ارشيف الاستراحة 2010

[mercedes]

السلام عليكم و رحمة الله و بركاته

أنا مش معترض اطلاااااااااااقا على أنهم يفرحوا , انا مش هبقى زعلان ولا مكتئب لو شفتهم فرحانين , لا و الله العظيم , أنا هبقى مبسوط جدا و عموما , أنا ببقى فرحان جدا لما بشوف واحد مواطن مصرى و خصوصا لو كان من الطبقة الكادحة الشقيانة المكافحة من الشعب و يكون فرحان فى الأيام السودا اللى احنا عايشينها اليومين دول , بس اييييييييه علاقة ده بأنهم يقفلوا الطريق السريع؟؟؟؟, لو كان طريق جوه البلد , كان معلش , كانت الناس تروح تلف من ناحية تانية , كأن الطريق ده مقفول عشان عزا و كده , لكن ده طريق سريع , يعنى لو اتقفل مالهوش بديل , الطريق اللى من ميت غمر للمنصورة , ده لما يتقفل , الحل ايه؟؟؟؟ , الحل الوحيد أن الناس هتخرم من العزب و النجوع اللى حواليه و هتبقى شورى مايعلم بيها الا ربنا .

MERCEDES S430

[إبراهيم عثمان]

أنا أكتر حاجة بتنرفزنى فى الدنيا هى الناس اللى بتقفل الطريق علشان الزفة دى ماتفرح ياسيدى بس على جنب يعنى بالكتير أوى حارتين دا لما تكون على صلاح سالم والدائرى والطبيعى ان الزفة كمان تاخد حارة واحدة (مش لازم يعنى الزفة كلها تمشى جمب العريس) أنا عن نفسى لما بكون فى زفة ببقى ملتزم بالحارة البطيئة

أكتر حاجة بقى تضايقنى فى الزفة اللى موقفة الطريق البنى آدم الغبى اللى عامل فيها سويق ويفضل فات الباب وماشى وفى مكان انك تعدى لو قفل الباب ببقى عايز أطيرله الباب واللى يحصل يحصل - هو اللى غلطان -

وقبل كدا حصلت معايا على أول صلاح سالم عند حديقة الأزهر من الناحية التانية بعد ما أخدت الملف لقيت الدنيا وقفت ( الحتة دى عمرها مابتوقف ) أتارى البشوات ربنا يهديهم واقفين بالعرض وقفلين الشارع ماعدا آخر حارة يمين وموقفين الدنيا - ينفع يعنى الهبل دا - طبعا كل الناس بقت تزوغ من الحارة اليمين

ومرة كنت فى زفة ابن عمتى وكان ابن عمى مأجر عربية و2 قرايبى تانيين قاعدين على الشبابيك الخلفية وعلى حظنا وقفنا أمين - تقريبا - أنا فى سرى قلت حلال فيهم اللى يجرالهم بس الحمد لله جت سليمة كان بيعمل كارت إرهاب ( الكلام دا كان فى الغردقة )

وأكتر حاجة جننتنى ساعة تقريبا مصر لما كسبت الجزائر شباب تيييييييييييييييييييييييي ييييييت واقفين فى الشارع قافلينه ( شارع الجزائر بالمعادى ) شارع رئيسى لأ وايه الناس مهيصة معاهم أنا حظى انى محضرتش الهيصة من أولها كنت تانى عربية وبرضو عاملين حركة الباب المفتوح قعدت أدى نور وكلاكس وطبعا لا حياة لمن فى الزبادى المهم أول لما اللى قدامى اتحرك رحت قارص على الأولانى وكنت عايز أجيب واحد منهم على الكبوت بس حظه حلو فلت وكنت ساعتها تقريبا عيان وعندى دور برد وعايز أنام والوقت متأخر واتنرفزت جدااااااااااااااا ساعتها ماهيص على جنب ولا أنا غلطان

بإذن الله أنا ناوى أشترى السرينة بس لما أروق شوية - محدش يعرف تعمل كام ؟ -

[hazem_khidr]

انته لازم تستحمل يا ريس زى ما بتستحمل لجنة نص ساعة موقفة الطريق و لا تشريفة ساعتين موقفة الطريق يعنى ماجاتش على ربع ساعة ناس فرحانة و بقالهم سنين مفرحوش و بيحطوا همهم كله فى الفرحة دى يمكن ما يفرحوش تانى بقيت عمرهم و اعتبرها حادثة معطلة الطريق و خلاص

يا عم ايمن ما يفرح بس بعيد عني ولا هو الفرحه مش بتكمل غير لما يقفل الشارع و ما يعديش الناس؟؟!!!!!
و للعلم ما فيش لجنه بتوقف الطريق اكتر من عشر دقايق لان عندهم تعليمات بسيوله المرور مش تعطيله
و بعدين اللجنه معموله للمصلحه العامه في الاول زي البحث عن الهاربين و اللي عليهم احكام و كده يعني.انما الفرح ليهم انهم يفرحوا في القاعه او في بيتهم
انما الشارع دا ملكيه عامه للكل.
افرض مثلا عربيه اسعاف ولا عربيه فيها واحد تعبان و عاوز يروح المستشفي و الدقيقه بتفرق معاه؟
بلاش كده افرض مثلا واحد مزنوق و عاوز يروح بيت الراحه !!!!!
من الاخر مظاهر تعطيل الشارع تدل علي التخلف و اللامبالاه و البلطجه

[Injection]

المشاركة الأصلية كتبت بواسطة hazem_khidr يا عم ايمن ما يفرح بس بعيد عني ولا هو الفرحه مش بتكمل غير لما يقفل الشارع و ما يعديش الناس؟؟!!!!! و للعلم ما فيش لجنه بتوقف الطريق اكتر من عشر دقايق لان عندهم تعليمات بسيوله المرور مش تعطيله و بعدين اللجنه معموله للمصلحه العامه في الاول زي البحث عن الهاربين و اللي عليهم احكام و كده يعني.انما الفرح ليهم انهم يفرحوا في القاعه او في بيتهم انما الشارع دا ملكيه عامه للكل. افرض مثلا عربيه اسعاف ولا عربيه فيها واحد تعبان و عاوز يروح المستشفي و الدقيقه بتفرق معاه؟ بلاش كده افرض مثلا واحد مزنوق و عاوز يروح بيت الراحه !!!!! من الاخر مظاهر تعطيل الشارع تدل علي التخلف و اللامبالاه و البلطجه

+111111111111111111111111 111111111

[Toyota Corolla]

ده على طوول باقابل الموقف ده فا عشان كده قولت اجيب جهاز انذار و سرينة فدرالى زى بتاعت البوليس و الميكروفون حتوا جو العربية عشان استخدموا فى المواقف البايخة اللى زى ديه