|
|||||||
| عفشة السيارة عفشة السيارة تشمل أنظمة التعليق و التوجيه و نقل طاقة المحرك للعجلات |
 |
|
|
أدوات الموضوع |
|
|||||||
| عفشة السيارة عفشة السيارة تشمل أنظمة التعليق و التوجيه و نقل طاقة المحرك للعجلات |
|
|
|
أدوات الموضوع |
|
#1
25-09-2013, 03:19 AM
|
||||
|
||||
موقف صعب أجبرني علي تحويل مسامير الجنوط إلي صواميل
بسم الله الرحمن الرحيم
الأخوة الكرام اعضاء المنتدي الجميل بخلاصة كدة كنت راجع من مدينة نصر إلي ابوزعبل (مسافة 45 كيلو) قبل حظر التجوال بنصف ساعة و للأسف كان معايا والدتي و خالتي و لقيت فجأة صوت تكتكة ... نزلت أبص لقيت الجنط علي وشك إنه يتخلع من مكانه روحت رافع العربية و عدلت الجنط و ربطت المسامير و كانت الصدمة إني لقيت مسمارين متاكلين و الباقي معقول خلعت مسمار من عجلة تانية و ربطه مع المسامير السليمة .. و مشيت 10 كيلو و لقيت صوت التكتكة ... للأسف علي ما ركنت و نزلت لقيت العجلة مايلة بمستوي زاوية 45 درجة و تكاد العربية إنها تكون علي الأرض روحت رافع العربية بسرعة و ببص لقيت الأربع مسامير متاكلين و أماكنهم كمان متاكله و مفيش اي مسمار عايز يمسك كانت الظروف ضدي تماما و إضطريت للبيات في الشارع حتي إنتهاء حظر التجوال و ركنت العربية في الشارع و أخدت تاكسي و روحت البيت للأسف المشكلة كانت يوم السبت بالليل و طبعا الأحد المحلات قافلة نزلت يوم الأثنين طبعا دة منظر المسامير بعد التآكل  فكيت العجلة و الطنبورة و السرة بالشمعدان بتاعها    قولت مش هجيب سرة جديدة لأني عندي عقدة من المسامير أصلا و مش أرجع للموضوع دة تاني المهم إشتريت بليتين جوداد و قولت أغيرهم بالمرة لأنهم كانوا في بداية الخشونة  روحت للخراط و قولتله أنا مش عايز مسامير خالص قاللي روح إشتري 8 مسامير بالصواميل النيكل بتوع (دبابة نص نقل) أربع مسامير لكل فردة و راح مضبط السرر القديمة بالمثقاب بشكل مخروطي و راح كابس المسامير بتاعت الدبابة .... و كبست البليتين الجوداد بصواميلهم الجديدة ايضا و أدي الصور  هتواجه صعوبة أو خشونة شوية في تركيب الطنبورة بعد التعديل الجديد دة  و ركبت الجنط بكل سهولة اسهل من الأول بكثييييييييييير علي الأقل الجنط متعلق و مثبت كويس أحسن من الأول كنت بثبته بإيدي لحد ما اشبط المسامير كلها كفاية منظر الصواميل النيكل  و سمعني بقي أحلي ترزيع في المطبات هههههههههههههه التكلفة لمن يريد معرفة التفاصيل 90 جنية البليتين 15 جنيه صامولتين بلية 48 جنيه ثمانية مسامير دبابة بصواميلهم (المسماربصامولته ب 6 جنيه) 50 جنيه مصنعية الخراط للعجلتين و إلي اللقاء تمانياتي للجميع التوفيق و السلامة
__________________
|
|
#2
25-09-2013, 03:39 AM
|
|||
|
|||
127 بمسامير جنط دبابة!: موقف صعب أجبرني علي تحويل مسامير الجنوط إلي صواميل
حلو التعديل ده ! كده بقى بقت زى الشيفروليه الدبابة !!  
|
|
#3
25-09-2013, 03:49 AM
|
||||
|
||||
رد: 127 بمسامير جنط دبابة!: موقف صعب أجبرني علي تحويل مسامير الجنوط إلي صواميل
بالفعل كشفت علي المساعدين و البطاحات برده و لقيتهم كويسين بدون اي مشاكل الحمد لله أه كدة يعتبر (127 دبابة) ههههههه
__________________
|
|
#4
25-09-2013, 04:24 AM
|
|||
|
|||
|
رد: موقف صعب أجبرني علي تحويل مسامير الجنوط إلي صواميل
تسلم ايدك والحمد لله ان ربنا سترها معاك وعملتها اونت واقف
انا عملتها معايا وانا طاير عالمحور العجلة بالتنبورة بالبلية طاروا من العربية  تمام اوى التعديل ده انا بردو بكره المسامير مبروك الدبابة ^__^
|
|
#5
25-09-2013, 05:59 AM
|
||||
|
||||
|
رد: موقف صعب أجبرني علي تحويل مسامير الجنوط إلي صواميل
الحمد لله انها جت على قد كده
__________________
|
|
| الكلمات الدليلية |
| مسامير, بلية, عجل |
| أدوات الموضوع | |
|
|
