المشاركة الأصلية كتبت بواسطة abuda
م/ ابراهيم
اشكر حضرتك لاهتمامك بالرد الكريم وربنا يبارك فيك
اما عن سؤال حضرتك فأنا عندى شوية مشاكل فى العفشه وظروفى فى الوقت الحالى متسمحش انى اعملها كلها فقلت ابتدى خطوه خطوه ابتداء من الاهم فالمهم لقيت ان المساعدين الاماميين لهم الاولويه وده لانهم شايلين الماكينه باستمرار وبيقابلوا احمال المطبات والملفات وغيره بالاضافة لأهميتهم الكبيرة لاتزان السياره غير انه مع الوقت يتعرض الشاسيه لمشاكل انا فى غنى عنها
المهم سألت عليهم لقيت ان السعر بالنسبه لظروفى كتير ... قلت اسأل على الاستيراد لقيته تقريبا بنصف قيمة الجديد لكن ...
1- العمر الافتراضى مش معروف
2- صعب يكون الاثنين اخوات (من نفس السيارة) وحتى لو اخوات ممكن واحد يكون متضرر اكتر من اخوه لاى سبب والاسباب كتير زى ما حضرتك عارف
3- ممكن بعد فترة مش طويله ينتهى عمرهم الافتراضى وارجع تانى نقطه ومن اول السطر
اخيرا هدانى تفكيرى للصينى انه يكون ارخص وجديد والاتنين زى بعضهم
وفى التوقيت ده بالصدفه وصلت للمنتدى الجميل ده وقلت أسأل أهل الخبره ودعيت يارب يجى الرد بسرعه لان وضع العربيه ميحتملش تاخير
تقبل تحياتى واعتذارى للاطاله
|
أستاذ abuda عملت إيه في عربيتك؟ بستفسر منك لأني برضه عندي مشاكل في جلب المقصات الأماميه محتاجين يتغيروا و كمان جوز المساعدين الأمامي وعايز أعرف لو كنت حضرتك اشتريت صيني جديد إيه أخباره معاك و كلفك بمصنعية تركيبه كام تقريباً