|
#51
31-08-2009, 03:55 PM
|
|||
|
|||
|
رد: ايه قصة افلاس الجمعية المصرية دي
يريت الهيئه العامة تتدخل لحل ازمة الجمعيه والدكتور عادل منير بس انا جت فدماغى حاجه دلوقت ليه؟؟؟؟؟؟؟؟؟؟؟؟؟؟الشركه دى كانت احسن شركه ودلوقتى بيقولو عليها فلست مش ده ممكن يكون منافسه من الشركات الحكوميه ولاانا معنديش حق مهندس احمد دعبس
|
|
#52
22-09-2009, 11:02 PM
|
||||
|
||||
|
حكاية لها العجب
جايبلكم النهاردة حكاية لها العجب
حكاية واحد من الناس زى كل الناس وكل مابفتكرها بتحرق دمى بس النهاردة بكتبهلكم مش عشان أحرق دمى لأ ولكن عشان نحاول نعالج السلبيات الموجودة فى بلادنا ونفضح المستخبى وعشان نتعلم من أخطا بعض ونستفاد .. أنا زى زيكم بجتهد وبعافر فى الدنيا عشان أعيش لكن واضح أن الدنيا دى مابتسبش حد فى حاله ..وواضح أن النصب والضحك على الدقون كتر فى البلد ومفيش حد بيساعد ولأبيحل أى حاجة . الخلاصة عشان مطولش عليكم - السنة اللى فاتت زى اليومين دول روحت معرض سمير ريان اللى فى الأتوستراد عشان أشترى عربية لأنسر (البومة) بالقسط من بنك سيــــــــــتى ,وفوجئت بعد الشراء ومن غير ما يسألونى ولأيخدوا حتى برائى أنهم امنوا على العربية تبع الجمعية المصرية للتامين التعاونى أكبر شركة تامين نصابة فى جمهورية مصر العربية الموجدة بالعباسية خلف عمر أفندى ودى كانت أكبر غلطة وقعت فيها أنى ماأخترتش شركة التامين وما أهتمتش بالسؤال كويسة ولأ لأ - -خلاصة الكلام بعد كام شهر من الشراء وبالأخص فى شهر مارس اللى فات حصليتلى حادثة الحمد الله ربنا سلم وخرجت منها سليم بس العربية أتكهنت ومن يومها وأنا فى معاناه -مرة مع البنك اللى حاولت أكتر من مرة أطلب منه أنه يوقف القسط ومرة مع شركة التامين عشان أحاول أصرف أى حاجة وزى ما أنتوا عرفين سلو بلدنا فوت علينا بكرة يا سيد -حسبى الله -نصبوا على الناس كلهم وخلوهم يسلموا عربيتهم الهالكة بحجة صرف التعويض وفى النهاية ولأعرفنا نوقف قسط البنك ولأعرفنا حتى ناخد عربيتنا الهالكة عشان نبيعها نكمل على تمنها ونسدد القرض - واسمعوا بقىء اللى أحلى من كده - البلد ولأعملت لهم اى حاجة ولحد الان شغالين والموظفين موجدين بمكاتبهم وجايبنلهم كمان بودى جاردات النفر منهم يخبط أيدوا فى الحيطة يكسرها  عشان يحموهم لأن الناس طبعا متعصبةوفاض بيهم ومشاجرات مع الموظفين وعاوزين يصرفوا التعويضات عشان كل واحد عليه قسط وديون عاوز يخلص منها وكل يوم يقلوا بكرة جاى لنا فلوس وهانصرف -كلمنا بعد شهر -تعالى وسجل اسمك واحنا هانتصل بيك .وولأ حاجة من اللى بيوعدوا بيه أو بيقولوه بيحصل ( ويوم ما يصرفوا لك شيك يطلع من غير رصيد والبنك يرفضه -وبتلاقى نفسك فى النهاية انت الخسران ( أجازات من الشغل -فلوس مكالمات واتصالات - نصابين ما تعرف بيطلعولك مننين وكل واحد يقولك أدينى فلوس وأنا أخلصلك يا باشا الحوار ده -عالم نصابة ومش فارقة معاهأ حرام ولأ حلأل -وصدقونى أكبر نصابة وحرامية فى الحمعية واحدة أسمها *********** وواحد أسمه ********* وشوف نفسك بقى لو ليك 80 الف جنيه هى وهو متواضعين جدا هايخدوا منك بس10 الف على مبلغ التعويض اللى أقل من 100 )وهو دا النظام وأخبط دماغك فى الحيط وكبيرك لو هاتطق من جنابك - أطلع على قسم الشرطة وأعمل لهم محضر -أو أشتكيهم فى الهيئة العامة للرقابة على التامين ولأ أقولكم أشتكوهم أحسن فى هيئة الرقابة المالية -أصل أنا كل ده عاملته ومريت بيه -وابقوا قابلونى لو حد سأل فيكم -وأوعوا تقول حقوق الانسان ولا أنت متعلم ولأهى البلد فوضة لحسن حد يضحك عليكم -عشان هى فعلا فوضـــــــــــــــى ومن زمان قوى كمان بس أحنا أصلنا ماكناش وأخدين بالنا وكنا فى تعسيلة وغفلة !!!!!! وحسبـــــى الله ونعم الوكيل من كل ظالم ومن كل اللى بيكلوا حرام  تم النقل بمعرفتي مشرق القسم الامريكي :حازم خضر يرجي من العضو مراعاه فتح المواضيع في الاقسام المحدده التعديل الأخير تم بواسطة hazem_khidr ; 09-10-2009 الساعة 04:02 PM سبب آخر: نعتذر عن نشر اى اسماء لشخصيات حقيقية بدون اثبات مادى
|
|
#53
22-09-2009, 11:12 PM
|
||||
|
||||
رد: حكاية لها العجب
لا حول ولا قوة الا بالله ! ربنا يعوض عليك ! ولكن لا تنسى " ماضاع حق ورائه مطالب "
ونشكرك على حكاية تجربتك دى ! لتعم الفائده على الناس ! ولتحويل فكر الناس عن التأمين والكلام الفاضى ده ! والله أنا عندى سياره اشتريتها كاش على الزيرو من 12 سنه ولم أفكر لحظه فى عمل تأمين لها وسبتها على الله ! وحاجز سياره سيراتو حاليا و كنت لسه من نصف ساعه فقط بأفكر لو جت أأمن عليها أو لآ ! وسبحان الله ربنا بعت لى الاجابه على يد حضرتك ! وتأكد حتى لو لم تأخذ نقودك نهائيآ فان الله سيعوضك بدلا منها على الآقل بسبب هذه المشاركه ! Dr. Bolbolan 
__________________
ليت الشباب يعود يوما  فأخبره بما فعل المشيب بى ! ptmnlo123per1127
|
|
#54
22-09-2009, 11:23 PM
|
||||
|
||||
|
رد: حكاية لها العجب
ربنا يباركلك يا دكتور ويأتيك خير الجديدة ويكفيك شرها وشر عنين الناس كمان -
وبالمناسبة دى أنا بشكر كمان كل القائمين على هذا المنتدى أنهم أتاحوا لنا الفرصة عشان نتواصل مع بعض ونشارك هموم بعض لنجد لها حل بيننا -ربنا يباركلهم ويجازيهم كل خير
|
 |
| الكلمات الدليلية |
| مراكز خدمة وصيانة سيارات |
|
|
