هل لمسطره الرشاشات دور فى زياده استهلاك البنزين

[samirayad]

لو تعرف تحكيلى القصه وبإستفاضه وتسلسل كويس

وعملت إيه صيانه فى المكنه

وكل مايخص المكنه من إستهلاك للزيت وكيلواتها وسحبها

والظروف كلها

ممكن نلاقى مبررات أخرى

حتى لو كانت مشكله تتعلق بصوت العجل أو أو

فكل ماتشرح أكتر

كل ماتتبلور معانا الأمور أكبر

وجايز نلاقى أسباب أخرى نشك فيها

[Emgrand]

تعديل هام يا استاذ سمير

قيست مقاومه الرشاشات القديمه مره تانيه بصوره صحيحه وكانت النتيجه 15.7
والراكبه بالعربيه 16 يعنى الاثنيين واحد تقريبا
-----------------------

دلوقتى انا شاكك فى الرشاشات بصوره كبيره وياريت يا استاذ سمير تساعدنى فى الاتى:-
1-هل اخد معايا افو وانا بشترى رشاشات جديده؟
2- وايه المفروض بالضبط تكون القرائه كام؟؟
3- وهل يباع منها جديد اريح من وجع دماغ الاستيراد وبكام(( تقريبا)) حتى لو دايو الاسعار متقاربه؟؟
4-هل القرائه الصحيحه للمقاومه معناه انها لا تسيل ولا لازم اختبر تسييلها وهى على المسطره بره المكنه؟

[samirayad]

1-هل اخد معايا افو وانا بشترى رشاشات جديده؟

ده الصح

وأنا لو حبيت أشترى رشاشات لنفسى

هيبقى معايا الأفوميتر

2- وايه المفروض بالضبط تكون القرائه كام؟؟

نقول من 11.5 أوم إلى 12.5 أوم

كده رينج كويس جدا

3- وهل يباع منها جديد اريح من وجع دماغ الاستيراد وبكام(( تقريبا)) حتى لو دايو الاسعار متقاربه؟؟

فيه جديد فعلا وبتمن مش غالى أوى

على ما أتذكر كان فيه واحد شاريهم بحوالى 800 ج ( كورى تقريبا )

-هل القرائه الصحيحه للمقاومه معناه انها لا تسيل ولا لازم اختبر تسييلها وهى على المسطره بره المكنه؟

مش شرط طبعا

فالمقاومه بتعبر عن كفاءة ملف الرشاش فى العمل الصحيح للرشاش

والتسييل بيكون سببه ضعف فى سوستة الرشاش أو تواجد ملوثات شمعيه

من البنزين جوه الرشاش

------------------------

فممكن تروح تشترى طقم إستيراد بمبلغ 200 ج مثلا

وتشيك على المقاومه قبل ماتشترى

وأنت واقف عنده

ركب الرشاشات وأختبر تسييلهم قدامه

فجايز جدا

ربنا يكرم فى طقم إستيراد يكون تمام

------------------------

فهو كده الأستيراد

أنت وحظك .........زى البطيخ بالظبط

فلما الواحد بيشترى بطيخ ...بيشترى على المكسر

حمراء البطيخه .........شيل

قرعه البطيخه .......تلزم صاحبها

فالشرط نور قبل ماتشترى البطيخ

[waleed_d82]

المشاركة الأصلية كتبت بواسطة samirayad شريحة إيه بالظبط دى أمراض الرشاشات مش أمراض كسور العظام

الاتنين واحد بردة العربية بتتعب وبناخدها للدكتور ويقعد يفتي فيها والي يقول نركب مش عارف اية والي يقول مفهاش امل هتكمل باقي عمرها كدة وممكن اجلها ينتهي وتتكهن

[waleed_d82]

المشاركة الأصلية كتبت بواسطة samirayad ده الصح وأنا لو حبيت أشترى رشاشات لنفسى هيبقى معايا الأفوميتر نقول من 11.5 أوم إلى 12.5 أوم كده رينج كويس جدا فيه جديد فعلا وبتمن مش غالى أوى على ما أتذكر كان فيه واحد شاريهم بحوالى 800 ج ( كورى تقريبا ) مش شرط طبعا فالمقاومه بتعبر عن كفاءة ملف الرشاش فى العمل الصحيح للرشاش والتسييل بيكون سببه ضعف فى سوستة الرشاش أو تواجد ملوثات شمعيه من البنزين جوه الرشاش ------------------------ فممكن تروح تشترى طقم إستيراد بمبلغ 200 ج مثلا وتشيك على المقاومه قبل ماتشترى وأنت واقف عنده ركب الرشاشات وأختبر تسييلهم قدامه فجايز جدا ربنا يكرم فى طقم إستيراد يكون تمام ------------------------ فهو كده الأستيراد أنت وحظك .........زى البطيخ بالظبط فلما الواحد بيشترى بطيخ ...بيشترى على المكسر حمراء البطيخه .........شيل قرعه البطيخه .......تلزم صاحبها فالشرط نور قبل ماتشترى البطيخ

الواحد نفسو اتفتحت للبطيخ