امبارح الخميس حمدين صباحي كان في حوار عل بي بي سي...ما قدرتش اكمل اكتر من ربع ساعة.. لحزني على التفكير. وخلوني اقولكم بعض مما ذكر في الجزء اللي شفته وتفنيده:
قال: المعارضة موجودة ولها دور قوي تهمشه السلطة الحاكمة التي تقمع كل صوت معارض.. وان الشعب يدعم المعارضة ولكنه يخشى التنكيل به وان التعديلات تغول على الحريات وما تم تحصين الدستور به. وان ٨٠% من المصريين سترفض الدستور...وان الشعب اختار النظام ا...لحالي بعد يوليو ٢٠١٣ خوفا من الإخوان..وان المعارضة تمتلك طرق تصحيح اوضاع مصر اقتصاديا وسياسيا واخراجها من الفشل الحالي...
وان دليله على حصوله على التأييد الشعبي لما يقول المليون صوت اللي اخدهم في ٢٠١٤ و ال ٤ مليون اللي اخدهم في ٢٠١٢...
ارد الحقيقة على السيد حمدين:
اولا: احنا اختارنا السيسي ونمنينا ترشحه في ٢٠١٤ ايمانا بيه لانه من حمى مصر منكم ومن خيبتكم ومن الاخوان والدعم الدولي...نسيت في ٢٠١١ لما كل واحد منكم شاف في نفسه زعيم واتخانقتوا على مصر ونسيتوا ان الثورة للتغيير وسيلة مش هدف. نسيت انكم ما اتفقتوش غير على المجد الشخصي وسيبتوا مصر تروح...نسيت قعدتكم مع الامريكان تجسوا نبضهم وقت الاخوان وتستنجدوا بيهم في حزي الوفد وادوكوا ضهرهم. نسيت كلامكم اللي حسسنا انكم بالونات هوا لا لها في السياسة ولا الحماية...ايوه احنا انتخبنا السيسي مرتين خوف على مصر منكم ومن الاخوان ومن اشباهكم.
بتقول انكم تملكوا الحلول لكل مشاكل مصر...عظيم ما اقنعتوش الناس بيها ليه مرتين في ٢٠١٢ و ٢٠١٤...يا راجل عيش الواقع بقى
بتقول ان غياب المعارضة سببه التضييق والقمع...طيب حاصدقك واخليني معاك
...ما الاخوان قالوا نفس الكلام على مدار ٨٠ سنة ورغم كده اخدوا اصوات ناس في ٢٠١٢...انتم بقى تاثيركم ايه؟ اقولك لا يتعدى قناة او قعدة حزب نظام فض مجالس
بتقول ان التعديلات تغول على تحصين الدستور..
طيب يا سيدي انا معترضة على بعض المواد المعدلة بس كل ما ابص عليكم وعلى اسلوبكم اقول ان التعديل بيحمي مصر من اوهام الزعامة اللي عايشينها جنابكم...تصدق كان نفسي اشوف لكم دور ووجود لاني مؤمنة ان المعارضة اكمال اجزاء الرؤية...لكن كل يوم تثبتوا انكم بلا رؤية...يبقى حتكملوا رؤيتنا ازاي؟
مرة اخيرة....المعارضة الحقة صاحبة خطوات على الارض...قول لي خطواتكم ملامحها ايه...دوركم شكله ايه...شاركتوا مصر في ايه...
حقا يا نخبة ما تمت .