#1
|
|||
|
|||
كيف تختبر سيارة مستعملة؟
كيف تختبر سيار ة مستعملة وما هى الاشياء التى يجب مراعاتها عند شراء سيارة مستعملة ؟ وهل هناك امور لا يجب التغاضى عنها وامور اخرى مكن التغاضى عنها ؟
انتظر الرد من السادة اهل الخبرة |
#2
|
رد: كيف تختبر سيارة مستعملة؟
اهم حاجه في شراء السياره المستعمله اساسيات السياره
بمعني حوض الموتور يكون بويه فابريكه كذلك الشنطه و القوايم و جميع الاساسيات و يكون الفروق بين الابواب متساويه و صاج العربيه ماشي منسجم مع بعضه و البويه الخارجيه تكون مش مموجه و كلها حته واحده. تاني حاجه تبص عليها منظر الصالون و يا تري متبهدل ولا لاء لان صالون العربيه بيعكس مدي نظافه صاحبها و هو مهمل في العربيه عموما او لاء و لو لقيت الصالون زي فرش الابواب و التابلوه و الكراسي متبهدله و متكسره ما تشتريش العربيه دي حتي لو اساسيتها سليمه لان الحاجات دي بتتكلف كتير علشان ترجعها لوضعها. بعد كده تبدأ تشوف الموتور بتاع العربيه يا تري صوته حلو ولا لاء و فيه صوت ترزيع او صوت تخبيط او صوت خشونه و يا تري لون العادم ابيض ولا اسود و فيه نفخ طالع من الفايظ ولا لاء. و بعدين تشوف نقلات الفتيس كلها بتيجي بسهوله ام لاء و يا تري فيه نقله مش بتيجي او الفتيس بينطر منها و تمشي بالعربيه تسمع صوت لو فيه ونه او لاء و يا تري فيه اصوات تخبيط و شخشخه ولا لاء؟؟ و اخيرا تبص علي حاله الكاوتش النقشه باينه ولا محتاجه كاوتش ولا ايه حالته بالضبط يا تري كل فردتين قدام بعض نفس النوع و النقشه ولا لاء و هكذا. ممكن تنزل من سعر العربيه في حاله لقيت عيوب من رقم اتنين و انت نازل. اما لو اساسيات العربيه مش مضبوطه و ملعوب فيها يبقي ابعد عن العربيه دي خالص
__________________
حـازم خـضـر
|
#3
|
رد: كيف تختبر سيارة مستعملة؟
كلام حازم كله سـليم ! أضف عليه حاجتين :
1- لا تعمل كل هذه الفحوصات ليلا أو ساعة مغربيه أو داخل جراج ! لكن يستحسن فى ضوء النهار و فى الهواء الطلق ! 2- يستحسن أن تشترى السياره من صاحبها الآصلى وابعد عن التوكيلات و الحظر و خلافه ! Dr. Bolbolan
__________________
ليت الشباب يعود يوما فأخبره بما فعل المشيب بى ! ptmnlo123per1127 |
#4
|
رد: كيف تختبر سيارة مستعملة؟
بالضبط كده كلام الدكتور عبد السلام ميه ميه
ابعد عن شراء اي عربيه وقت الليل لان الليل ستار زي ما انت عارف و بلاش التوكيلات و العربيات اللي بيبقي فيها عك
__________________
حـازم خـضـر
|
|
|