الدوله واغتصاب البنات والتحرش بيهم لما كانوا بيقولوا لا الحكاهي مش حكايه خالد سعيد وهو ايه الحكايه حكايه المعامله واحترام والكرامه حتي لو كان لشحات ماشي في الشارع

حضرتك ركز في الكلام انا كل كلامي ده اسلوب محاوره دي طريقه معامله بني قدمين احنا كنا بنتبهدل وخالد سعيد لما مات كان كل القضيه بتاعتنا مات ازاي مش كان ايه قبل ما مات لان لو مهما كان ايه قبل ما يموت
ماكنش لازم يتعامل كده ولا يموت كده هو والسيد بلال وغيرهم كتير اللي ماتوا في الاقسام وكان ابصت رد علي اللي بيحصل من المسؤلين اللي مش عاجبه يولع بجاز ومن هنا بدا حمله الشباب اللي ولعوا في نفسهم بجاز اعتراض علي الحال وع الجمله للي قالها ومن هنا بدات الثوره يعني الثوره مش كانت علشان خالد دي كانت علشن كل مقهور في البلد دي
وقامت علي اكتافنا احنا وانشاء الله هنبنيها احنا
وعلي فكره انا لا انتمي الي اي مجموعه سياسيه ولا احزاب ولا اي حركات ولكني مع كل من قال لا ومع كل دمه سالت قدامي واللي سمعت عنه بعد كده في الاخبار
انظن وجهه نظري وضحت

[mf]

امن دولة ايه يااستاذ بس ربنا يكرمك

كل الورق موثق وسليم ولايهمني راي السباعي في التلفزيون

الورق وشهادة الشهود ومن ضمنهم والده خالد سعيد موثق

وربنا يرحم موتانا جميعا ...

انا ضد التعذيب لاي مواطن "بس فيه ناس تستاهل دلوقتي انها تتسحل مش تتعذب بس" واذا كان ولابد من واجهه للثورة فهو الشاب "سيد بلال " ولا عشان هو سلفي وبلحيه مينفعش في الشو بتاع الثورة قدام العالم


اختي الكريمه يبقي انا وحضرتك وصلنا لاتفاق ان الشعب المصري كله هو واجهه الثورة الشعب المصري كله هو رمز الثورة ...

وصدقيني حضرتك انا مش بكره 6 ابريل ولا بحاول اشوه صورتها بس ده فعلا اللي حصل منهم منعتهم انا وزمايلي من حاجه معينه كانوا هيعملوها فبصقوا عليا وكانوا 3 شباب وبنت وعارفهم بالاسم ...

شكرا

[د.هبه77]

بصوا يا جماعة احنا اتكلمنا بالعقل والمنطق وبالادلة وواضح ان كدة الموضوع دخل في جدال الحق واضح وظاهر وبين وكلنا شايفين الي بيحصل
يبقي لا داعي للجدال والدخول في حوارات بيزنطية لا فائدة منها
محدش مننا يقدر يثبت اي شئ الا خالد سعيد نفسة .... الله يرحمه
هو هي انا انت كله قال اللي عنده خلاص انما نرجع نعيد الكلام تاني ملوش لازمة
ربنا يرحمنا ويوحد صفنا امين