اول خطاب لمبارك بعد التنحى ( على قناة العربيه)

[attef1]

سبحان الله
الناس عايزه اعدام بالاهواء كده من غير محاكمات ولا اى حاجه
هو المفروض كمان الواحد ميدافعش عن نفسه هو المفروض يسجد وهو بيتكلم
دا كان فى ايديه يخرج بنفس الطياره اللى ودته شرم لاى مكان تانى فى العالم
الا انه ادى درس فى الوطنيه للحكام والشعوب العربيه وحفظ كرامة البلد ادام العالم
ومع ذلك فيه "غل" غريب جدا يعنى بالمنطق راجل كبييييير فى السن ومريض ومطرود من الحكم ايه اللى يقعده فى مصر المخروبة ؟؟؟؟؟؟؟؟
لاهو هايرجع للحكم ولا ينفع وبمحاكمته مش هايرجع اللى راح
عجبت لك يا زمن

[MIDO-SPICY]

المشاركة الأصلية كتبت بواسطة attef1 هو المفروض يسجد وهو بيتكلم دا كان فى ايديه يخرج بنفس الطياره اللى ودته شرم لاى مكان تانى فى العالم الا انه ادى درس فى الوطنيه للحكام والشعوب العربيه وحفظ كرامة البلد ادام العالم ومع ذلك فيه "غل" غريب جدا يعنى بالمنطق راجل كبييييير فى السن ومريض ومطرود من الحكم ايه اللى يقعده فى مصر المخروبة ؟؟؟؟؟؟؟؟ لاهو هايرجع للحكم ولا ينفع وبمحاكمته مش هايرجع اللى راح عجبت لك يا زمن

http://www.masrmotors.com/vb/showthread.php?t=47175
http://www.masrmotors.com/vb/showthread.php?t=48189
http://www.masrmotors.com/vb/showthread.php?t=48748
http://www.masrmotors.com/vb/showthread.php?t=47729
http://www.masrmotors.com/vb/showthread.php?t=48908
http://www.masrmotors.com/vb/showthread.php?t=50087

!!!No CoMMeNt

[attef1]

يا اخ ميدو هو لو رئيسنا السابق هرب على بلد تانى مما يدل على انه خسيس وجبان
يبقى الشعب اللى فضل هو حاكمه 30 سنه شكله ايه ؟؟!!!!

[مهند سالم]

خطاب في قمة الاستفزاز.
ومين قال إن المشكلة بس مشكلة فلوس (الفلوس إلا خدوا كل الوقت الكافي للتعتيم عليها).
المشكلة الأكبر في القتل والتعذيب.
والقمع والتزوير وإفساد الحياة السياسية.
وترك ثروات البلد نهبا للأفاقين والمفسدين واليهود.
وغيره وغيره. يا ريتها تيجي بس على الفلوس.
وعموما منو لله حسبنا الله ونعم الوكيل. لينا آخرة هنتقابل فيها يا ...................

[MIDO-SPICY]

المشاركة الأصلية كتبت بواسطة attef1 يا اخ ميدو هو لو رئيسنا السابق هرب على بلد تانى مما يدل على انه خسيس وجبان يبقى الشعب اللى فضل هو حاكمه 30 سنه شكله ايه ؟؟!!!!

استاذى العزيز عاطف
احييك على خوفك على شكلنا ادام العالم لو كان رئيسنا او (اللى كنا بنسمية رئيسنا) هرب
ولكن !!!!!

حضرتك ماخدتش بالك من شكلنا خلال 30 سنه كان عامل ازاى ؟؟؟؟؟؟؟؟

• لما كنا بنتهان جوه وبره بلدنا ( وجوه اكتر اهانه على فكره ) على مرئى ومسمع من العالم كله وكان الغريب فى بلدنا بياخد حقه وكان صاحب البلد مش احنا..
• لما العالم كله كان بيوصله تقارير من منظمه حقوق الانسان المصريه باللى بيحصل فى السجون والمعتقلات وامن الدوله من انتهاك لحقوق الانسان بطريقه فاقت التوقعات
• لما كان العالم كله كل يوم بيسمع عن قضايا الفساد السياسى والمالى والادارى داخل البلد
• لما العالم كله عرف ان مصر باعت نيلها مقابل حفنه من الدولارات
• لما العالم كله كان بيشوف ان اسعار معظم السلع الاساسية والضروريه فى حياتنا بينزل فى العالم كله ومصر الوحيده هى اللى كانت بترفرع اسعارها

لما العالم كله شاف رئيس مصر وهو بيبيع توشكى للوليد بن طلال وصحارينا فى التجمعات وطرق مصر اسكندريه وغيرها لوزرائه واقاربهم وسينا لمنير ثابت اللى اسيل علشان ترجع انهار من الدم المصرى

• لما العالم كله يشوف ويسمع عن نزول مؤشرات ترتيب الجامعات ومراكز البحث العلمى بين العالم كله
• لما العالم كله يشوف ويسمع عن بلاد ماكنش ليها اى تاريخ بقت من القوى العظمى فى العالم ومصر انحسر دورها فى انها مش عارفه تسد على مشاكلها الداخليه
• لما العالم كله يقتنع تمام الاقتناع بان مصر هى مقبره النفايات ومش لازم المشعه ولكن تصدير المبيدات المسرطنه والخضروات الفاسده ومياه الصرف الصحى اللى دخلت على مياه الشرب مش دى برضه تعتبر مشعه
• لما العالم كان بيستفيد من الفكر المصرى والمصريين فى تطوير بلدهم ودلوقتى بقى المصرى هو اقل ثمن بالسوق العالمى
• لما العالم كله يبقى عارف ان حكامنا هما سبب الفتنه الطائفيه فى مصر مش اى بلد تانى واحنا اخر من يعلم
• لما العالم كله يبقى عارف اننا بناكل فى بعض كل يوم وبنقتل بعض بسبب 10 و 20 جنيه ورئيسنا كل يوم بيدخله فى بنوكهم ملايين الدولارات
• لما شويه شباب خارجين فى مظاهره سلميه رافعين شعار سلمية سلميه كان كل هدفها ولا خلع الرئيس ولا غيره .. كل اللى كانوا عايزينه حل مجلس الشعب اللى ريحه فساده عبئت العالم كله وحل الحكومه الحالية اللى امتصت دم الغلابه يقوموا خارجين عليهم بالمصفحات تدهسهم وترش عليهم ميه وهما بيصلوا ( لو كافر هيخاف يعملها ) وقنابل مسيله للدموع منتهيه الصلاحيه ورصاص حى ومطاطى منها اللى استقر فى مخ واحد واللى فى عين واحد وضيعت وحسرت بيوت كتييييييييييييييير قوى من بيوت اهالينا. وبعد كده يخرجولنا الجمال وغيره

وغيرها وغيرها وغيرها وغيرها

ولو قعدت اقولك على اللى حصل خلال 30 سنه وشكلنا كان عامل ازاى انا هحتاج 30 سنه كمان احكيلك
فى النهايه لو عايز تعرف شكلنا بقى ازاى بعد الثوره .. تابع الموضوع دا
http://www.masrmotors.com/vb/showthread.php?t=48754

تحياتى لحضرتك