#16
|
||||
|
||||
رد: ايهما افضل رينو كليو ام ستروين اكسارا؟
ربنا يعينك فى التدوير ....
انا فضلت اسبوعين بفكر و ادور و خليت كل ازمايلى فى الشغل يفكروا معايا .. و فى الاخر استقريت غلى اللانسر او الياريس ... الكلام ده كان 2008 حضرتك لو فتحت فى التفكير ... حتتعب اوى ياريت حضرتك تحاول تحدد بحثك شوية ... و اكتر حاجة تحجم البحث .. الفلوس حضرتك حتشترى عربية بكام ؟؟؟ جديد و لا مستعمل ؟؟ كاش و لا قسط ؟؟ و اعرف حضرتك ... ان كل حاجة على قد فلوسها ... حتجيب عربية المانى ... فلوسها على اد ادائها ... حتجيب صينى ... نفس الموضوع و على ذكر الالمانى ... دخل معاك فى الحسبان ... المرسيدس اى 200 ... لو بتفكر فى المستعمل و طالما ممكن تفكر فى عربيات مش منتشرة اوى .... بص على الفولفو 240 القديمة و كنت حقترح عليك الكابريس الكلاسيك ... بس دى 8 سلندر الهوندا سيفيك ... عربية محترمة على اختلاف موديلاتها التويوتا كورولا لغاية 2007 ... و ممكن الموديلات الجديدة .. بس غالية شوية
__________________
|
#17
|
|||
|
|||
رد: ايهما افضل رينو كليو ام ستروين اكسارا؟
ربنا يبارك فيك يا استاذ احمد انا رينج الفلوس مش هايزيد عن 45 الف بأى حال من الاحوال ده فى حالة مستعمل او ممكن ادفعهم مقدم فى جديد بس مفكرتش ممكن اجيب ايه ومش عايز اتعامل مع بنوك الخيار الاخير اجيب كسر زيرو بالقسط يعنى ادفع ال 45 واقسط مبلغ صغير مايزدش عن 15 او 20 الف جنيه بالكتير قوى وبرضه يكون تقسيط مباشر من غير بنك وطبعا الخيارات فى الحاله الاخيره دى هاتبقى افضل بكتير لانى هادور فى فئة 65 الف مستعمل وومكن الاقى حاجات كتير جدا من اللى نفسى فيهم زى الميجان 2 والافيو 2009 او هوندا سيتى او فيرنا وشيفروليه لانوس كسر الزيرو و لانسر بداية الالفينات او جين 2 او لوجان كسر الزيرو او ريو موديل عالى شوفت بقى ادينى حجمت اختياراتى على الاخر اهو
__________________
على عبد الفتاح
أبو أحمد |
#18
|
||||
|
||||
رد: ايهما افضل رينو كليو ام ستروين اكسارا؟
تيجى حضرتك تحاول تستبعد عربيات تانية من التصفية الى فاتت دى .... ده رأيى الشخصى المتواضع ( القابل للخطأ ) اؤيد كلام حضرتك .... كلما استطعت تبعد عن البنوك يكون افضل ... بلاش قسط استبعد الافيو ... و ممكن تستبعد الفيرنا .. اللانسر بداية الالفينات ( المكوة ) فيه ناس شكت كتير من الميجان قبل 2005 و بداية من 2006 تلافوا المشاكل الى كانت فى الموديلات السابقة
__________________
|
#19
|
|||
|
|||
رد: ايهما افضل رينو كليو ام ستروين اكسارا؟
طبعاً شايف إن الموضوع بعد عن الكليو والسيتروين
بس رأيي الشخصي عن الكليو بما إنها معايا بقالها 6 سنين تقريباً ولما جيت أبيعها واتفقت علي كل حاجه رجعت في كلامي مميزات الكليو سياره إقتصاديه بمعني الكلمه قطع غيارها متوافره بشكل كبير جداً وفأكتر من مكان ولو انت من القاهره يبقي الموضوع سهل جداً عندك شارع دمشق و التوفيقيه و الحرفيين غير التوكيل غير المحلات الثقه في التعامل زي المركز التجاري في شارع السودان عند عمارات العرايس والميكانيكيه اللي بيفهموا في الرينو في الفتره الحاليه كتير برضه وأغلبهم كانوا شغالين في التوكيل وعملوا ورش لنفسهم وبيفهموا فيها كويس جداً دول أهم نقطتين بالنسبه للشنطه كبيره جداً وده أثر بالسلب علي الكراسي الخلفيه العيوب ضيق الكرسي الخلفي التكييف في الزحمه تأثيره ضعيف (علي الطريق السريع جيد جداً) السياره مش بتاعة حرق وجري ( ده بالنسبه للموتور ال 1200 ) بما إن حضرتك طولك 190 سم فأعتقد صعب إنها صعب تظبط معاك ( بس الغريب إن معاك سيتروين أضيق منها ومناسبه ليك ؟؟؟؟؟؟ ) رأيي الأخير لو السياره عجباك سوقها أكتر من مره وجرب لو عجبتك يبقي تختار حاله كويسه الكليو مظلومه لإن الناس بتقارنها بفئات أعلي هي سياره إقتصاديه من الدرجه الأولي إستهلاك بنزين إستهلاك قطع غيار ( كل لما قدرت تركب قطع أصليه كل ما إشتريت نفسك أكتر )
__________________
الفلول شغالين كويس جداً اليومين دول يارب إرحم البلد ديه من أشكالهم |
#20
|
||||
|
||||
رد: ايهما افضل رينو كليو ام ستروين اكسارا؟
لو لسه بتقارن بين الكليو والاكسارا فأنا أرجحلك الاكسارا، وبالنسبة للشكل العربية مش قبيحة وشكلها مقبول، في مقابل أداء هاااااااايل فعلا أنا معايا رينو صحيح هيا مش كليو بس أقدر أقوك الاكسارا أحسن، انا جربت الكليو كتير وطبعا هيا ممتازة لكن موتورها أداءه مش ممتاز غير إن واضح إنك مهتم بحجم صالون العربية، صدقني الاكسارا أنسب حاجة بالمبلغ اللي بتقول عليه، موتور ممتاز صالون مساحته جيدة، دا غير إنك واخد على السيتروين فمشاكل الأوروبي مش هتقابلك زي باقي الناس، أنا معايا زميل في الشغل برضه كان معاه ax وغير باكسارا 1 ماشاء الله رائعة، وطبعا الحالة هيا اللي بتحدد العربية.
__________________
مع تحياتي المــــــفــــــــكــــــ ر اللهم أرنا الحق حقا وارزقنا اتباعه
وأرنا الباطل باطلا ووفقنا لاجتنابه |
|
|