#1
|
||||
|
||||
تجربتي و تقيمي للكرولا MMT
اول ما وصلت مصر طلبت من مكتب التاجير اللي بتعامل معاة انو يبعتلي عربية زي كل سنة و بالفعل تاني يوم لقيتهم باعتينلي تويوتا كرولا موديل 2008 المزودة بعلبة التروس ال MMT الفئة الاولي. في الاول كنت خايف و مقلق من العربية خصوصا بعد الكلام الكتير اللي سمعتة عن العربية و في اول محاولة لقيادة العربية ايقنت انها مش عادية و محتاجة اسلوب مختلف في السواقة و ده الراي اللي كونته من خلال تجربتي للعربية في غضون 3 اسابيع داخل القاهرة و علي طرق السفر.
اولا: العربية ليست اوتوماتيك و هي لا تمت للاوتوماتيك بصلة. العربية مش يتمشي لوحدها اول متجيب الغيار زي الاوتوماتيك لما تجيب علي ال D كمان بتريح علي المطالع و المنازل و بتكرك في الطلوع كانك سايق مانيوال و مش مظبت رجلك علي الدبرياج و ده كان غير مريح ليا بالمرة لكن مع الوقت اتعودت. ثانيا: داخل المدينة العربية مريحة و رشيقة و سهلة القيادة و علوها عن الاض مناسب لكن موضوع الغيارات ده بياخد من تركيز الواحد كتير خصوصا في الزحمة عشان كدة اكتر من مرة اقلبها مانيوال و اتحكم انا في الغيارات. برضه و بسبب النقلات العربية سحبها ضعيف خصوصا علي وضعية ال E لان العربية بتبقي تقيلة جدا في الطلعة و الوضع بيكون احسن علي ال Es لكن التحكم بالمانيوال هو احسن حاجة و اهم ميزة فيه ان العربية بتنزل بالنقلات لوحدها عند تخفيض السرعة و بالتالي الواحد بيركز في التسارع بس و ده شيئ لطيف. و بالنسبة للموضوع ده فيه عيب رخم الا و هو ان دواسات النقل اللي ورا الدريكسيون بتلف معاه و علي الملفات مبتعرفش توصلهم و في اكتر من مرة ادوس علي ال - بدل ال + لذلك علي الملفات لازم تستخدم عصا النقل نفسها تجنبا للغلط.. ثالثا: علي طريق السفر موضوع النقلات ده شبه بيختفي و القيادة علي المانيوال ممتعة جدا و بتقدر تستغل قوة المتور كويس و الوصول الي السرعات بشكل اسرع. بالنسبة للثبات العربية بشكل عام ثباتها جيد لكنه مش رائع و احسن حاجة ان نظام التعليق بيتعامل مع الطريق بشكل كويس و ده يرجع الي نعوميتة عشان كده لبس المطبات و الحفر الشعور بيهم بيبقي مخفف. و بسبب النعومية ده بعد ال 160 ابتديت اقلق من العربية و ثقتي بيها بتقل (يمكن بسبب تعودي علي الالماني) لكن بشكل عام العربية ثباتها احسن من عربيات كتير في فئتها لكن لسه قدامها كتيييير عشان تقرب من ثبات الالماني. اخيرا: بشكل عام العربية كويسة و يمكن مع السوفت وير الجديد اللي نزل العربية تكون احسن و ان كنت شايف ان موضوع ال MMT عبارة عن افتكاسه ملهاش لازمةو راي ان العربية تاخد 7 من 10 كتقييم عام و ان كنت شايف ان السعر اللي بتتباع بية كتير شوية في النهايةاتمني ان يحوز تقييمي علي اعجابكم و ان يكون مفيد ليكم
__________________
Sharief Mansy
Farewell my Cayenne, you were the best car i ever had and driven |
#2
|
||||
|
||||
رد: تجربتي و تقيمي للكرولا MMT
التقييم ممتاز الخلاصة اللي فهمتها انه فتيس ادائه سخيف و متعب ،، و مش سهل التعود عليه و لا هل لديك أقوال اخري ؟ |
#3
|
||||
|
||||
رد: تجربتي و تقيمي للكرولا MMT
تسلم على التقييم السريع والمفيد
__________________
Dr.Ahmed AlSherif هنا تتجسد معاني الارادة والعزيمة والاصرار والتحدي والامل |
#4
|
||||
|
||||
رد: تجربتي و تقيمي للكرولا MMT
العفو يا باشا
و الله مقدرش اقول عليه سخيف لانها كلمة قوية شوية بس انا مش شايف الهدف منه لكنة بالفعل متعب و صعب التعود عليه
__________________
Sharief Mansy
Farewell my Cayenne, you were the best car i ever had and driven |
#5
|
||||
|
||||
رد: تجربتي و تقيمي للكرولا MMT
موضوع رائع يا أ.حورس وتقييم حيادي للعربية والجير بوكس وهو ده الواقع فعلا العربية معايا بقالها سنة دلوقتي أول ما جبتها كان التعامل معاها معقد شوية بس انتهي الموضوع ده بعد أسبوعين من سواقتها وبقت ممتعة جدا في السواقة
وأنا اتكلمت في الموضوع ده كتير مشكلة العربية الوحيدة انها عايزة تعودعلي الجير بوكس الجديد بس عموما شكرا علي الموضوع مبارك عليكم الشهر وكل عام وأنتم بخير
__________________
لاتجعل امالك أرض يداس عليها بل اجعلها سماء يتمني الجميع الوصول اليها ptmnlo123per122 ربما الماء يروب ، ربما الزيت يذوب، ربما يحمل ماء في ثقوب ، ربما الزاني يتوب ، ربما تطلع شمس الضحى من صوب الغروب ، ربما يبرأ شيطان ، فيعفو عنه غفار الذنوب، إنما لايبرأ الحكام في كل بلاد العرب من ذنب الشعوب |
الكلمات الدليلية |
mmt, تويوتا كورولا |
|
|