ارشيف الاستراحة 2011

[mesho70]

المشاركة الأصلية كتبت بواسطة hyundai2005 كورسير معناها بكل اختصار كل حاجه حلوه وجدعه واصيله فالدنيا كلها

[_amr.mostafa_]

السلام عليكم ورحمة الله وبركاته

كروسير vs المشرفين

[hyundai2005]

طب استخبي بقي بسرعه العاصفه قادمه

[ahmed.counselor]

خلى هدفك حفظ القران
احفظ لو اية واحدة يوميا وراجع على حفظك السابق
ان شاء الله يشرح الله صدرك

[مهند النجار]

المشاركة الأصلية كتبت بواسطة mhamdy75 فعلاً كلامك صح إللى بيشتكى من عربيته بعدم رضا فندعي له بالرضا أما إللى بيشتكى من عيب وعايز المشورة فواجب علينا نصحه

المشاركة الأصلية كتبت بواسطة hatem_eg هههههههههههههه موضوعك حلو ،، بس واضح انك دماغ عربيات تمام ،،، لو كنت دخلت هندسة قسم سيارات كنت زمانك ميه ميه على حب الهوايا دي ... عموما ربنا يكرمك وحاول تنمي هوايتك دي واستغلها ،، ربنا يكرمك بعربيتك ويديك خيرها ويكفيك شرها ويجعل قدمها خير عليك ، ويبدلك خيراً منها ان شاء الله . تحياتي،،

المشاركة الأصلية كتبت بواسطة احمد على 1999 و الله انت زى العسل فكرتنى بنفسى فعلا كنت برسم كل العربيات و الطيارات كمان دلوقتى ابنى تولى المهمة كنت بشتكى لواحد صاحبى عن حاجة هبلة فى عربيتى قالى : احمد روح اقعد عند الميكانيكى شوية اتفرج على بلاوى غيرك حتروح من نفسك بايس ايدك وش و ضهر و واخد عربيتك و ماشى

المشاركة الأصلية كتبت بواسطة AboNoRa موضوع جميل وظريف ... قدرت تجمع بين الفكرة والنصيحة وخفة الدم والمفارقة انا كنت زيك مهووس بالعربيات من صغرى برضو كانت اى لعبه تجيلى لازم الموتور اللى فيها يتطلع علشان ابداء تجاربى عليه طبعاً مواتير بحجارة بس كنت بحس بقمة المتعة اول لما اطلع الموتور واوصل السكين بالحجر القلم فيصدر الازيز المحبب ويشتغل ده غير الهوس بمصغرات العربيات الحديد بتاعة زمان ديه كانت إدمان ومازالت عندى وفى مرحلة الاعدادى الى بداية الثانوى كنت حفظت عن ظهر قلب كل الماركات والموديلات وبداءت اكون قناعات بالاعجاب بانواع ورفض انواع تانية بس بناء على الشكل بس وفى بداية الثانوى قمت بمغامرة مهببة ومشيت بالعربيه (بعد سرقة المفاتيح) لوحدى حوالى 50 متر انتهت بحادثة دمرت عربيتين بس الحمد لله محدش حصلة حاجة بس على اثرها حرمت من انى اهوب ناحية العربيه لسنين بعدها جابتلى اكتئاب وزودت لهفتى على اقتناء واحدة طبعاً اضطريت اتعلم السواقة خارج نطاق البيت وعربيه البيت فاتعلمت على عربيه واحد صاحبى سيات 131 برضو وكان الفتيس بتاعها بايظ كمان كانت فيها الاول وبعدين تجيب التالت على طول علشان التانى كان بعافيه شوية واستمر الشغف والحب ده يزيد لحد ما ربنا رزقنى باول عربيه من جيبى لكن مازال الشغف كما هو وبيتهئالى لو جبت كل عربيات الدنيا برضو هفضل احب العربيات واعتقد ده نفسه السبب فى اننا مش هنبطل نشتكى ونشكر ونعلق ونتمنى ونحب ونكره عربيات مش لعدم الرضا بعربياتنا لكن لحبنا فى العربيات نفسها واهتمامنا بكل تفاصيلها

مشكورين علي تفاعلكم
كويس اني ما طلعتش لوحدي
وكويس اني قدرت اوصلكم وجهة نظري ماحدش عايز يسوق العربية يعني