#46
|
|||
|
|||
رد: لو سمحت ؟؟؟؟ إركن فى مكان تانى
احنا بقى ياجماعه عندنا وضع تانى المنطقة رايقة واماكن الركن موجوده فى اى وقت والله بدون مبالغة لو عاوز تركن 6 تريلات فى اى وقت مفيش مشكله ......................... .. بس استنوا عليه ..فين المشكله المشكله ان ده ينطبق على الحى بتاعنا كله ... كله .. ماعدا قدام عمارتنا تقولش مطار القاهرة!! وعلى بعد 50 متر فقط الاماكن فاضيه صحراوووووى .هاتقوللى بتوزعوا لحمه ببلاش اقوللك لاااء تقولى بتعينوا فى الحكومه اقوللك برضو لاااء . طب دى فزورة ؟؟ لاء ولافزورة ولا حاجه كل الموضوع اننا قدمنا مخزن كبير لبضائع مستوردة وصاحبه جايب 3 امن 24 ساعه والمكان مضمون للسيارات ان محدش يقربلها وبتجلينا من الشوارع المجاورة عربيات عاليه اللى صاحبها يخاف عليها .. احنا بنعانى بس الحمد لله الناس متفاهمه ومتوصلش لحد المشاكل واحنا بنقدر خوف الناس على حاجتها وربنا يسلم الجميع ..
|
#47
|
|||
|
|||
رد: لو سمحت ؟؟؟؟ إركن فى مكان تانى
اولا الناس اللي بتقول ان الجراج اامن وتحافظ علي عربيتك فيه
اسمع يا سيدي اسمع حكايتي انا بركن في جراج علطول لما كان معايا اول عربية 128 وكنت لازم اسيب المفتاح في يوم جيت اطلع بالعربية لقيت النور العالي قايد قلت يمكن نسيته ويم تاني لقيت الكاسيت شغال علي محطة غير القران الكريم قلت عادي يمكن غيرت المحطة رغم ان دا مش بيحصل ابدا وجيت في يوم كمان ادور العربية مش تدور وروحت للكهربائي وشحنتها بعد ما قاللي انها فضت الشحن بتاعها وانا بساله فضته ازاي انا دايما بشيك ع العربية قبل ما امشي قاللي تلاقيك نسيت حاجة مش مطفية قلت يمكن لحد ما في يوم روحت اركب عربيتي في معاد مش متعود اروح الجراج فيه لقيت السايس جاي يجري وبيسبقني قال ايه بيفتح العربية ليا رغم اني مش متعود منه علي كدا اتاريه بيحط الولاعة اللي كان ناسيها في جيبه قبل ما اخد باللي من هنا لهنا عرفت انه بييشحن موبايله في العربية وبيولع سجاير كمان يبقي عشان واحد يدلع نفسه يخليني الف حوالين نفسي ويوميها عملت فيلم صغير كدا وعدي وخلاص عشان هو كان بيشحن الموبايل من غير ما يدور العربية ودا طبعا بيخلص شحن البطارية نصيحة لا تترك المفتاح مع سايس او اي حد تاني عشان فيه موقف تاني اصعب من دا هحكيلكم عليه بعدين |
#48
|
|||
|
|||
رد: لو سمحت ؟؟؟؟ إركن فى مكان تانى
عن نفسى بيحصلى كل يوم نفس المشكلة وعكنن عليا بقه جيت فى يوم لاقيت واحد زارع حديد فى الارض باقفال وحاجز مكانه غصب عن الجميع والاغرب انه مفيش ولا واحد من عندهم نفس مشكلتى فكر يقوله انت بتعمل ايه والاغرب والاغرب بقه انه بيغييب باليومين والثلاثة بره البيت يعنى ولا منه ولا كفاية شره .
وعجبى |
#49
|
||||
|
||||
رد: لو سمحت ؟؟؟؟ إركن فى مكان تانى
الحل السحرى للمشكلة دى و الفى معظم الاحيان بتبعه ... لو حد قالك اركن فى مكان تانى قوله 5 دقايق و نازل تانى انا بس نسيت موبايلى و طالع اجيبه ... او انا بس جى زيارة سريعة 10 دقايق و نازل و عيش حياتك و فى موضوع انك تسيب المفتاح انا عمرى ما عملتاها بس لو حصل هحزر السايس ان لو العربية اتلمست او لقيت حاجة متغير مكانها هنفوخه بكومبريسور كهربا و بعدها هخرمه عشان يفرقع و مظنش بصراحة انى ممكن اسيب المفتاح لحد عشان ممكن اتهور لو حصل حاجة للعربية
__________________
عاشت مصر حرة مستقلة رغم انف المتأمرين و الحاقدين |
#50
|
||
رد: لو سمحت ؟؟؟؟ إركن فى مكان تانى
إنما ما يفعلة السايس حدث ولا حرج أنا تحت فى العمارة اللى انا فيها جراج كل يوم والثانى مشاحنات بين اصحاب العربيات والعيال اللى ماسكة الجراج بسبب الحاجات اللى حصلت لحضرتك دة انا احيانا أكون واقف فى الشباك علشان يطلعو عربية او يدخلو عربية تحس إنة بتشوف فيلم امريكانى ربنا يصبرك
المهم إنهم مش فاهمين اللى بيعملو فية كدة دة شاااااااااارع يعمنى ملك لكل مواظن سواء من المنطقة أو من برة المنطقة والله الناس أصبح ليهم تصنيفات غريبة يعنى الميكانيكية اللى عندنا لو شافو عربية غريبة ركنت لمدة يومين مثلا يبدء بقى شغل مباحث واحيانا يحطو عربية بالعرض امام العربية ولما المسكين صاحب العربية يكون عايز يخرج يلف حوالين نفسة علشان يعرف مين صاحب العربية وكل ذنبة إنة من خارج المنطقة تحس إنة جاى من بلد أخرى
__________________
بسم الله الرحمن الرحيم سؤال على بال كل شاب أو رجل يُريد أن يتزوج كيف اختار الزوجة التي ستظل معي طوال العمر اوووووووعة تفكر كتير شاهد هذة الحلقة وبأذن الله تأخذ القرار الأخير وذلك مع فضيلة الشيخ أبي إسحاق الحوينى الحلقة بجد راااااااائعة والله طبعا الحلقة (مرئية) وبمساحة خيالية |
|
|