#1
|
|||
|
|||
استفسار عن باور النترا 2012
السلام عليكم ياريت لو حد يوصفلى صوت الباور الكهربا بتاع الانترا 2012 علشان انا بسمع صوت الزنه العادى وكمان مع صوت الزنه فيه صوت كام تكه كده بسيطه زى صوت تزييق بلاستيك اهو الصوت ده بالظبط بيطلع عندى مع الزنه العاديه بتاع الباور وبالذات اول لما الف الدركسيون شمال مع العلم انى مبدوس على الحتت البلاستيك اللى فى الدركسيون والصوت مبيظهرش بوضوح الا لما تكون بتركن العربيه وفى هدوء نفسى افهم هو البلاستيك ممكن يكون بيزيق مع نفسه ولا دا اساسا صوت الباور الكهرباء؟؟؟؟؟؟؟؟؟؟؟؟ مع العلم ان العربيه خليجى عامله 3000 ك فقط والصوت ده من ساعة ما اشتريت العربيه سالت عفشجى قالى عادى ده خلوص ورا الدركسيون الكلام ده صح و لا فتى؟؟
|
#2
|
||||
|
||||
رد: استفسار عن باور النترا 2012
بص حضرتك الاصوات صعبه بالوصف الكلامى
بس مبدئيا طالما لمبة ال eps منورتش يبقى المنظومة سليمة و كده عن نفسى اميل لكلام العفشجى
__________________
سبحانك لا علم لنا الا ما علمتنا |
#3
|
|||
|
|||
رد: استفسار عن باور النترا 2012
هو بالفعل مفيش اى مشكله والحمد لله فى الباور بس انا بسال علشان مقلق يكون ليها علاقه بحاجه تانيه والف شكر للرد
|
#4
|
|||
|
|||
رد: استفسار عن باور النترا 2012
لو لمبه الباور منورتش يبقي مفيش مشكله اللي هي eps علما اني في عربيتي معنديش اي صوت في الباور ولا مع كسره الدركسيون |
#5
|
|||
|
|||
رد: استفسار عن باور النترا 2012
الف شكر للرد بس الباور الكهرباء ليه صوت زنه انا الصوت اللى عندى مع الزنه صوت عامل زى التكه بتاعة عقرب الساعه اول متلف الدركسيون شمال يا ريت و انت بتركن تقفل الازاز وتلاحظ الصوت و توصفهولى يبقى عملت معايا معروف كبير اوى لانى بره القاهرة ومش عارف اروح لمركز محترم من ساعة مشتريت العربيه
|
|
|