احتاج معلومات عن رينو اوبتيما موديل 97

[حورس]

هاى شباب شكرا على المنتدى الروعه انا احب ابقى فاهم انا راكب ايه علشان كدا انا بدور على المانول بتاع العربيه بتاعتى اللى هى رينو اوبتيما موديل 97 واللى بيقال انها نسخه طبق الاصل من رينو 9 يا ريت اللى يقدر يساعدنى لا بيخل بمجهوه ولكم منى جزيل الشكر

[eygptphoto]

ياباشا تؤمر شوف بس المعلومات اللى انتا عاوزها بالظبط و انا تحت آمرك

[حورس]

الف شكر على اهتمامك انا عايز كتيب العربيه من النوع دا يعنى المانوال اللى بيضم كل حاجه عن العربيه وطريقه التركيب و مخطاطات الكهربا وكل شىء وكمان عايز اعرف ايه القطع اللى يمكن استبدالها بقطع ارخص وتؤدى نفس العمل سواء استبداله مع قطع من نفس نوع رينو او اى نوع اخر متوفر

[eygptphoto]

لا شكر على واجب ياباشا انتا تؤمر ( الامر لله طبعا ) بالنسبة للكتيب هادورلك عليه لأنى عندى كتيب ال9 مش اوبتيما و بالنسبة لقطع الغيار هتلاقى قطع الغيار الاستراد ارخص فى بعض الحاجات و اغلى فى بعض الحاجات لكن عملية استبدالها بقطع اخرى ده غير موجود للأسف بس لو عايز انا ممكن اقولك على اماكن تجار قطع غيار الرينو و طبعا بدون شك هتلاقى فرق سعر بين كل تاجر و آخر و انا معاك فى كل استفسارتك

[حورس]

اولا انا لسانى عاجز عن شكرك ياريت فعلا تلاقيلى كتيب المانوال اللى انا بدور عليه جدا للانى بحب افهم كل حاجه فى العربيه اللى انا راكبها خاصه لو عربيه محترمه زى الرينو ثانيا فعلا انا محتاج اعرف اماكن وارقام تليفونات كل تاجر من التجار الخاصين بالجديد والمستعمل للانى لسه شارى العربيه جديد وتايه شوبه فى قطع الغيار خاصه انى من محافظه برا القاهرهفابلطبع لازم اتصل بالتاجر قبل اما انزل اشتريها منه علشان مخبطش المشوار عل الفاضى وربنا يخليك لينا ويبارك فى حياتك ويجازيك كل خير على تعبك معايا والف شكر ليك