مخطط تصفيه الثوره ,,

[kj1]

[kj1]

[kj1]

المشاركة الأصلية كتبت بواسطة kj1

[kj1]

إعلام سمير صبري...وإعلام أسامة وعمرو ... خسرنا كتير
اسمحولي اتكلم مهنيا لا علاقة لي هنا بالأشخاص لكن بالفكر والرؤية علشان نوصل لقلب الصورة في اللي حصل في حلقة عمرو اديب و استضافته لشقيق الارهابي، و حلقة أسامة كمال و استضافته لزوجة الارهابي ونقول:
* لا يوجد أي مشكلة في استضافة الاعلام لأي شخصية على الاطلاق - علمونا ان الاعلام مهمته تغطية الحدث و معرفة تفاصيله و تقديم تحليل الخبر. مش مهم تستضيف ...مين -حتى لو كان الشيطان- المهم رؤيتك و اسلوب ادارتك للحوار و الرسالة اللي بتتطلع بيها للجمهور من وراء هذه الاستضافة. للأسف الرسالة في الحلقتين لم تكن موفقة. فلا رسالتي ان الارهابي امير و جميل و طيب واخلاقه الكل بيتكلم عنها زي زوجة المتهم ما قالت، ولا رسالتي اني اقول لاخو الارهابي ارفع راسك فوق... انا رسالتي اقول في الحالتين لو امتلكت الرؤية إن الارهاب ممكن يكون في ناس تبدوا رائعة في الحياة أو خلوقه لأن الارهابي مش شرط يكون ابو رجل مسلوخة ...لكن هو ابو دماغ مغسولة وممسوحة و ممسوخة... فخلوا بالكم من ولادكم و اخواتكم . الحوار في حد ذاته مش هدف - الحوار وسيلة للتوضيح والفهم والعبرة
* فارق بين اعلام الحاضر بكل امكانياته غير النهائية واعلام الماضي بفكره ورؤيته اللامحدودة رغم عدم امتلاكه لتلك الامكانيات الحالية. ابحثوا عن حلقة المذيع الواعي سمير صبري في برنامج النادي الدولي مع الجاسوسة المصرية انشراح التي حكم عليها بالاعدام وقدمت التماس لرئيس الجمهورية. انظروا لمقدمته التي لم يكن فيها وكيل نيابه و اسلوب حديثه الراقي الفلسفي- و حضور الدولة بجبروووووووت في رسائل جاءت في اجابات المتهمة بتهمة حقيرة كتلك في وقت حرب مع عدو. واسمحوا لي في تلخيصها...
سمير: ست اشراح اتقبض عليكي ازاي؟ (لاحظ الاحترام في لقبها بـــ ست)
انشراح: لما وصلت المطار وما لقيتش حد مستنيني اخدت تاكسي و رحت البيت ما لقيتش جوزي فتحوا لي ولادي ولقيت رجالة المخابرات في البيت بيقولوا لي حمد الله ع السلامة يا دينا...اصل اسم دينا ده اسم اسرائيل اطلقته عليه فعرفت اني انكشفت.
سمير: حسيتي بايه ساعتها ؟
انشراح: اكتشفت ان اسرائيل ضحكت عليه لانهم قالوا لي استحالة مصر تكشفك لكن مخابرات مصر كانت عارفة كل حاجة...(شوف الرسالة القوية... مش بس لاسرائيل لكن للي لسه ما انكشفش من جواسيس اسرائيل حتنجاب يعني حتنجاب)
سمير: ايه اللي حصل لما رحت المخابرات: دخلوني اوضه وفيها حمام وجابوا لي سجادة صلاة وقالوا لي صلي واستغفري ربنا. ( شوف الرسالة رجالة مخابرات محترمين مش مجرمين ولا بالصورة اللي اتشوهت وقت صلاح نصر)
وهكذا يا سادة يكون الاعلام صاحب رسالة لما يكون عنده رؤية وخطة وهدف ومن غير ما يقول كلام مباشر...
نشوي الحوفي

[kj1]