|
#62
12-01-2011, 06:25 PM
|
||||
|
||||
رد: أساسيات قيادة البايك.
هو ياباشا زى ماقلنا الدبرياج دواسته تحت أيدك الشمال, والفتيس عند رجلك الشمال.
ف علشان تنقل, بتدوس دبرياج بأيدك الشمال, وتنقل من المور للأول, تكة لتحت, بعد الأول بتطلع لفوق بتكة للتانى ثم التالت ثم الرابع وهكذا. ولو عايز تجيب المور من الأول أو التانى, نص تكة فقط, يعنى نص تكة من التانى لتحت, أو نص تكة من الأول لفوق أنا مش هعرف أوضح من غير صوت وصورة, 2 فيديو توضيحى بسيط  , أتفرج عليهم للأخر
__________________
|
|
#63
12-01-2011, 08:05 PM
|
|||
|
|||
|
رد: أساسيات قيادة البايك.
بص ياباشا انت زى اخويا باظبط بس لو فيها تعب من حضرتك فيديو عن النقلات بس يكون عربى او حضرتك تعمله حتى لو بكاميرا موبايل وترفعه على اليوتيوب وسؤالى المره دى هى نقلات الصينى زى باقى البايكس ولا الصيني نظام تانى؟؟
وايه رأيك فى الصينى يعنى يتحمل مشاوير محترمه ولا اصل انا شايف انه رخيص وحلو والصراحه عاجبانى الانواع اللى بتكون الكرسى تحت البكره يعنى زي هوجان7 ودايون 7 وايه باقى الانواع الصينى اللى بتاخد نفس الشكل ده وايه رأيك فيهم ؟؟؟ انا من رأيى ان الصينى انتشر ورخييص وحلو
__________________
|
|
#65
12-01-2011, 08:25 PM
|
||||
|
||||
|
رد: أساسيات قيادة البايك.
والله ياباشا أعذرنى, أنا قلت قبل كده أنه أنا معنديش موتوسيكل, فمقدرش أحقق طلب حضرتك للأسف.
الصينى صراحة مش جيد بالدرجة, هو على حسب أستخدام حضرتك ليه, يعنى لو حضرتك هتجيبه يساعدك على التنقل والمشاوير, وهتعتنى بيه كويس, يبقى هيعيش معاك ويخدمك, بس متتوقعش منه سرعة وأعتمادية خيالية, لأن 100 بالنسبة للموتوسيكلات دى سرعة خيالية. بس ميزته الرخص, وقطع الغيار وتصليحه البسيط جدا وأستهلاكه للبنزين قليل جدا. لو عايز حاجة تعيش معاك كتييييييييير, ورياضية وتستحمل كتير, زود فلوس كمان وهات هوندا 250 موتوسيكل الشعب أما بالنسبة لموضوع النقل, البايك ياباشا زى سواقة العجل بالظبط, حضرتك بتركب عجلة لأول مرة وأنت مش عارف تتصرف وحاسس أنك هتقع, شوية وبتبدأ تتعود, أسبوعين وتلاقى نفسك حريف, مع أختلاف أن السواقة مالهاش كبير طبعا. الموتوسيكل اللى عجلته عريضة بيفرق فى ثبات الموتوسيكل على السرعات العالية, وبيخليك كأنك قاعد على دبابة, زى الهارلى, بتبقى سايق كأنك سايق عربية فى الثبات, بس فى المقابل تسارع بطئ وأستهلاك بنزين عالى. العجلة الرفيعة زى الموتوسيكلات الصينى, هدفها الأساسى أنها تحقق تسارع كويس, وتحقق أفضل وأقل أستهلاك للوقود, فهى أقتصادية أكثر وتلائم الموتوسيكلات ذات الأحجام الصغيرة. ونرجع لموضوع النقل تانى, لو حضرتك راكب بايك, بتبقى كعب رجلك مستريح على قاعدة ووش الرجل قدامه دواسة أو عصاية صغيرة. زى العربية, حضرتك بتدوس دبرياج وبتنقل. وعلشان تنقل من المور للأول بتدوس على الدواسة لتحت. ومن الأول للتانى بتطلع الدواسة تكة لفوق بوش رجلك, ومن التانى للتالت بتطلعها تكة كمان, وهكذا. وبتنزل بنفس الطريقة, تكة لتحت, وأنا أسف ده أبسط شرح أقدر أقوله, وملقيتش فيديوها عربي خالص على اليوتيوب. ولو حضرتك مهتم جدا بالصينى, قسم الصينى فى منتديات نينجاوى هيفيد حضرتك جدا فى الموضوع ده, وربنا يوفقك لما فيه الخير.
__________________
|
 |
| الكلمات الدليلية |
| موتوسيكل, بايك, سواقة موتوسيكل, قيادة موتوسيكل |
|
|
.
