السرعه و التسارع انا وصلت لاختراع مذهل

[mohamed ibiza]

المشاركة الأصلية كتبت بواسطة medhat3377 محمد ايبيزا كل اللى يقول انه مش مصدق المفروض اقوله الموضوع ماشى ازاى علشان يقتنع دى مش مشكلتى يا محمد اللى عايز يجيى و يشوف بنفسه و هو اساسا مش مقتنع ممكن اوى يقول ساعتها ده عاملها جلا جلا و مأرى عليها و ممكن يقول ان جواها عفريت كل اللى حواليا و مكانوش مصدقين قالو كده و اكتر و فى ناس قالو الف مبروك صوابعك مش زاى بعضها عارف فى واحد صديق لى قالى كلمه انا بصرف على عربيتى كتير و قليل و بفكها كل شهر بنفسى و اعملها صيانه بنفسى و على فكر هو اسمه محمد حسن عبد الله مهندس و خريج ميكانيكا سنه 2007 ممكن اى مهندس يعرفه او يقدر يوصله الراجل ده خسرنى لانه قالى انا اولى الناس بان افاجىء المجتمع بمشروع مش انت فصدقنى انا زاى ملاقيت ناس بتشجعنى و مبسوطه بللى شافوه زاى ملاقيت ناس برده يحولو يكسرو و يخوفو الناس من الشروع ده عموما ربنا يجازى كل واحد على حسب نفسيته الى رايدله ربنا النجاح محدش يقدر يقف فى طريقه و للعلم بانى كشفت اليوم على الفولكس و اجلت النقل لغد بان الاتى الكرنك ليس به اى شروخ السبايك سليمه الجيربوكس كل تروسه سليمه و الحمد لله وربنا سهل حنحاول انشر القيديو بتاع عربيتى و التسارع بتعها و بردو حتلاقى فى ناس حيقولو ده مستحيل و بردو حتلاقى ناس مؤيده و مشجعه اما بالنسبه الى مش مصدقين ساعتها حتلاقى كل واحد طلع بكلمه رغم انهم شايفين بعنيهم وبكرر تانى الى عايز يجى سواء كان مشجع او مهدم ينورنى و اثناء التجارب كله حيبان و المياه تكدب الغطاس و بردو حتلاقى ساعتها اللى يقول انه مركب فيها عفريت موعدنا ان شاء الله حكتبه قبلها باسبوع و حيكون يوم جمعه علشان الاجازات و يكون متاح للجميع انه يجى و لو فى اقتراح تانى اتفضلو قولولى و انا تحت امركم و فى نقطه احب اقولها الى الخبراء فى الميكانيكا انتم خبراء محاولتوش تخترعو حاجه ليه بدل متقعدو تقولو ده مستحيل و ده ممكن انتم نقاد و لا مهندسين اللى بيشغل مخه بيوصل و اللى قاعد على الساقطه و اللقته فيفضل زاى ماهو فى مكانه بل بيتراجع الى كل خبراء الميكانيكا اللى بيقولو ازاى من حوالى عشرين سنه كان ممكن حد يتصور ان يكون فى تليفون محمول رغم وجود التليفون العادى و الاسلكى و بردو كان خبراء التصال ساعتها و لو واحد مصرى هو الى عامله كانو قالو ازاى ده مستحيل و يترى فكرته ايه هو ده طبعنا فى ناس بتحب الخير لبعضها و فى ناس بتحاول تكسر و تهدم و بطريقه اخرى يعرف الفكره

انت مش عايز تقول اختراعك و ده شئ يرجعلك ! ايا كان السبب انما لما تخش علي الناس و تقولهم انا عملت كذا كذا من غير حتي ما تقول الخطوط العريضه للموضوع فا رد الفعل الطبيعي ان هيبقي فيه ناس مش مصدقه و ناس هتظن فيك ظن مش في محله يبقي انت زعلان ليه اننا مش مصدقين !! ده رد فعل طبيعي

اولا احب اقولك احنا او علي الاقل بتكلم عن نفسي انا مش خبير انا فاهم و عندي معلومات و اقدر اعدل عربيتي لكن مش مخترع ! فاهم ميكانيكا يعني عارف اجزاء الموتور و العفشه و عارف كل عربية بيسقطلها مواتير ايه و عارف الكثير من تفاصيل التعديل و كل تعديل ممكن يوصل العربية لقدرة اد ايه و سبل زيادة القدره الحصانيه و العزم بالتعديلات البسيطة او التعديلات المعقده زي التربو مثلا كل ده انا فاهمو و بنطبقه عملي و بشوفه بيتعمل ادامي في عربيات كتير من مختلف الانواع و مع ذلك انا بكررها انا مش مخترع ! و برضه احنا مش قاعدين للسقطه و اللقطه و الكلام اللي حضرتك بتقوله ده انت واحد عملت موضوع و بنرد عليك بين مؤيد و معارض حضرتك اتبسطت اوي ان فيه مؤيدين و مضايق ان فيه معارضين و بتقولهم تعالوا شوفوا ! نيجي فين حضرتك احنا دلوقتي بنتكلم عن طريق الانترنت حضرتك عملت موضوع علي الانترنت و الطبيعي انك تقولنا تفاصيله او لو مش عايز تقول تفاصيله حفاظا علي السر الرهيب اللي توصلتله ! اقلها تقول نبذه عن الفكره عشان الواحد يفهم و يقدر يقول لا والله الراجل ده بيتكلم صح و ليه علينا حق التشجيع و التأييد مش كده ولا ايه !! و للعلم عشان متقولش اني بهدمك انا عايز اقتنع مش اكتر و مش بقولك تقول اختراعك عشان برضه متقولش اني عايز اخد فكرتك انا بقولك الطبيعي انك لازم تقول نبذات عشان الواحد يفهم مش تقول انا توصلت لاختراع بيزود قدرة العربية 3 مرات لكن معلش مش هقوله ! حط نفسك مكاني لو واحد قالك الجمله دي ! انا شخصيا لو حد قالي الجمله دي ردي هيكون و اللي بيخترع شئ لازم يفهم اللي حواليه الشئ ده ايه عشان الناس تقتنع و تنفذه مع الاحتفاظ لصاحب الفكرة ببعض النقاط الهامه اللي متمكنش حد من سرقة افكاره ! ده منطقي و ده ردي و لك ان تتقبله او متتقبلوش انما لا انا بهدمك ولا انا قاعد للسقطه و اللقطه و الكلمه دي مكنتش تصح انها تتقال لان معناها ان اللي بيكلمك واحد فاضي موراهوش حاجة و قاعد عشان يهاجمك و خلاص و الحمد لله الكلام ده مش متوافر في حد فينا !

و مع ذلك ربنا يوفقك لما فيه الخير لك !

[medhat3377]

محمد صباح الورد عليك انا لو مكانك يكفينى انى اشوف بعينى و بس ماليش دعوه اتعملت ازاى هى شركه مرسيدس لما عملت ان العجل بتاع العربيه فى الخلف و الامام لما بتحود بتحود زى كانها عجله موتوسيكل بتميل الى اليمين بزاويه انحراف كانها موتوسيكل ساعتها حتقول ازاى و لا حتقول ورينى اللى يهم الجميع فى اى اختراع هو اتوصل الى ايه يعنى ايه حيكون الجديد مش اكتر من كده طيب انت عندك فكره انى خليت تكييف العربيه بيجيب 5 مئويه على ترمومتر يعنى ثلاجه بكل المقاييس و ليست كدب الفيصل بينى وبين صاحب العربيه هو الترمومتر و لا بيقول ازاى و لا انت عملت ايه المهم النتيجه
و فى معلومه عايز اقولها عندك فكره ان فى عربيات التكييف بنقفل لوحده اى بفصل من اول السرعه لما تجيب 140 كيلو سرعه و لا يمكن يشتغل انا الحمد لله بخاليه يشتغل وعلى فكره كل هذا و انا خريج كليه التجاره دفعه 97 و ليست هندسه و على فكره انا عشت خمس سنوات فى امريكا و لم اعمل بشهادتى و هى المحاسبه
و لكن عملت فى مجال النقل كنت بعمل انى اقوم بقياده براد و اسوق على خرائط و جى بى اس و الحمد لله تفوقت و برده لما رجعت فتحت محل كماليات سيارات و كان اسمه ماتريكس فى خالد ابن الوليد امام ابو الحسن بتاع التلج و لكن ادى هذا الى الغاء المحل و العمل فى تجاره جمله

[Dr. Bolbolan]

الآستاذ مدحت ! بغض النظر عن الاختراع ما بين مؤيد و مهاجم !

انت ذكرت أكثر من مره النتروجين و قوة انفجاره و..و.... و زى ما انت بكالريوس تجاره و مخترع !

فأنا طبيب و درست كيمياء و فيزياء ! و أحب أؤكد لحضرتك ان النتروجين غاز خامل ! أى لا يتفاعل

مع المواد الآخرى الا تحت قوس كهربى يصل جهده الى آلاف الفولتات و فى مصانع معينه و مجهزه لذلك !

أيضآ حكاية ان اللى ح يفك موتوره بعد عمل اختراعك عليه ممكن ينفجر ( معلش ) كلام غير منطقى خالص !

يعنى مثلا فيه غاز جوه بضغط عالى و ممكن ينفجر ؟؟ طب متخزن فين ؟؟ الموتور له فتحات عادم و تكوينه

لا يسمح بوجود غاز مضغوط ! أيضآ معنى كلامك لو حد نفذ اختراعك على سيارته و بعدين حصل أى مشكله

فى الموتور ! ما يقدرش يروح للميكانيكى يصلحه علشان ح ينفجر فى الميكانيكى ؟؟؟؟؟؟؟؟

Dr. Bolbolan ptmnlo123per122

[medhat3377]

صباح الورد د بولبولان انت دكتور ظريف و روحك حلوه بس فى المنتدى ناس عايزين يعرفو الخطوط العريضه و انا مش عايز اقولها لكن اللى عايز يفك هو حر يفك زاى ما هو عايز اما حكايه النيتروجين فهو فعلا هو الغاز الاساسى فى الحرق الكامل و هو السبب الرئيسى فى هدوء الموتور لانه بيلغى الفرقعه الداخليه و يعمل على الحرق السريع هو ده اللى بيحصل اما حكايه متخزن فين فهو فى الداخل فى المانيفو اللى بيسحب الهوا من الخارج اما قصه ازاى فدى سرى سر الطبخه ولكن من ناحيه حد عايز يفك الموتور فطبعا انا حقوله ياخذ حظر من انهى جانب و يعمل ايه و هو بيفك لكن لما يرجع يقفل تانى ح قول له يعمل ايه لكن الفك لابد انه يكون بحظر بس عند الفك و التركيب لازم يغير جوان وش سلندر و جوان غطا التكهات حتى لو عربيه انجكشن و فيها بلوف هو المحلات قطع الغيار بيسموه كده جوان غطاء تكهات
و على فكره اى عربيه سوف يجر بها هذا العمل لابد من تغير الجوان حتى يصبح التقفيل جيد جدا و ميسربش زيت ده شرط اساسى و طبعا الجوان القديم بياخذو معاه وهو ماشى ويا دكتور
النهارده احد الاعضاء اتصل بى فهو محمد من كيلوبترا الاسكندريه سوف يساعدنى فى ايداع فيديو الاختبار بعد التنفيذ طبعا على عربيتى
و ده حيكون خير دليل على كلامى طبعا اللى حيبان فى الفيديو هو ان العربيه قطعت من 0 \100 فى اد ايه كام ثانيه ياعنى
ده حيبان منه قوه الموتور لان كل العربيه ما قطعت فى وقت اقصر دل على عزم وقوه اكبر و المعروف ان النوبيرا الشركه بتقول انها من 0 \100 فى 10 ثوانى ده الطبيعى بتعها بعد تطبيق العمل الله اعلم حتبقى كام انا لغايه دلوقتى معرفش حاجه انا فى انتظار ذالك اما موضوع البنزين فاستهلاكه حنمله اختبار فى السفر الى القاهره و الرجوع و بعد كده جو البلد و ان شاء الله حكتب كل المشاهدات الى حنلحظها سواء كانت ارقام ام مواضيع تخص اى قطعه غيار او زيت و اى شىء يمكن تصويره حصوره و هذا يقطع الشك باليقين

[salahabdelnabi]

ممكن يا استاذ مدحت بدل مانستنى لحد 10 مارس تدلنا على اصحاب السيارات الفولكس والنص نقل نروحلهم فين ونشوف بعنينا اللى اتعمل فى عربياتهم ونجربها بنفسنا وبعدين لو عشنا لحد مارس نبقى نشوف عربيتك وهى بتتقفل واخبارها ايه مع اختراعك