بانوراما 2011

[تامر ديزل]

يارب عدي الخمس ساعات اللي فاضلين من السنه دي على خير

بيقولك الجمهور اكتسح الملعب في ماتش الاهلي والمحلة النهارده ....دي بقى هنسميها موقعة ايه ؟ موقعة هابي نيو يير ؟

[3bd0]

المشاركة الأصلية كتبت بواسطة تامر ديزل 14 فبراير 2011 اندلاع مظاهرات احتجاجيه في البحرين متاثرة بثورات الربيع العربي وكادت تعصف بالاسرة الحاكمة لولا تدخل قوات درع الجزيرة لمساندة النظام

السلام عليكم
بصراحة يا أستاذ تامر الخبر ده مقدرش اشوفه واعدي عليه كده عادي، انا عارف ان حضرتك كاتبه من زمان بس لازم أوضح نقطة ضرورية جدا لحضرتك ولأي حد يقرا الخبر

هيا فعلا اندلعت مظاهرات متأثرة بثورات الربيع العربي، بس بنظام "ايه ده، بيقولو فيه هيصة، يلا نهيص، دي فرصة عمرنا"
الأسرة الحاكمة "ال خليفة" عمرها ما كانت تحت تهديد بشكل عام، وانما مطالبهم كانت ان ناس بعينها هيا اللي تتشال من منصبها، والأسرة تفضل حاكمة زي ما هيا
قوات درع الجزيرة جت فعلا للمساندة، بس من أول يوم دخلت لحد ماخرجت محدش شافهم، كانت كل مهمتهم تأمين "المنشات الحيوية". هيا جت واختفت داخل المنشات دي اللي هيا بعيدة عن المتظاهرين، والمتظاهرين عمرهم ما فكرو يجو ناحيتها اصلا. بس مجرد خبر وصول القوات دي ومنظرهم وهما داخلين من الجسر اللي بيربطنا بالسعودية عمل رعب في نفوس اللي قضيتهم ضعيفة.

- المتظاهرين كانو كلهم من الشيعة، هما بينكرو طبعا، بس نسبة غير الشيعة بينهم متعديش بأي حال من الأحوال 5%
- الشيعة ولائهم لمشايخهم في الدين اعلى بكتير من ولائهم للوطن، دي مكانتش هتبقى مشكلة لو كان مشايخهم أصلا من البحرين أو حتى عايشين فيها
- بحكم الدستور، الحكومة ملزمة تدي كل بحريني وظيفة براتب لا يقل عن 2000 جنيه مجرد مايتخرج، وملزمة انها توفرلو سكن بسعر منخفض وبيدفع على 20 سنة
- بحكم القانون، لو البحريني رفض كل الوظائف اللي وزارة العمل عرضتها عليه (غالبا عشان البريستيج)، بيتصرفلو راتب شهري وهوا قاعد في بيته لمدة سنة، عشان يدور على شغل براحتو.
- بيتظاهرو على ايييييييييه !!!!!!!!!!
انا هاقولك، مطالبهم كانت بتتغير وبتطلع وبتنزل، كلها بتأدي حتميا انهم يمسكو الحكومة + البرلمان. ويتم تهميش السنة تماما بما فيهم الأسرة الحاكمة.
- حجتهم كانت عددهم، بيقولو انهم أغلبية الشعب، قولنا اخر احصائية بتقول ان السنة 51% والشيعة 49%، قالو طب بصو عددنا على الحقيقة، وعملو مظاهرة رهيبة فعلا، قولنا ماشي شوف اللي مش موافقين على كلامكم كام، وعملنا مظاهرة في حتة تانية بعيد عنهم، والحمدلله جه كمية ناس اذا مش اكتر منهم على الأقل مش أقل منهم.



انا عارف اني طولت، بس والله ده ولا حتى تلت اللي عاوز اقوله
ده في بلاوي ومصايب متلتة عملوها، بما فيها ايذاء غير طبيعي لأهل السنة
على العموم لو حضرتك او أي حد قرا الكلام الكتير اللي فوق ده عنده أي سؤال او يحب اني اشرحله اكتر من عيني دي قبل عيني دي

وسامحوني مرة تانية على الإطالة

[تامر ديزل]

نورت الموضوع يا استاذ عبده والله انت ماطولت ولا حاجه لان انا بحب اسمع الاخبار من الناس العاديه زينا انما الاخبار اللي بتيجي في الفضائيات دايما بتبقى عليها فلفل وبهارات كتييير اوي علشان تجذب المشاهد
ومن ناحية الاسئله عندي سؤال : ايه باقي الكلام اللي كنت عاوز تقوله ؟

[3bd0]

ههههههه
كده انتا اديتني الضوء الأخضر للرغي

قبل ما اكتب الرد ده فكرت للحظة اني ادخل جوجل عشان افتكر كل الحاجات اللي حصلت وارصهم ورا بعض و منساش حاجة
بس رجعت في كلامي، انا هاحاول اكتب اللي انا فاكره عشان غالبا هتبقى هيا دي الحاجات اللي كان ليها أثر اكبر على المجتمع البحريني بشكل عام.

بص يا سيدي:

1- الميدان:
الجماعة دول راحو احتلو ميدان رئيسي جدا زي ميدان التحرير كده (دوار اللؤلؤة)، وقعدو هناك شهوور طويلة. المعتصمين كانو حوالي 3 او 4 الاف، وكل يوم جمعة يوصلو 100 الف ولا حاجة. طول الشهور دي الحكومة وولي العهد في عملية شد وجذب مع قياداتهم، او بمعنى اصح مشياخهم، وطبعا انتا عارف السياسة والمفاوضات بتاخد وقتها. على العموم هما كانو قاعدين هناك كافيين خيرهم شرهم وكل اللي اتاثر في البلد الكيلو اللي حواليهم من جميع الإتجاهات، التاثير كان حاجتين: اي حد عنده شغل هناك وقف (بما فيه اكبر سوق في البلد) ومنظر البلد بقى زبالة جدا

2- اليوم اللي الجيش اضطر ينزل:
جم في يوم كده الصبح قررو يقطعو اكبر شارع في البلد (بيعدي قريب من الميدان)، لو قلتلك ان اهمية الشارع ده في البحرين زي أهمية الأورطى في جسم الإنسان هبقى بظلم الشارع. لو حبيت اقربها شوية هقولك تخيل المتظاهرين في ميدان التحرير بعتو 20 واحد قافلو كل الشوارع اللي بتربط شمال القاهرة بجنوبها(مفيش حد من الجيزة يوصل شبرا مثلا او العكس). كسرو اعمدة النور بتاعة الشارع ونيموها بالعرض. اليوم ده من 70 الى 80 % من شعب البحرين قعد في بيته، تخيل بقى كمية المشاكل والخسائر اللي حصلت في البلد بسبب الموضوع ده. وده كان اليوم اللي نزل فيه الجيش الشوارع لأول مرة عشان يفتح الشارع ده.

3- تعامل الداخلية معاهم:
كانو بيتكلمو كتير على عنف الداخلية معاهم عشان يستعطفو الرأي العالمي، مع ان كل مرة كانت الداخلية بتقرب ناحيتهم كانت بتقول قبليها 3 مرات بالميكروفونات، بس هما بيعاندوهم. الداخلية حاولت تقشهم مرة من المكان بعمل حائط بشري من العساكر يمشو ويزقو اللي قدامهم بأجسامهم، حصلت مقاومة منهم (بيضربو العساكر!) وسمعنا انها كانت بأسلحة بيضة بس انا مش متأكد، فالعساكر ضربت نار في الأرض(لو ضربو في الهوا هايبان، الضرب في الأرض بيحسسك انو بيضرب عليك)، الحمدلله جاب نتيجة وجريو من قدامهم، بس للأسف في ناس منهم اصطادته الرصاصة وهيا مرتدة من الأسفلت (بشهادة الدكاترة)، وطبعا هما مسكو الحوار ده وهاتك يا اعلام عالمي وعربي، فرشو الملاية.

4- المستشفى:
في البحرين كلها مافيش غير مستشفى حكومي واحد بيخدم الشعب كله (بينه وبين الميدان زي التحرير ورمسيس كده)، أغلب الدكاترة فيه شيعة، قلبو الطوارئ بتاعته كلها ساحة للمظاهرات!!!
اي مريض سني كان متنيم في المستشفى ساعتها كان بيتعامل اسوء معاملة، مش إهمال، ده تعمد ايذاء نفسي وبدني، عملو فيهم حاجات صعبة اوي خلتهم كلهم يطلعو يجرو من المستشفى، وطبعا كلها حاجات متعرفش تثبتها قانونيا.
الطوارئ بتاعت المستشفى ديه متوسط الحالات اللي بتجيله في اليوم حوالي 3000 حالة "طوارئ" يوميا، من ساعة ما قلبوه تكية ابوهم الحالات بقت 900 في اليوم. يعني فيه 2100 شخص يوميا محتاجين طوارئ واسعاف ومحدش عارف عنهم حاجة، تتوقع ايه اللي حصل للناس ديه؟!!!
عربيات الإسعاف بقت مخصصة لخدمة المتاظاهرين فقط، خدمة شاملة تشمل اي حاجة غير طبية عاوز تعملها وتعديها من الحكومة عشان الحكومة مينفعش توقف وتفتش اسعاف وإلا الردح هايشتغل في القنوات الفضائية.
هما كانو بيتظاهرو في الباركينج بتاع الطوارئ وجايبين ميكروفونات وبتاع، الدور اللي فوق الطوارئ بتاع مرضى القلب المنومين في المستشفى، وطبعا الصوت العالي والإزعاج مفيد جدا لمرضى القلب.
مخزن الأدوية بتاع الدولة موجود في المستشفى ديه، مكنوش بيطلعو حاجة برة المستشفى، المراكز الصحية والمستشفيات الخاصة بقو لايصين.
بنك الدم، استخدمو اغلبه في فبركة اصابات على المتظاهرين عشان الإعلام يجي ويشوف الحكومة بتعمل فيهم ايه!

5- الجامعة:
جامعة البحرين (مقامها زي مقام جامعة القاهرة وعين شمس مجتمعين، مفيش غيرها اصلا) حصل حوار فيها كده يطول شرحة ولكن النتيجة كانت عربيات نص نقل محملة بشباب من الميدان مسلحين بعصيان حديد وخشب دخلو الجامعة عافية وجريو ورا شباب سنة من بتوع الجامعة (ولاد وبنات) وفي الاخر حاصروهم في احد البنايات (30 شاب وبنت من السنة تقريبا) وهاتك بقى يا تحديف باي حاجة، هاروهم لمدة تتجاوز الساعات لحد ما الداخلية قدرت تجمع عدد عساكر كافي عشان تفك الإشتباك.
ليا 2 صحابي الأولاني كان من اللي اتحاصرو وحكالي انهم شافو الموت بعينهم، والتاني للأسف كان بيحاول يأمن البنات فكان في دايما في الاخر لحد ما مسكوه، اطحن ضرب، مفيش عضمة فيه طلعت سليمة، من أول الجمجمة لحد العضام الصغيرة في القدم، اتنيم في المستشفى شهر ونص، ده غير طبعا ان محفظته وعربيته اتقلبو.
صحابي الإتنين دول مصريين، ملهمش دعوة بحاجة اصلا، لا هما مع دول ولا دول، بس للأسف كانو من السنة، يبقى يستاهلو.
الجامعة بعد اليوم الإسود ده معرفتش تفتح للطلاب إلا بعد شهرين من الإصلاحات المكثفة في المباني والتجهيزات.

6- التعليم:
نسبة المدرسين الشيعة اكبر بكتير من السنة، عملو اضراب عشان يوقفو حال البلد خالص. بقو يضربو ويرجعو على فترات عشان بيجسو نبض الحكومة هل هترفدهم ولا لأ. الأيام اللي كانو بيجو فيها كانو بيطلعو طلابهم في مظاهرات ضد الحكومة (اطفال لحد اولى ابتدائي). الحكومة كانت متورطة، المناهج مش بتدرس ومش هاينفع ترفدهم عشان مفيش حد ساعتها هايدرس العيال. وهما طبعا لو عرفو يوقفو التعليم هتبقى ضربة استراتيجية قوية في وسط الحكومة. رحنا عملنا حركة صغيرة، اعلنا في البحرين كلها عن ان اللي عاوز يتطوع لتدريس العيال الصغيرة يتفضل الوزارة عشان بصراحة الوزارة متورطة.
عاوز اقولك ان في ناس بالهبل رجعت بيوتها زعلانة في اليوم ده عشان الوزارة قلتلهم كفاية كده احنا اكتفينا
كانت حركة حلوة جدا طلعت من عيونهم، كانو هيتجننو
والمتطوعين (اللي مش دارسين تربية وتعليم اصلا) دول شرحوا للطلاب احسن من المدرسين الأساسين، بشهادة اخواتي انا شخصيا، وشهادة الأوائل على البحرين.

7- الخطف:
خطفو عساكر داخلية عشان يساومو الحكومة عليهم، خبوهم في القرى بتاعتهم، الحكومة معرفتش توصلهم، ومعرفناش الحوار ده الا لما واحد من العساكر دي قدر يهرب وطلع اتكلم في التلفزيون.

8- القتل:
كان في عسكري وحيد واقف لوحدو في مكان بعيد عن الميدان بتاعهم (حوالي كيلو فرق) اتلمو عليه 4 طلعلو من وراه، ضربوه وخدو سلاحه، كان مغمى عليه في الأرض، وهما بيهربو بعربيتهم خدو لفة كده و داسو عليه بعربية وزنها 3 طن وكملو جري، مفيش 5 ثواني كانت العساكر التانية وصلت، نطقوه الشهادة وتوفى في ساعتها.
وراجل عجوز (فوق 80 سنة) كان شغال على تاكسي واضطر يعدي من حتة قريبة من الميدان بتاعهم، التاكسي اتكسر والراجل اضرب وسابوه ومشيو، نزف في عربيته لحد ما توفى.

9- الأسلحة:
في مسجد عندهم الحكومة اكتشفت انو مليان اسلحة نارية وذخيرة من كل الأنواع والأشكال، من ال ار بي جي لحد المسدس الصغير. وطلع الموضوع تنظيم كده حاجة زي حزب الله بس على صغير، في المسجد!

10- الإرهاب:
عملو حملة كده ان اي حد بيشتغل في الداخلية او الجيش (حتى اللي على المعاش) بيوتهم اتعلمت بعلامة X كبيرة بالبوية الحمرا، خلو اهل السنة كلهم قاعدين على اعصابهم ليل نهار، اضطرينا نعمل لجان شعبية بالليل واضطرينا نشتري اسلحة بيضا وكانت ايام ما يعلم بيها الا ربنا

11- العفو ونكران الجميل:
المباحث عندنا محترمة جدا، البلد صغيرة، وبتجيب اي حد بسهولة. اغلب المجرمين دول بيتجابو، ويتحاكمو، ويتسجنو، ونصحى في يوم كده على خبر عفو ملكي، الملك الله يهديه بيعفو عنهم بطريقة غير طبيعية، والموضوع ده مضايق اهل السنة جدا، ويا ريت بيطمر فيهم، بيرجعو لنفس الإجرام، في منهم اللي اتعفى عنهم 3 مرات.

----------------------------

ده اللي انا فاكره حاليا، وبصراحة تعبت من الكتابة
بس ان شاء الله لو افتكرت اي حجة هكتبهالك، ده طبعا بعد اذنك
وحضرتك لو عندك سؤال انا تحت امرك

وفي الاخر احب اقولك ان الشيعة لما مسكو زمام الأمور في العراق، جم على بعض المدن بتاعتهم وطلعو السجل المدني وقتلو اي حد اسمو ابوبكر او عمر،
وفي سوريا اديك شايف بشار بيعمل ايه

ربنا يستر علينا

[mf]

تقريبا حضرتك جبت كل الاحداث السياسية الرئيسيه اللي حصلت في 2011

لكن انا اتذكر تاريخ لايمكن أن أنساه وهو يوم 4_2_2011

استشهاد صديق عمري الملازم أول محمد عز الدين عبدالمنعم أثناء أحد المأموريات القتاليه برصاص الغدر والخيانة

اليوم ده يوم تحول في حياتي لاني كان ممكن جدا انا اللي أموت

ومقدرش أقول الا الله يرحمك ياعز


________________________

أما بالنسبة للحديث عن البحرين

فالشيعة هناك ولاؤهم لايران واعلنوا من دوار اللؤلؤة "مجلس التعاون الخليجي" قيام الجمهورية البحرينية الاسلاميه

هذا أدي الي تدخل قوي من السعودية والامارات لانقاذ اهل السنة في البحرين وانقاذ البحرين نفسها من السقوط