ارشيف احداث عام 2011

[mr_astra]

السلام عليكم ورحمة الله
المغربى دة خرب حاجة اسمها هيئة المجتمعات العمرانية الجديدة
بحكم عملى بالهيئة لمدة 17 سنة اقول ان المغربى بهدل الهيئة رجعنا ورة كتير اوى وعمل فضايح وبلاوى كتير جدا وصراحة هو مكنش فاضى للهيئة تماما لدرجة انه مكنش بيروح الوزارة الا نادرا جدا..اول ما اتعين اطاح بنواب الهيئة وهم 3 وجاب مستشارين عددهم كبير جدا ورمى الشغل كلة على عاتقهم وكان معظمهم دكاترة صغار السن وملهمش اى خبرة لا بالاسكان ولا بالتعمير
وفجاة وبدون اى سابق انزار عمل تخصيص الاراضي الصناعية من وزارة التجارة والصناعة الهيئة العامة للتنمية الصناعية اللى كان مسكها عمرو عسل وبالمناسبة هو فى السجن دلوقتى بيتحقق معاة لانة فاااااااااسد فاسد فاسد وبالمناسبة هاحلكم تجربة شخصية لية فى هيئة التنمية الصناعية
تقدمت بطلب حجز قطعة ارض صناعى باحدى المدن الجديدة وبحكم عملى كنت متاكد تماما انها شاغرة وقابلت مسؤل التخصيص هناك اسمة المهندس اشرف قالى انها محجوزة مش شاغرة واما ناقشتة وحس انى فاهم شوية قالى طب ادفع مقدم حجز 1050 جنية وبعدين نمشى فى بقية الاجراءات قلت ماشي بس كان لازم اعمل دراسة جدوى للمشروع وبالفعل اشتغلت فى دراسة الجدوى وعملتها كما ينبغى لانى كنت جاد وفاهم كويس انا عاوز اعمل اية ....المهم راحت الايام وجت الايام وما فيش ولا حس ولا خبر عن التخصيص وفى الاخر استرديت مبلغ جدية الحجز ....وبالصدفة لقيت واحد حاطط يافتة عليها ملك فلان الفلانى واتصلت بية وقلتلة انا عاوز اشترى قطعة الارض دى وفعلا قابلتة وورانى بقى اوراق الاض ادى اخطار التخصيص ...ادى ايصال سداد المقدم .... ادى كذا ادى كذا ادى دراسة جدوى للمشروع واتفاجات انة دراسة الجدوى اللى انا كنت مقدمة بالرسومات الهندسية بتعتى والمكن اللى راكب وكل حاجة انا كنت عاملها باختصار خدوة شغلى ومجهودى وخصصو لواحد تانى قطعة الارض واكيد لانة دفع رشوة حسبى الله ونعم الوكيل على فكرة تخصيص قطع الاراضي الصناعية ايام ما كان تبع الهيئة كان بمنتهى الشفافية وكولة على فى النور والله الحاجات دى انا متاكد منها تماما
نرجع بقى لموضوع المغربى عمل حاجة تانية غريبة جدا خلى تخصيص قطع الاراضي السكنية تبع بنك الاسكان والتعمير لية برضة معرفش
والكارثة الكبرى بقى اللى جاية دى
احال كل ممتلكات وزارة الاسكان والتعمير من محطات مياه وصرف صحى لشركة مياة الشرب والصرف الصحى بالقاهرة ومن المعروف ان اكبر تكلفة لترفيق حى سكنى هى امدادة بخطوط المياة والصرف الصحى وعمل محطات مياة شرب ومحطات صرف صحى من الاخر ادهلم على الجاهز لية اكيد كلنا عارفين بس والله انا صعبان على اوى لانى اشتغلت فى المحطات دى 10 سنين وتعبنا فيها اوى لغاية اما وقفناها على رجلها وبدات تشتغل وبدات تجيب فلوس للهيئة وبدون سابق انزار اداها بيضة ماشرة لشركة مياة الشرب والصرف الصحى واخدت كل جنية عائد من المحطات دى يا جماعة تكلفة محطة مياة بالخطوط بتعتها ملياراااااااااااات يبقى ازاى بقى تبيع حاجة تبيع اية دة مخدش فيها ولا جنية ادهلهم بنقل الاصول ودلوقتى الشركة بتطالب الهيئة بفلوس مياة الشرب بتاعة الزراعة اة والله دة حاصل
المهم المستشارين اللى جبهم المغربى اثبتو فشل زريع وكبدو وزارة الاسكان والتعمير خسائر فادحة
يا جماعة احنا ما ببنناش ولا وحدة سكنية فى عهد الوزير دة كلها وحدات فاخرة ولمستثمرين
حتى المشروع القومى للاسكان ما سلمش من فسادة لانة ادى قطع اراضي تتراوح من 5 فدان الى 15 فدان للمستثمرين على انها مشروع قومى وساعة التنفيذ اتبنت على انها استثمارى وسمو المشروع المشروع القومى للاسكان قطاع المستثمرين وبيبيعو فية زى ما هما عاوزين
وكتير كتير مش عاوز اطول عليكم بس ربنا يديلة جزاؤة اللى يستحقة

المشاركة الأصلية كتبت بواسطة asalacenter أمر المستشار علي الهواري المحامي العام الأول لنيابة الأموال العامة العليا بحبس رجل الأعمال منير غبور لمدة 15 يوما على ذمة التحقيقات التي تجري معه بمعرفة النيابة لاتهامه بالتربح والإضرار العمدي بالمال العام. وكشفت التحقيقات التي باشرها أحمد يحيى رئيس نيابة الأموال العامة، وأشرف عليها المستشار عماد عبد الله المحامي العام للنيابة، أن وزير الإسكان السابق أحمد المغربي ارتكب مخالفات جسيمة وغير مبررة لا يقوم بها الموظف العمومي المعتاد لصالح منير غبور، بغية تربيح الأخير بالمخالفة لأحكام القانون، مشيرة إلى أنه في مقدمة تلك المخالفات تخصيص المغربي مساحات كبيرة من الأراضي لصالح غبور بالأمر المباشر وبمبالغ مالية تقل كثيرا عن سعرها السوقي، الأمر الذي كان من شأنه تربيح غبور وحصوله على مميزات دون وجه حق. وأظهرت التحقيقات أن هيئة المجتمعات العمرانية الجديدة تحملت كلفة تغيير مسار الكابلات الكهربائية الهوائية التي كانت تمر أعلى أرض غبور، بحيث تم تمريرها أسفل الأرض (كابلات أرضية) على نفقة الهيئة دون مبرر بما حقق منافع للشركة على حساب المال العام، الأمر الذي كبد الدولة قرابة 77 مليون جنيه لصالح غبور دون وجه حق، بحسب تقرير اللجنة الفنية من خبراء وزارة العدل التي كانت النيابة قد أمرت بتشكيلها للتحقيق في وقائع المخالفات بشأن غبور

:01010 5~332::w6w200504112235 376e:01A0FF~13 9::014FDA~117 ::fun_10_1_12 4[1]:

[ameer mohamed]

اصق فى الجيش وقواتنا المسلحةبس هى دلوقتى مشغولة بحماية الشعب والوطن ومحاكمة الرايس السابق مسالة وقت

[ahmed107]

شكرا على الموضوع بس هو مفيش أى تغير فى سوق السيارات ولا ايه؟؟

[kimocyc]

حسبي الله ونعم الوكيل