رد: الستب واي ولا الافيو انا محتاااااااااااااااااااااا اااااااااااااااارة
الرينو اجود بكتير اوى من الأفيو . لكن الأفيو منتشره جدا جدا . وده معناه ان الأفيو تصليحها سهل ومتوفر فى كل مكان وقطع غيارها متوفره وسهل الوصول إليها فى كل مكان وغير كده عشان كورى يبقى قطع غيارها أرخص بكتير من الفرنسى . وأكيد الأفيو أسهل فى إعاده البيع بسبب إنتشارها . لكن نصيحه صغيره . أدخلى على القسم بتاع الأفيو فى الموقع هنا . كل مادخل قسم بتاع عربيه ألاقى ملاك العربيه على القسم بتاعها بيحبوها وبيدافعوا عنها بشراسه قصاد أى واحد جاى يهاجم العربيه او يقول فيها عيوب .. وشهاده حق لله . العربيه الوحيده اللى لقيت ملاكها بيكرهوها كره العمى وبيفضلوا المواصلات العامه عنها ولو حد دخل يمدح فيها يهاجموه جامد جدا . هى الأفيو . واضح ان العربيه سيئه جدا . ومفتكرش أنها خيار صائب . وده بناء على نصيحه ملاك العربيه . أنا عندى واحد صاحبى أشترى أفيو زيرو اعلى فئه . وبعد تلات شهور لقيته بيقولى أنا هابيع العربيه . حاولت أرجعه فى قراره بأى شكل وأقول له هاتخسر كتير لكن لا حياة لمن تنادى . حاولى تشوفى خيار تالت . يكون جودته اعلى من الأفيو . ومنتشر شويه عن السانديرو . إلا لو كنتى ساكنه قريب من توكيل أو مركز خدمه رينو وبالتالى التصليح وقطع الغيار مش هيبقوا مشكله إلا فى السعر شويه . ونصيحه لو كنتى جديده فى السواقه أهم حاجه فى العربيه سهوله التصليح وتوفر قطع الغيار وثمنها .وبالتوفيق إن شاء الله . وياريت تبقى تعرفينا أشتريتى أيه ورأيك فيها بعد التجربه .
|