صيدليه مصر موتورز

[nktis]

هنتكلم النهارده عن دواء مشهور في الصيدليه اسمه.؟.
بيتاسيرك...

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 1229 * 922 و حجم 280KB.

اسم مادته الفعاله...
بيتاهيستين,,

Betahistine Dihyrochloride...
وهي ماده تشبه الهيستامين فترخي الاوعيه الشعريه للدوره الدمويه الدقيقه بالاذن الداخليه...فبالتالي بتزيد تدفق الدم للاذن الداخليه...
طيب ايه استعمالاته.؟.
*طنين الاذن...
*انخفاض درجه السمع...
*داء منيير Miniere ...وده اعراضه دوار ودوخه وعدم اتزان واحيانا غثيان او قيء...
*الدوار الدهليزي Vestibular Vertigo...

قبل ما نكمل البيتاهيستين موجوده كما ذكرنا...
بيتاسيرك بتاع فاركو ومنه تركيزين 8 مجم و16 مجم ويوجد 24 بس بالخارج...

ميكروسيرك اقراص العامريه ومنه تركيز واحد 8 مجم...

فيرسيرك اقراص بتاع كيمي فارم ومنه 16 مجم و24 مجم...


تماااام.؟.
الجسم بيتحمل الدواء جيدااا مع الاستعمال طويل الاجل ونادرااا ما تحدث اثار جانبيه زي.؟.
شويه حموضه واضطربات خفيفه بالمعده...ويجب متابعه وتحذير مرضي القرحه...
الجرعه.؟.
اولا نعرف ان اقصي جرعه علاجيه هي 48 مجم...
غالبا ال8 مجم بيبقي 3 مرات يوميا...
ال16 احيانا بيتكتبلي مره الي مرتين وكذلك الفيرسيرك 16 و24...
يبقي جرعته متفاوته ويتم التحكم فيها حسب.؟.
*الاستجابه المطلوبه وظهور تاثيرها العلاجي...
*راحه المريض او ظهور اي اثار جانبيه فبنقلل الجرعه...
طيب السؤال التقليدي.؟.
قبل ولا بعد الاكل.؟.
طبعا بما انه ممكن يسبب حموضه فبعد الاكل افضل...
اخيرااا...
يجب التاكيد علي مرضي المعده بضروره اخذ الجرعه بعد الاكل...
تحذير ومتابعه مرضي الازمات الصدريه ومرضي اورام خلايا الكروماتين القاتمه Pheochromocytoma...
لا يستخدم في الاطفال ولا يفضل اعطاءه للحوامل والمرضعات الا باذن الطبيب المختص...

[nktis]

هنتكلم النهارده عن اخر صنف بيعته الي الان وهو.؟.
سيلجون اقراص...ابو 5 مجند...
الماده الفعاله...
Pipazethate HCL...

هيدروكلوريد البيبازيثات...نطقها صعب قوووي.؟.
بتوقف هذه الماده تقلصات الشعب الهوائيه اللي بتؤدي للسعال عن طريق تثبيط قابليه الاثاره في مركز السعال بالمخ...
وايضا ليها تاثير موسع للشعب الهوائيه بس بسيط وهو ليس بمخدر ولا يسبب الادمان وامن تماااما...
الاشكال الصيدليه...
اقراص 20 مجم من الماده الفعاله...

نقط تحتوي 40 مجم لكل 1 مللي...

اقماع (لبوس) تحتوي 10 مجم...

هو من الاصناف القليله جدااا اللي بتعالج الكحه علي هيئه اقراص ونقط واقماع لان تقريبا 95 % من ادويه الكحه بتبقي اشربه...

فيه ايضا برونكوفري كبسول للكحه ومفيش منه اشكال صيدليه اخري...
توسيلار اقراص ونقط وشراب(بلاش منه لانه مخدرات ومن ادويه الجدول)...
بيستخدم اساسا لعلاج الكحه الجافه والسعال التقلصي...

موانع الاستعمال...
امن تماااما الا انه قد يسبب النعاس لذا يجب توخي الحذر عند القياده...
بالنسبه للحوامل.؟.
ليس له اي دراسات تظهر اي تاثير ضار اثناء فتره الحمل...
بس عموما لازم الحامل لو هتاخده تخبر طبيبه النسا والتوليد اللي متابعه الحمل معها...
ونحن الصيادله في حالات الكحه للحوامل ومرضي الكبد والكلي والضغط بنريح دماغنا ونلجا الي الادويه الطبيعيه (خلاصه جوافه علي تليو وعسل نحل وعرقسوس) زي.؟.
برونكو-جوافه-جوافه تريكس-جوافلكس-بلسم اطفال وكبار اشربه...

الجرعه...
الرضع حتي سن سنتين.؟.
النقط... 4 نقط بالفم من 1 الي 3 مرات يوميا...
اللبوس... 1\2 لبوسه من 2 الي 3 مرات يوميا...

الاطفال من 2 الي 6 سنوات.؟.
النقط... 6 او 7 نقط بالفم من 1 الي 3 مرات يوميا...
اللبوس... لبوسه كامله من 2 الي 3 مرات يوميا...

اطفال اكبر من 6 سنوات.؟.
النقط... 8-10 نقط بالفم من 1 الي 3 مرات يوميا...
اللبوس... لبوسه كامله 3 مرات يوميا...

اطفال اكبر من 12 سنه.؟.
الاقراص...قرص واحد 3 مرات يوميا...
النقط... 15 نقطه 3 مرات يوميا...
كبر خلاص علي الاقماع...

الكبار.؟.
الاقراص... من 1 الي 2 قرص 3 مرات يوميا...
النقط... لا نفضل اعطائها للبالغين ولكن ان فضلها فتكون جرعتها من 20 - 30 نقطه بالفم 3 مرات يوميا...

اخيرااا... بننصح المريض بالنسبه للنقط انه يضيفها الي عصير فاكهه اولبن او حتي الشاي لمرارتها(الدواء مر.؟.) ومتقلقوش فهي لا تتفاعل مع اي عصير او الشاي...

[nktis]

ديت مشاركه الامس للاسف النت كان تقيل ولم استطع اضافتها.؟.
هنزل لتحت النهارده ونتكلم عن احد اشهر ادويه الجهاز البولي...
رواتينكس كبسول...عباره عن كبسولات زيتيه صفراء علي خضراء عشان فيها زيت الزيتون...

Rowatinex Capsules...
ده من احد اشهر منتجات شركه امون والاكثر مبيعا بجانب اخوه رواكولRowachol cap...بس مش يومه النهارده...الليله ان شاء الله
بيتكون رواتينكس من شويه مواد فعاله ومطهره ومضاده للبكتيريا ومذيبه للحصوات.؟.
Alpha-pinene 24,8 mg...

الفا بينين 24,8 مجم...
Beta-Pinene 6,2 mg...

بيتا بينين 6,2 مجم...
Camphene 15 mg...

كامفين 15 مجم...
Cineol 3 mg...

سينيول 3 مجم...
Fenchone 4 mg...

فنشون 4 مجم...مين ده.؟.
Borneol 10 mg...

بورنيول 10 مجم...
Anethol 4 mg...

انيثول 4 مجم...
Olive Oil Add To 100 mg...
زيت زيتون(كلوا بقي زيتون كتير)حتي 100 مجم...

ازاي بتشتغل هذه التركيبه الفعاله الرائعه من المواد.؟.
بتنشط الدوره الدمويه في الكليتين مما يؤدي الي زياده ادرار البول ., وبذلك يقضي علي ركود البول ., وبتاثيره القاتل للبكتيريا يمنع عدوي الجهاز البولي...
التاثير الاساسي لرواتينكس كبسول انه بيزود الغرويهColloids الحافظه للبول ., وبذلك فانه يمنع تكون حصوات(رميلات) المجاري البوليه...
بالاضافه الي تاثيره المضاد للتقلصات فيمنع المغص الكلوي ويساعد علي طرد الحصوات...

الاستعمال.؟.
* العلاج والوقايه من حصوات المسالك البوليه...
* التهابات المسالك البوليه البكتيريه...
* المغص الكلوي...

موانع الاستعمال.؟.
الدواء امن تماااما ولا توجد له اي اعراض جانبيه كما انه لا يؤثر علي المعده في مرضي اضطرابات المعده وقرحه المعده...

الجرعه.؟.
كجرعه علاجيه في حاله وجود حصوات...
2 كبسوله 3 مرات يومياقبل الاكل بنصف ساعه علي الاقل...
كجرعه علاجيه من التهابات المسالك البوليه البكتيريه...
1 - 2 كبسوله 3 مرات يوميا قبل الاكل بنصف ساعه علي الاقل...
السعر.؟.
8 مجند للعلبه 2 شريط...
يخزن في درجه حراره الغرفه بعيدااا عن متناول ايدي الاطفال...

[nktis]

هنطلع فوق شويه النهارده ونتكلم عن المراره والحصوات المراريه ربنا يعافي مرضانا وجميع مرضي المسلمين...

وهنتكلم كما ذكرنا بالامس عن شقيق رواتينكس كبسول وهو.؟.
Rowachol Capsule...

رواكول كبسول...
وهي عباره عن كبسولات زيتيه بس لونها داخل علي اخضر وايضا تحتوي علي زيت الزيتون وسنعرف سبب اللون الاخضر.؟.
ايضا رواكول من اشهر منتجات شركه امون ويوجد شبه كبير بينه وبين رواتينكس كبسول لانه يحتوي علي.؟.
Alpha-Pinene 13,6 mg...
الفا-بينين 13,6 مجم...
Beta-Pinene 3,4 mg...
بيتا-بينين 3,4 مجم...
Camphene 5 mg...
كامفين 5 مجم...
Ciniol 2 mg...
سينيول 2 مجم...
Borneol 5 mg...
بورنيول 5 مجم...
Olive Oil Add To 100 mg...
زيت زيتون حتي 100 مجم...
(الشكل الكميائي.؟.راجع المشاركه السابقه)...

اذن فيه 6 مواد مشتركه بين رواتينكس ورواكول كبسول...

طيب فين الاختلاف.؟.
ان رواكول بيحتوي مادتين اخريتين غير موجوده في رواتينكس.؟.
Menthol 32 mg...

منثول 32 مجم...
Menthone 6 mg...

منثون 6 مجم...
وهما دول سبب اللون الاخضر للرواكول كبسول...
اليه العمل.؟.
رواكول بيؤدي الي زياده افراز السائل المراري .,. ويمنع تقلصات القنوات المراريه .,. يؤدي الي زياده نشاط الكبد .,. ويمنع ركود السائل المراري...
كما ان رواكول كبسول له تاثير مضاد للالتهابات عن طريق.؟.
زياده تدفق الدم لخلايا الكبد .,. منع تكون البلورات المسببه لحصوات المراره .,. ايضا له تاثير مضاد للبكتيريا ويزيد من افرازات البنكرياس...
دواعي الاستعمال.؟.
*حصوات القنوات المراريه...
*التهابات المراره والقنوات المراريه...
*اضطرابات الكبد المزمنه...
*سوء الهضم وتحديدا الدهون...
*المغص المراري...

موانع الاستعمال.؟.
*الانسداد المراري...
*امراض الكبد الحاده والمتقدمه...
*التهابات المراره الصديديه...
التفاعلات الدوائيه.؟.
يقلل من التاثير المانع للتجلط لماده كيومارين...

Coumarin...
زي وارفارين وماريفان...

الاعراض الجانبيه.؟.
الدواء امن وان كانت هناك بعض الاثار الجانبيه وتزول سريعا...
رواكول لا يؤثر علي اضطرابات المعده...

الجرعه.؟.
من 1 الي 2 كبسوله 3 مرات يوميا قبل الاكل ب1\2 ساعه...

السعر.؟.
نفس سعر رواتينكس كبسول 8 جنيهات للعلبه 2 شريط...
يخزن في مكان بارد وجاف في درجه حراره لا تزيد عن 25 مئويه...ويحفظ بعيدا عن متناول ايدي الاطفال...

[nktis]

النهارده قولون وعصبي كمان...
من اهم الامراض التي تزداد صيفا امراض الجهاز الهضمي من حموضه ومغص ونزلات معويه مصحوبه باسهال...
واليوم وبعد نقص احد اهم ادويه القولون العصبي والمغص وهو ليبراكس اقراص بتاع ابيكو.؟. لا ادري لماذا .؟.
هل نقص خامات ام تغير شكله وزياده سعره.؟.

طيب ناس كتيره بتاخد ليبراكس...
ايه البديل.؟.
ليس له بديل فعلي بنفس مواده الفعاله ولكن هناك مجموعه ادويه تتشابه معه بشكل كبير الا وهي الادويه المحتويه علي ماده Mebeverine HCL...

ميبفرين هيدروكلوريد...
وهي ماده تعمل علي منع التقلصات بالعضلات الملساء في القناه الهضميه وتحديدا القولون ولكون ميبفرين مركب غير مضاد للاسيتايل كولين فليس لها الاثار الجانبيه للاتروبين والمواد الشبيه له من مضادات تقلص اخري...
امثله.؟.
1- كولونا... الاكثر شبها في التاثير.؟. شركه راميدا...

لانه يحتوي علي ميبفرين 100 مجم + سولبيريد 25 مجم...
Sulpiride...

وهي ماده مهدئه وترفع الروح المعنويه وتحسن المزاج بالاضافه الي انها مضاده للقيء لانها تغلق مستقبلات دوبامين د2 Dopamine D2...


2- كولوفيرين بانواعه.؟. شركه كيمي فارم...
كولوفيرين عادي- كولوفيرين د - كولوفيرين ا - كولوفيرين 200 اس ار...
كولوفيرين العادي يحتوي علي 135 مجم ميبفرين...
نفضل ال Coloverin D في حاله المغص المصحوب بزغوله واصوات صادره من الامعاء.؟.

لاحتوائه بجانب الميبفرين بتركيز 135 ...
ماده دايمثيكون 40 مجم وديت ماده طاره للغازات وبتساعد في التخلص من الانتفاخ المصاحب للتقلصات...
Dimethicone...

فيه كولوفيرين ا وباعتبره رقم 2 بعد كولونا كبدايل ليبراكس.؟.

لانه بجانب ال135 مجم ميبفرين معاه ماده.؟.
Chlordiazepoxide...

بتركيز 5 مجم فقط...
وديت ماده مهدئه ولها تاثير نفسي زي سولبيريد وليهم ادويتهم اللي بتحتوي عليهم فقط للامراض النفسيه...ربنا يحفظنا...
واخيرااا كولوفيرين 200 اس ار وده معناه انه ممتد المفعول بمعني ان جرعته بتبقي مره او مرتين يوميا...


3- كولوسبازمين فورت... ابتاع ابيكو وصنف محترم وشغال حلو قووووي...

بيحتوي علي 135 مجم ميبفرين فقط...

4- سبازموتالين بتاع العامريه بس نادر وجوده...
وهو ارخص صنف ب 5,1 جنيه ويحتوي فقط علي ميبفرين 100 مجم فقط...


5- دوسبتالين اقراص...انتاج فاركو لصالح سولفاي...

تحتوي علي 135 مجم ميبفرين فقط...


دواعي الاستعمال.؟.
*اضطرابات وظائف المعده والامعاء من مغص وخلافه...
*القولون العصبي...
*اضطرابات القولون في حالات الدوسنتاريا الاميبيه المزمنه...
*كعلاج مساعد للسيطره علي الظواهر المعديه والمعويه المصاحبه بعض الامراض النفسيه والصداع النصفي...

الاثار الجانبيه.؟.
الدواء امن استخدامه للمسنين الذين يعانون من تضخم البروستاتا او الجلوكوما او امراض القلب...
ليس له ايه اثار جانبيه تذكر .,. الا اذا .؟.
اخذ بجرعات عاليه قد يؤدي الي.؟.
- اضطرابات في النوم...
- اضطرابات الحيض في النساء وزياده في ادرار اللبن...

الجرعه.؟.
قرص واحد من 3 الي 4 مرات يوميا قبل الاكل بحوالي 1\2 ساعه...
اما كولوفيرين اس ار فقرص واحد مرتين يوميا قبل الافطار والعشاء...