|
منتدى سبير كار - فرش واكسسوارات السيارات قسم (تجارى) خاص بمنتجات سبير كار من فرش واكسسوارات السيارات |
|
أدوات الموضوع |
#1
|
|||
|
|||
تجربتي السيئه مع سبير كار
السلام عليكم..
انا حبيت اركب فاميه عازل حراري فروحت للاسف عند مول سبير كار اللي في التجمع الخامس و لاقيت عندهم نوعين فأخترت النوع الامريكي و دفعت لهم 475 جنيه للاربع ابواب و الزجاج الخلفي و لكن الفني اللي هناك_اعذروني في كلامي_ما بيفهمش حاجه نهااااائي في تركيب الفاميه و بعد ما خلص تركيبه لاقيت الفاميه مجمع تحته بقع مايه كتير جدا قولت له عليها راح قالي سيب العربيه في الشمس و هي هتروح لوحدها و فعلا سيبتها في الشمس يومين و درجة حرارة الجو 40 و لكن فضلت البقع زي ما هي بالعكس زادت فروحت لهم تاني قعد يحاول معاها ما عرفش راح قعد يقطع فيه و يفك حتت منه و يركب حتت جديده مكانها و للاسف برضوا بعد ما سيبت الفاميه ينشف لاقيته اتشوه اكتر و بقي كله مليان خرابيش و بقع كبيره و شوه منظر العربيه و النهارده كمان بدأ يفك من مكانه وان شاء الله ناوي اروح لهم لتالت مره اول ما ارجع من السفر بس انا حبيت انقل لكم تجربتي السيئه دي معاهم علشان لو حد بيفكر يركب عندهم فاميه يشوف له محل تاني احسن أو علي الاقل ما يدفعش لهم الفلوس الا لما يتأكد ان الفاميه متركب كويس جدا و ربنا يعوض عليا. |
#2
|
||||
|
||||
رد: تجربتي السيئه مع سبير كار
المفروض من تانى مرة كنت اتكلمت مع الادارة مباشرة مش تكلم نفس الصنايعيى تانى لان انت عارف الصنايعية كتير منهم عمرة ما هيطلع نفسه غلطان .. روح المرة الجاية واطلب تقابل حد من الادارة او خلى اى حد من هناك يتصل بينا على رقم مصر موتورز 01009943300 والموضوع هيتحل بمنتهى البساطة بإذن الله
|
#3
|
|||
|
|||
رد: تجربتي السيئه مع سبير كار
ان لما روحت لهم تانى مره كلمت الناس الواقفين فى المحل و هما اللى قالوا لى روح للصنايعى علشان ده شغله و هو اللى مفروض بيفهم فيه فعلشان كده روحت له و للأسف انى سافرت فى نفس اليوم بعد ما مشيت من عندهم علطول علشان ظروف شغلى بس ان شاء الله اول ما ارجع القاهرة هطلب اقابل حد من الاداره فعلا بس انا مش عامل الموضوع ده علشانى انا هعرف اتصرف ان شاء الله انا عملته بس علشان اى حد بيفكر يركب فاميه هناك يبقى واخد باله من الاول فما يدخلش فى كل الحوارات دى
|
#4
|
||||
|
||||
رد: تجربتي السيئه مع سبير كار
عامة خير ان شاء وفى انتظار حضرتك تروح تانى وتتحل اى المشكلة وتط
__________________
جميع موضوعاتى حصرية لمنتدى مصر موتورز ولا اسمح بنقلها
|
#5
|
||||
|
||||
رد: تجربتي السيئه مع سبير كار
من فضللك كلم الرقم ده 01227933336 أ/ امير او احمد سعيد
__________________
الفروع مول سبير كار التجمع الخامس ش التسعين مركز المدينة الاول بجوار شركة ناتا 0127933332 وسط البلد 26 ش الشيخ ريحان امام مبنى وزارة الداخلية وسط البلد 27933331 27933332 27933334 فرع مدينة نصر 16 أ امتداد رمسيس 24023074 24028467 فرع المبتديان 8 ش جريدة السياسة السيدة زينب (المصنع) 23654315 23680153 موقع الشركة
|
|
|