أفضل وأسوء محلات وتجار قطع غيار الرينو

[meron_mero]

فكرة جميلة جدا يا ريت الناس تجتهد و تعملها في عربيات تانية كمان

[nemo2000x]

من الاسكندرية

عن تجربة في محل أسمة لي لي و سيف في صلاح الدين أمين و رخيص
محل الوشاحي في محطة الرمل عندة الاصلي و ألي مش أصلي بس حاجتة ألي مش أصلي أغلي من أي حد تاني.
محل القاضي نااااااااااااااااااااار و مش أصلي

بالنسبة للميكانيكية ألي عندهم قطع الغيار الجديد و المستعمل زي سامح الهواري و حمدي ألي في الحرفيين دول زي ما بنقول طالع واكل نازل واكل يعني يغلي في قطع الغيار و ممكن يقلل في المصنعية بس مش أوي بحيث تقول ياة دا عمل معايا واجب و في الحقيقة أنك واكل علي قفاك (أسف علي التعبير دة)

و في كل الاحوال لو حتصلح عند أي حد هات قطع الغيار بأيدك من المحل ألي يعجبك و ركب عند الميكانيكي و متخلهوش يجبلك أي قطعة غيار

للأمانة الكلام دة كلة بالتجربة مع جميع المحلات و الميكانيكية المذكورين أعلاة

[mohamed6069]

المشاركة الأصلية كتبت بواسطة heshamfawzi يا جماعة احب اضيف للقايمة - مرزوق رينو في شارع السودان بعد كوبري عرابي ب200 متر وانتا جي من ناحية الكيت كات- ناس محترمين واسعارهم كويسة جدا والصيانة عند طارق ومعتز في الهرم ورا فندق الاهرامات التلاتة - اساسا هما كانوا شغلاين في التوكيل وشغلهم كويس جدا وبصراحة حافظين العربية وكتير بلاقي قطع الغيار اللي انا عايزها عندهم وده للافادة فقط

السلام عليكم يا جماعة انا محتاج ميكانيكي يصلحلي اسطوانة وديسك داتشيا نوفا وهو موتور الرينو والعربية في الهرم، هل ممكن تدلوني علي عنوان بالتفصيل لورشة متخصصة قريبة من الهرم.

[محمود الشربيني]

السادة المحترمين اعضاء مصر موتورز والسادة القائمين على احلى موقع سيارات في مصر انا باتابع الموقع من سنوات ولكنى عضو مسجل جديد ومبسوط جدا اني اصبحت عضوا فى الموقع الجميل ده
واحب اشكر كل من ساهم في معلومة افادت الآخرين

[Tamer Renault]

المشاركة الأصلية كتبت بواسطة hakam اخواني الاعزاء ملاك وعشاق الرينو لقد قررت من خلال تجاربي الشخصية ان اقوم بعمل قائمة سوداء للتجار اصحاب الزمم الخربانة ( الحرامية ) عشان نقاطعهم قدر المستطاع ونجبرهم على تخفيض هامش ربحهم الخيالي وكذلك عمل قائمة شرف لكل التجار الذين يقدمون اسعار تنافسية ومنخفظة ( تشجيعا للعبة الحلوة ) اولا القائمة السوداء للمحلات والتجارالجشعين والحرامية. 1- ميشيل حليم ( رينو هوم ) بتاع شارع الترعة البولاقية - شبرا ( ودا من غير مبالغة هو اللي كره الناس في الرينو نتيجة انه بيبيع باسعار غالية جداااااااااااا وبيبيع الصيني على انه فرنساوي يعيني جشع ونصب في نفس الوقت ) 2- ادوار فريد بتاع شارع رمسيس اللي عند نزلة معروف كوبري 6 اكتوبر( اسعارة مبالغ فيها ولو واحد زيه سيطر على السوق هيعذب ملاك الرينو ويبهدلهم) 3- محل اسمه رينو منصور في 150 الترعة البولاقية - شبرا بيروح يجيب شغلة من التوفيقية ويبيع بهامش ربح اكتر من 200%(وخصوصا عنده واحد اسمه عصام انتهازي جدااااااااا) 4- اسحاق اسكندر في شارع البورصة في سوق التوفيقية في وسط البلد عايز يبيع جوان غطا التاكيهات الصيني ابو 7 جنية بـ 30 جنية ( ودا راجل كبير وعفى عليه الزمن وفاكر نافسة في ايام السبعينات لما كان هو ومشيل حليم وادوار فريد بس اللي في السوق وبيبيع الحاجة باربع اضعاف سعرها ويمكن اكتر زي الحرامي اللي اسمه ميشيل حليم) 5- رينو المهندسين في شارع وادي النيل في المهندسين بعد النفق مباشرة ( نفس حشو العصايا الفتيس في التوفيقية بـ 35 وعنده بـ65 ) 6- محل ماضي في 7شارع زكي في منطقة التوفيقية - اسمه ماهر عياد ( بيروح يجيب قطعة الغيار من عند غيرة ( ويكذب ويقول هجيبها من المخزن) ويبعهالك اغلى بكتير ولو القطعه فيها حاجة وحبيت ترجعها يقولك اصل انا جايبها من برة ومش هعرف ارجعها 7- محل توشكى فرانس بردو بتاع ماهر عياد اللي في رقم 6 بجوار جريدة الجمهورية 8- الصاوي في الوكالة لازم تفاصل معاه في اكتر من نصف الثمن. اما التجار اللي انا اتعاملت معاهم ولمست فيهم الامانة وهامش ربحهم مقبول هم كالتالي: 1- مدحت ومحسن وديع - رقم 1 في الاسعار والمعاملة المحترمة - سنتر ابو غالي التوفيقية 2- نعيم زاخر ورضا اسعارهم مقبولة ومحترمين - سنتر ابو غالي في التوفيقية 3- جمال البدري - احسن من غيره واسعارة معقولة بس لو انت مش عارف القطعة كويس ممكن تروح وتيجي اكتر من مرة لانه بيجرب وبيجتهد احيانا 4- محل اسمه رينو عين شمس امام احمد عصمت بالنسبة للقطاعي تعتبر اسعارهم كويسة 5- محل سان جورج ودا في شارع عين شمس بعد النفق قريب جدا من رينو عين شمس وبردوا بالنسبة للقطاعي اسعارهم معقولة. واي جديد هبلغكم بيه وياريت كلنا نكون ايد واحدة في مواجهة الجشع والطمع اللي كره ناس كتير في الجميلة رينو اخوكم / محاسب قانوني / احمد عبدالحكم للتواصل 01118900473

أنا أسمى تامر و جبت رينو جديد و جربت بعض المحلات الى انت قولت عليها
وحبيت اروح عند ميشيل حليم وجدت عنده كل حاجة و بصراحة الراجل مضحكش على قالى عنده الغالى و الرخيص و طلع لى من سلك الدبرياج 5 انواع من ارخص حاجة الى الأصيل أغلى حاجة ... و الى كل الأنواع موجوده و انا الى أختارت نوع كويس بس مش اغلى واحد ....هو رشح لى نوع كويس ارجنتينى ... و فعلا كويس ده غير انهم فعلا فاهمين و مش بيرجوعنى على اى حاجة .. دول ناس شغالة بقالهم اكتر من 35
سنة ... أنا جربت جمال البدرى هو الحاجة عندة رخيصة بس للاسف اغلبها صينى ... و انا مش بحب أتعطل بالعربية كل شوية ...