دي معلومات عن frv الصيني لناس مجربينها

[waelbaha]

والله مش عارف اشكر الاستاذ خالد ازاي
الراجل بصراحه يتميز بسعة صدر وبال للتساؤلات يحسد عليها
بس هو ده اللي احنا متوقعينه منه
وهو ماشاء الله عليه ربنا يزيده علم
عارف كل صغيرة وكبيرة في ال frv ماشاء الله لا قوة الا بالله
وده اللي احنا منتظرينه منه ومن باقي اصحاب العربية دي
انهم يقولولنا تجاربهم الشخصية مع العربية دي علشان اللي نفسه يشتريها يتوكل على الله بقلب جامد ومايخافش انه ياخذ فيها مقلب
شكرا وجزاك الله خيرا

[waelbaha]

نسيت اقولك حاجه يا استاذ خالد
بلاش تسوق بسرعه الله يكرمك وخصوصا ان شوارعنا وطرقنا ماتسمحش بالسرعات العاليه دي
ربنا يكفينا و يكفيك شر الطريق
اللهم امين

[khaledazizeg]

المشكلة ان الواحد كل اما ييجى يحترم نفسه ويتلم فى السواقة بلاقى حاجة بتغرينى وتخلينى اجرى وبالذات لما اكون ماشى مدة بال1300 وبعد كدة اركب ال1600 بحس بفارق جامد فى السحب والشد

[waelbaha]

نسيت تقولي نوع التكييف ايه
ديجيتال ولا عادي ؟ طبعا في ال 1600

والكاسيت ام بي ثري ولا بس اوديو سي دي ؟ طيب لو الكاسيت مش قد كده ينفع يتغير ونركب واحد احسن ؟ لاني شايف الكاسيت مدمج مع التابلوه يبقى ايه الحل ؟

وعجلة القياده ممكن تكون فيها زراير التحكم في الصوت وكده ولا مافيهاش الاوبشن ده؟

[khaledazizeg]

المشاركة الأصلية كتبت بواسطة waelbaha نسيت تقولي نوع التكييف ايه هوا هوا بتاع اللانسر البومة ديجيتال ولا عادي ؟ طبعا في ال 1600 ديجيتال فى الاتوماتك بس لكن عادى فى العربيات المانيوال والكاسيت ام بي ثري ولا بس اوديو سي دي ؟كان فى الدفعة الاولى والتانية اوديو لكن بعد كدة كله ام بى ثرى طيب لو الكاسيت مش قد كده ينفع يتغير ونركب واحد احسن ؟ لاني شايف الكاسيت مدمج مع التابلوه يبقى ايه الحل ؟ كل الجديد ام بى ثرى وعجلة القياده ممكن تكون فيها زراير التحكم في الصوت وكده ولا مافيهاش الاوبشن ده؟ الاوبشن داه موجود فى الكروس اوفر بس

واى معلومات تانية انا تحت امركم