طريقه تركيب الفاميه

[aly zafer]

المشاركة الأصلية كتبت بواسطة hyundai2005 بناءا علي طلب الجماهيرالنهارده حكلمكم عن موضوع حلوه وهو تركيب الفاميه اولا بالنسبه لسعر الرول 4 متر تقريبا حوالي من 12 - 15 جنيه للرول وتقريبا بيكفي العربيه كلها اما التركيب فهو سهل جدا 1 - تنظف الزجاج كويس قوي 2- تجيب بخاخه وتحط فيها شويه مياه+ بريل او اي سائل تنظيف 3- ترش الزجاج من الداخل من البخاخه 4- تقص من رول الفاميه علي قد زجاج سيارتك 5- تقشر الفاميه زي اي استيكر عادي خالص 6- تحط الفاميه من الناحيه اللي قشرتها علي الزجاج المبلول من الداخل 7- مع رول الفاميه يوجد باغه بالستيك تفرد بيها الفاميه كويس وتخرج الهواء منه 8- ماتنزلش الزجاج نهائي لمده يوم علي الاقل والنتيجه فاميه زي الفل وبسعر التراب ولما تحب تشيله غرقه من نفس مكونات البخاخه و قطر او ليفه وشيله يا معلم واي خدعه

اه الحلاوة دى ولكن نجيب منين رول الفامية؟

[طارق ابوذيد]

يا اخوانى اعضاء مصر موتورز يجب ان نكون قدوه فى كل شئ يخص السيارات والقياده فى الشوارع والله الموفق .

[hyundai2005]

المشاركة الأصلية كتبت بواسطة aly zafer اه الحلاوة دى ولكن نجيب منين رول الفامية؟

من اي محل اكسسوارات ب12-15جنيه

[hyundai2005]

المشاركة الأصلية كتبت بواسطة طارق ابوذيد يا اخوانى اعضاء مصر موتورز يجب ان نكون قدوه فى كل شئ يخص السيارات والقياده فى الشوارع والله الموفق .

ممكن توضيح مش فاهم قصدك يا شيخنا يا غالي

[طارق ابوذيد]

المشاركة الأصلية كتبت بواسطة hyundai2005 ممكن توضيح مش فاهم قصدك يا شيخنا يا غالي

انا لا اقصد التعليق على الموضوع ولا التفت لكاتب الموضوع كل ما لفت نظرى هو تركيب الفاميه فقلت يجب ان نكون قدوه فى كل شئ بمعنى لا نركب اى ملصقات و نلتزم بقواعد المرور فى الشارع ولتكن حمله توعيه يصدرها موقع مصر موتورز هذا ما قصده والله ولى التوفيق