#526
|
رد: أدب الرحلات
المؤتمر السابع (عمرو بن العاص)
فى يوم راكبين فى امان الله وواحد فلحوس (فيلسوف ) شتم على سيدنا عمرو بن العاص وبصراحة كده انا بيجينى جميع انواع الانفلونزا لما حد يشتم على الصحابة وسأ لت سيادته / انت تعرف عمرو بن العاص وبكل شجاعة وفلسفة المصريين / طبعا أعرفه هو فى حد ميعرفوش انا / طيب مين عمرو بن العاص عمرو بن العاص ده اللى جه غزا مصر وضحك على ابو موسى الأشعرى لما قال له اثبت صاحبى هذا فى البيعة بتاعة معاوية بعد م كان متفق معاه يخلعو ال2 انا / و ايه كمان وهو اللى ضحك على الست العجوزة واخد منها ارض المسجد بتاعه بتمن بخس انا / ده بالطريقة دى سيدنا عمرو محتـل و نصاب وبتاع 3 ورقات ......... ايه الكلام الفارغ ده لازم تعرف ان الصحابة ميعرفوش الكلام ده انا وانت نضحك على بعض نعمل بومبة ف بعض لكن الصحابة لأ ثم ان سيدنا ابو موسى الأشعرى الحكاية دى تظهره بمظهر العبيط اللى بياخد على قفاه و ده كلام غلط لان سيدنا ابو موسى الأشعرى واللى كتير من الناس ميعرفوش كان قاضى القضاة فى عهد سيدنا عمر ثم فى عهد سيدنا عثمان ثم فى عهد سيدنا على رضى الله عنهم اجمعين تفتكرو دول مبيفهموش علشان يدو منصب قاضى القضاة لواحد عبيط (ده كلام) والحكاية ينقصها السند لان علم التاريخ لم يخضع للبحث والتحقيق كما خضع علم الحديث وغير منطقية ثم ان عمرو بن العاص لما عرض على سيدنا عمر فتح مصر رفض حتى لايعتبر غزو بينما كانت وجهة نظر سيدنا عمرو ان مصر ستكون اضافة كبيرة للاسلام وخصوصا ان النبى وصانا بأهلها خيرا مرة وبقبطها خيرا مرة تانية ورفض سيدنا عمر حتى جاءت استغاثة من كبير قساوسة مصر بسيدنا عمر من ظلم وطغيان الرومان وسيدنا عمر بعت سيدنا عمرو على راس جيش كبير ولما أراد انه يبنى مسجد بعت الناس يدورو له على مكان يصلح كمركز للحكم وكمسجد فى نفس الوقت وكان الاختيار على 3 اماكن منها مكان المسجد الحالى المسمى باسمه وراح لقاه بتاع واحدة ست كبيرة فى السن ووافق على المكان وبعت الرسل يتفاوضو معاها على بيع الارض واتفقو معاها فعلا على سعر وجاءو وبلغوه السعر وان الارض تساوى اكتر لكن الست متعرفش فراح للست وكسر الاتفاق ودفع ضعف السعر الحقيقى للارض و قال قولة مشهورة / لايجوز ان يبنى مسجد على ظلم مش العكس انه نصب على الست وقال لها انتى وافقتى والكلام الاهبل ده وواقعة ابنه لما ضرب الراجل المصرى على وجهه واقعة شهيرة وتسببت فى اسلام الكثير من اهل مصر و سيدنا عمرو لما جائته التعليمات من سيدنا عمربالتحرك من مصر نحو بلاد المغرب ترك 2000 فقط من المسلمين وكان عدد المصريين وقتها حوالى 3 مليون او اكتر شوية لكن معاملات المسلمين هيا اللى جعلت كتير من الناس اسلمو وتغيرت التركيبة الى العكس ولذلك احنا كمسلمين فى سجل حسنات سيدنا عمرو ثم ان سيدنا عمرو كان يخجل من رسول الله لانه كان يحاربه فى جاهليته فلم يستطيع ان يرفع عينه فيه فازاى يخلع سيدنا على حبيب رسول الله والمقرب اليه والمبشر بالجنة كلام مش منطقى ده احنا بنتجاوز احيانا عن بعض الحركات ونقول/ معلش علشان خاطر ابوه بس اصله كان حبيبى يقوم سيدنا عمرو ميعملش خاطر للنبى (صلى الله عليه وسلم ) ثم ان دول صحابة رسول الله وبالتالى ماينطبق علينا من اخلاقيات وتصرفات مينفعش نطبقه عليهم فقال /غلبتنى يااستاذ بس المسلسل فى التلفزيون قايل كلام شبه ده كتير واكيد الازهر وافق عليه طالما احداثه صحيحه انا / اولا اسامة انور عكاشة ده بتاع مسلسلات وتربـيـتـيـتـى وبالتالى هو نفسه لما ييجى يقرا واقعة تاريخية مش هيدور على مدى صحتها واحنا درسنا الكلام الاهبل ده فى المدارس زمان ثانيا / هو مين اللى هيوافق عليه مهو المعلم حلالون (حلال) حلالون حلال (طنطاوى/ شيخ الأزهر السابق) رحمة الله على جميع اموات المسلمين لقد أفضى الجميع الى ماقدمو وهم الأن فى دار الحق بعدها بحوالى 10 ايام شافنى وقال /انت برجلت دماغى ونزلت من القطار اشتريت شريط محمد حسان للرد على المسلسل واشتريت كتاب عن سيدنا عمرو ولقيت كلامك صح انا / ياراجل ياطيب ابقى برجلت دماغك برضه ؟؟؟؟؟؟؟؟؟؟؟ ده انا عدلتها |
#527
|
||||
|
||||
رد: أدب الرحلات
انا معاك بس ابقى قولى قبليها عشان اكون فاضى
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
#528
|
||||
|
||||
رد: أدب الرحلات
تسلم ايدك على المعلومات التاريخية الرائعة
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
التعديل الأخير تم بواسطة hazem_khidr ; 06-11-2010 الساعة 04:57 PM |
#529
|
|||
|
|||
الله عليك يا ابو عموا والله موسوعه اللهم لا حسد وقل اعوذ برب الفلق التعديل الأخير تم بواسطة hazem_khidr ; 06-11-2010 الساعة 04:58 PM |
#530
|
|
رد: أدب الرحلات
أيه الحكاية انت جاسوس ومخبى والا أيه وبعدين اللى يقعد على البر على طووول عمره م هيتعلم السباحة والسباح م نزلش الدنيا بيعرف يعوم حكمة علمتهالى الأيام لازم تواجه يامعلم مش تستخبى والحدق يفهم |
|
|