بانوراما 2011

[غريبو99]

والله يا أستاذ تامر 2011 دى سنة بصراحة مش قادر اقولك على اللى حصل فيها يا ريت متكررش تانى على المستوى الشخصى والأحداث الشخصية بصرف النظر عن الأحداث اللى حصلت فى مصر
كلة خير الحمد لله
كل اللى يجيبة ربنا كويس وخير
الحمد لله

[3bd0]

المشاركة الأصلية كتبت بواسطة mf86 تقريبا حضرتك جبت كل الاحداث السياسية الرئيسيه اللي حصلت في 2011 لكن انا اتذكر تاريخ لايمكن أن أنساه وهو يوم 4_2_2011 استشهاد صديق عمري الملازم أول محمد عز الدين عبدالمنعم أثناء أحد المأموريات القتاليه برصاص الغدر والخيانة اليوم ده يوم تحول في حياتي لاني كان ممكن جدا انا اللي أموت ومقدرش أقول الا الله يرحمك ياعز ________________________ أما بالنسبة للحديث عن البحرين فالشيعة هناك ولاؤهم لايران واعلنوا من دوار اللؤلؤة "مجلس التعاون الخليجي" قيام الجمهورية البحرينية الاسلاميه هذا أدي الي تدخل قوي من السعودية والامارات لانقاذ اهل السنة في البحرين وانقاذ البحرين نفسها من السقوط

الله يرحمو ويحسن اليه
ان شاء الله من أهل الجنة
--------------------
الشيعة في البحرين فعلا عملو كده لما الحكومة سابتهم براحتهم فترة طويلة، حسو ان مافيش مقاومة وان البلد خلاص استسلمت ليهم وهما بقو الكل في الكل
توضيح بسيط بس لأي حد بيقرا: دوار قي اللهجة البحرينية تعني ميدان او صينية، المكان اللي هما كانو معتصمين فيه اسمه الرسمي دوار مجلس التعاون الخليجي، واسمه بين عامة الشعب دوار اللؤلؤة
حاليا المكان ده اتغير 180 درجة، الصينية اتشالت وقلبوه تقاطع كبير بإشارات، وبالعند في الشيعة سموه "تقاطع الفاروق"
القوات اللي دخلت البحرين اسمها درع الجزيرة، بتاخد اوامرها من مجلس التعاون الخليجي ككل مش من دولة واحدة، مهمتها حماية اي دولة خليجية
طبعا بحكم ان السعودية والإمارات من اكبر وقوى الدول فيهم، فهما مشاركين بنسبة اكبر في القوات دي، ولكن ده ميمنعش ان هيا قوات مشتركة من جميع دول الخليج، وحكمها في القانون الدولي زيها زي الجيش البحريني بالظبط


تحياتي،

[تامر ديزل]

شكرا يا ا عبده على المشاركات الجميله وبما انك عاوز تتسال تاني احب اسالك : هل لديك اقوال اخرى ؟
بصراحه كلامك واقعي جدا وياريت تشارك معانا علطول
وشكرا لكل من شارك في الموضوع
وكل سنه وانتم طيبين

[3bd0]

المشاركة الأصلية كتبت بواسطة تامر ديزل شكرا يا ا عبده على المشاركات الجميله وبما انك عاوز تتسال تاني احب اسالك : هل لديك اقوال اخرى ؟ بصراحه كلامك واقعي جدا وياريت تشارك معانا علطول وشكرا لكل من شارك في الموضوع وكل سنه وانتم طيبين

بس كده،
دنتا تؤمر

خد عندك الكام نقطة دول اللي على بالي دلوقتي:

البحرين جزيرة صغيرة في الخليج، اول ناس سكنوها هما "ال خليفة" يعني ارضهم ملكهم. لما بدأو يطورو فيها الناس بدأت تستأذنهم عشان يسكنو معاهم. قلولهم ماشي اتفضلو الخير كتير ويكفينا كلنا.
ينفع بقى تبقى انتا عندك مثلا عمارة ملكك، ويجي سكانها اللي هما مأجرين منك يقولولك لأ احنا عاوزين نطردك عشان بصراحة انتا مش عاجبنا ونحن نطالب بالديموقراطية!!!
وياريت حتى كل سكان العمارة بيقولو كده، لأ ده بس المجموعة اللي أصلا دخلو البحرين متهربين جوة أشوال بطاطس جت على مراكب من ايران في التلاتينات والأربعينات.

من حوالي عشر سنين، الملك عمل دستور جديد للبلد وراح مطلعه للإستفتاء الشعبي، النتيجة كانت 98.2% موافقة. مفيش حد من ساعتها ولحد الدقيقة اللي احنا فيها دي شكك في النتيجة، كلو كان راضي بيها وطلعو حتى ساعتها في احتفالات في الشوارع (سنة وشيعة) زي احتفالاتنا كده لما مصر بتفوز في الكورة
جم بقى دلوقتي وفي سنة 2011 بالذات قالولك لأ الكلام اللي في الدستور ده مش عاجبنا احنا عاوزين نغيرو!
حتة من ميثاق العمل الوطني اللي وافق عليه 98% من الشعب:

فقد توافقت إرادة الشعب على أن يقوم الحكم في دولة البحرين على الأسس الرئيسية التالية: أولا : الأمير نظام الحكم في دولة البحرين ملكي وراثي دستوري ، على الوجه المبين في الدستور والمرسوم الأميري الخاص بالتوارث. والأمير هو رأس الدولة، وذاته مصونة لا تمس، وهو القائد الأعلى للقوات المسلحة ، وهو رمز استقرار البلاد، والركيزة الأساسية التي يرتكز عليها نظام الحكم في دولة البحرين. ويباشر الأمير سلطاته بواسطة وزرائه. والوزراء مسئولون أمام الأمير، وهو الذي يعيّن رئيس مجلس الوزراء والوزراء، ويعفيهم من مناصبهم، وفقا لسلطاته المبينة في الدستور. خامسا : مبدأ الفصل بين السلطات يعتمد نظام الحكم، تكريسا للمبدأ الديمقراطي المستقر، على الفصل بين السلطات الثلاث: التشريعية والتنفيذية والقضائية، مع التعاون بين هذه السلطات وفق أحكام الدستور، ويأتي صاحب السمو أمير البلاد على رأس السلطات الثلاث.

ايران في مجلس الشعب بتاعها عندها نايب ايراني بيمثل البحرين وبيعتبروها المحافظة رقم 14

على سلمان، اكبر راس في الشيعة بتوع البحرين، زار مصر رسميا من كام شهر وراح لوزارة الخارجية عشان يشرحلهم المعاناة اللي شعب البحرين فيها، وطلب منهم التأييد ضد النظام. كان بيحسب نفسو فهلوي، بس المصريين طلعو اذكى منو وعارفين ايه اللي بيحصل بالظبط، ادولو شوية كلام في عضمو، وطبعا رجع ايد ورا وايد قدام وفشل فشل ذريع.

بعد ما البلد هديت شوية، الملك بنفسه جاب لجنة خارجية يرأسها واحد مصري اسمه بسيوني ميعرفش حاجة عن البحرين للتحقيق في كل الحاجات اللي حصلت. بسيوني قالك (من غير ما يقول ايه ادلته) ان في كذا ظابط وكام لواء في الداخلية افترو على الشيعة، كلهم الملك امر بفصلهم من العمل وبيتحاكمو دلوقتي


معلش سامحني انا عارف اني بسرح في الكتابة لما باجي اتكلم عن الموضوع ده
يارب اكون متقلتش عليكم