#1
|
|||
|
|||
سخونة العربية عالية جداااااا
كنت مسافر بالعربية لانوس 2004 فجأه حسيت ان العربية بتبطل ومش بتسحب وقفت وفتحت الكبوت لاقيت دخان والحرارة عالية اوى بطلت العربية واستنيت شوية لقت الوضع كما هو بصيت على المروحة لقيتها بتعلق شوية تشتغل وشوية لا جيت ازود المية لقيتها بتنزل من خرم قريب للفانوس اليمين ركنتها وسبتها هل ده عيب مروحة ولا الشخونة دى ايه
|
#2
|
||||
|
||||
رد: سخونة العربية عالية جداااااا
اولا المروحتين بيشتغلوا على فترات يعنى يشتغلوا شوية و يفصلوا شوية
ثانيا مع التكييف المفروض يشتغلوا مستمر فلو كنت مشغل التكييف و كانوا بيقفوا و يشتغلوا يبقى كده فى مشكلة ثالثا لازم تعالج خرم الرادياتير لان ده سبب السخونة رابعا لازم تعرف ايه الى سبب الخرم خامسا هل مؤشر الحرارة علا و لا حضرتك لحقت قبل ما المؤشر يعلى ؟ و هل الزيت عمل طحينة ؟
__________________
سبحانك لا علم لنا الا ما علمتنا |
#3
|
|||
|
|||
رد: سخونة العربية عالية جداااااا
انا اكتشفت اليوم ان طبة الميه اللى فى الموتور كانت بتسرب بس المشكلة انها فى مكان غريب لازم تفك نص العربية عشان تغيرها
وموضوع المروحة الاخ اللى انا شارى منه العربية موصل المروحتين يشتغلوا على طول مع بعض مش عارف ده غلط ولا عادى . |
#4
|
||||
|
||||
رد: سخونة العربية عالية جداااااا
طبة الميه مش مهم تغيرها لو عرفت تغطيعا بالمادتين و منعت التسريب يبقى تمام
بالنسبة للمراوح : اول ما تدور العربية و هى باردة المفروض ميشتغلوش ( الا لو شغلت التكييف ) لما تسخن العربية يشتغلوا الاتنين مع بعض على السرعة الاولى و يبطلوا شوية و يرجعوا يشتغلوا شوية و هكذا فى حالة تشغيل التكييف الاتنين بيفضلوا شغالين على طول مستمر فى حالة الظروف عالية الحرارة ( زحمة - حر - شمس - سرعات بطيئة - تكييف ) ممكن المروحتين يشتغلوا على السرعة التانية
__________________
سبحانك لا علم لنا الا ما علمتنا |
#5
|
|||
|
|||
رد: سخونة العربية عالية جداااااا
شكرا جداا على المعلومات
بس الماده دى كويسة وتستحمل ألحم بيها تنك البنزين كمان |
|
|