اصحاب الموتوسيكلات الصيني .......انتبهوا!!!!

[ابن فنان]

سبحان الله و بحمده سبحان الله العظيم

[كاكا]

المشاركة الأصلية كتبت بواسطة omarken بسم الله الرحمن الرحيم اولا انا عايز اأكد على كلام الأستاذ jack كللنا بنشوف المنظر ( لما واحد بيركب العيله كللها على موتورسيكل ) خلينا كده واحده واحده مع بعض ... ليه بنقول عليه غباء وشكل مستفذ اولا مين فينا مبيقعش بالموتوسيكل ؟؟؟؟؟ مفيش ..... كللنا بنقع وبنتبهدل طيب لو انا لوحدى ايه الضرر ممكن اتبهدل واتكمسر والموتوسيكل كمان ممكن يتكسر وكمان ممكن اموت طيب لو انا واخد مراتى وعيالى كماااااااان ع الموتو اولا السيطره على البايك اقل لأن اللى وراك مش شايف حاجه اصلا ومش هايعرف يساعدك كويس فى السواقه بل بالعكس هوا شئ سلبى بمعنى انك لو اتحطيت فى موقف مفاجئ ولازم تمسك فرامل ع الاخر او تميل بشكل شديد اكيد لو المدام وراك مش هاتعرف تساعدك على ده وممكن كمان تلاقيها بتدحرج فى الشارع ( واللى ما يشتري يتفرج ) طيب بلاش دى د انت ماشى بالموتو ووراك العائله الكريمه الهوا شدييييييد ( وده العادى ) انت مش راكب عربيه العبايه أو الجلابيه بتاعة المدام اترفعت ( من الهوا ) وهيا مالهلش سيطره لأنها شايله العيل على رجلها اييييييييييه رأيك ؟؟؟؟؟؟؟؟؟؟؟؟؟؟؟؟؟ يبقى انا بشيلها من زحمة المواصلات ( وبعريها من الهوا ) دا مش منطق يابيييييييييه ده منطق اللى ملوش منطق طيب بلاااااااااش كمان دى انت راجل عندك صحه والمدام كمان زى حالاتك ( ربنا يباركلكو انتو الجوز ) راكبين الموتوسيكل وهيا عملت حسابها وربطت الجلابيه من تحت علشان الهوا ميعريهاش وكللو تمام حصلت حاجه عملت حادثه انت ممكن تتعور وهيا كمان هاتتعور ده اكيد والعيل الصغير موقفو ايه ( هايستحمل حادثه ) ولا هايموت وانت هاتقعد تعيط ؟؟؟؟؟؟؟؟ وتشوف ابنك بينزف قدامك وبيموت ؟؟؟؟؟؟؟؟؟ ده كللو ليييييييييييه ؟؟؟؟؟؟ هوا أم المواصلات معموله ليييييييييييييييه ؟؟؟؟ ومين اللى قاللك ان المواصلات كللها زحمه ؟؟؟؟؟؟؟؟ مش كللها ياسيدى انت لو عايز تحافظ على اهل بيتك صح ........... فى حاجات كتير تعملها اركب المترو اتزنق انت مع الرجاله ..... وهيا تركب عربيه السيدات ......... وبجنيييييييييييه ؟ يابيييييه انت لو وقفت فى موقف ميكروباص وروحت للسواق وقولتلو خلاص قدام علشان معايا العيال هاتركب بااااااااااشا ايه المشكله فى كده ؟؟؟؟ ومتقوليش مفيش الكلام ده ؟؟ احنا مش من الهند ياسيدى بلاش اللى راكب موتوسيكل صينى ده جاب ثمنه منين ؟؟؟ حوش تمنه ... صح ؟؟ طيب يعنى عندو فائض من مرتبه ان شالله 5 جنيه مش هايعرف ياخد تاكسى ب 20 ---- 30 جنيه ليييييييييييه هوا بيخرج كام مره فى الشهر ؟؟؟؟ اخره مرتين ( وخصوصا انو محدود الدخل ) يعنى مش هايقضيها خروجات !!!! ايه رأيك انت دلوقتى يركبهم وراه الموتوسيكل ولا اييييييه ؟؟؟؟

لا حول و لا قوة الا بالله مافيش فايدة فى شعبنا دة ابدا
حضرتك داخل كاتب موضوع طويل عريض علشان تحلل الشتيمة للاخ اللى شتم الناس !!!
و كأن الكلام اللى حضرتك بتقوله احنا مش عارفينوا !!!!!!!!
هو فى حد قالك انى راضى عن ان الناس تعمل الموتوسيكل ميكروباص علشان تكتب الحوار دة كله !!!!!
دة بدل ما تدخل تقول للاخ اللى بيشتم الناس عيب ميصحش تشتم الناس
و انقد بدون تجريح و ان اللى بتشتمه دة مهما كان انسان مثلك
قد تكون الظروف اضطرته لذلك غصب عنه و مش بيدلعوا كما اتهمهم احد الاعضاء هنا .
لحد امتى هنفضل نطبل لبعضنا و نجامل بعض على حساب الحق
هو انا قولت اية اصلا غير عيب نشتم اصحاب الصينى بسبب ظروفهم !!!!!!
على العموم ربنا يهدى الجميع و لو عايزين تشتموا الناس و تحللوا الشتيمة براحتكم .
علشان الظاهر مافيش فايدة فى العقلية المصرية .

[omarken]

المشاركة الأصلية كتبت بواسطة كاكا لا حول و لا قوة الا بالله مافيش فايدة فى شعبنا دة ابدا حضرتك داخل كاتب موضوع طويل عريض علشان تحلل الشتيمة للاخ اللى شتم الناس !!! و كأن الكلام اللى حضرتك بتقوله احنا مش عارفينوا !!!!!!!! هو فى حد قالك انى راضى عن ان الناس تعمل الموتوسيكل ميكروباص علشان تكتب الحوار دة كله !!!!! دة بدل ما تدخل تقول للاخ اللى بيشتم الناس عيب ميصحش تشتم الناس و انقد بدون تجريح و ان اللى بتشتمه دة مهما كان انسان مثلك قد تكون الظروف اضطرته لذلك غصب عنه و مش بيدلعوا كما اتهمهم احد الاعضاء هنا . لحد امتى هنفضل نطبل لبعضنا و نجامل بعض على حساب الحق هو انا قولت اية اصلا غير عيب نشتم اصحاب الصينى بسبب ظروفهم !!!!!! على العموم ربنا يهدى الجميع و لو عايزين تشتموا الناس و تحللوا الشتيمة براحتكم . علشان الظاهر مافيش فايدة فى العقلية المصرية .

الظاهر ان حضرتك اللى عندك اصرار على التجريح ومع ذلك هاتناقش معاك علشان ان شاء الله نوصل لوجهة نظر موحده
شوووووووف ياسيدى !!!
مين اللى شتم الناس ؟؟؟
انا شايف ان مفيش حد شتم اى حد !!!
ده بقى إلا .... لو فى حد عنده مشكلله مع اللغه العربيه
الناس بتقول ان ده تصرف غبي !!! وانا كمان بقول ان ده تصرف غبى
تعالى نقول .... فلان تصرف تصرف احمق ...... هذا لا يدل اننا نتهم فلان بالحماقه ولكن
نصف تصرفه بالأحمق
تماااااام كده ؟؟؟؟
رببما يكون فلان يحسن التصرف ولكنه أخطأ
فنقول فلان أخطأ
ولا نقول فلان خطاء
واضحه دى ؟؟؟؟؟
علشان كده انا بأيده واشرح كمان وجهة نظره ( مش تطبيل لأنى مش طبال ولا هوا رقاصه )
ولا احنا هنا واقفين ع المسرح ..... !!!!
نيجي لجزئية العقول المصريه الجميله .....!!!
شايف ان حضرتك زعلان قوى من العقول المصريه ..... مش قادر تتواصل معاها
طب سيادتك تاعب نفسك ليه معاهم
الناس العباقره اللى زى سيادتك مكانهم مش هنا ومش مع الناس دى ....!!
انا عايش بره مصر طول عمري ومبسمعش الكلام اللى سيادتك بتقوله ده غير من المصريين
وبالذات اللى مجربوش يتواصلو مع ثقافات اخرى ....تسمع ( مفيش فايده -- لغاية امتى هانفضل جهله -
هما دول المصريين يأاوحو وخلاص - احنا كده ) احنا مين يابيه ؟؟؟
هوا انا مصري وسيادك من بورتو ريكو ؟؟؟
انا متهيألى كده انى طولت عليك
بس اوعى تزعل منى احنا بنتناقش

[كاكا]

المشاركة الأصلية كتبت بواسطة omarken مين اللى شتم الناس ؟؟؟ انا شايف ان مفيش حد شتم اى حد !!! ده بقى إلا .... لو فى حد عنده مشكلله مع اللغه العربيه

نعيد تانى علشان خاطرك

اتفضل ادى اقتباس من كلامهم

الاخ Jack Box

وتلاقي الراجل محمل 3 عياله ومراته واحد علي التانك واتنين ورا وماشي بيهم ده ايه الغباء ده ناس معندهاش فكر والله ويرجعوا يعيطوا بعد كده

اتهم الناس بالغباء و عدم الفكر و بيحلف بالله كمان و عادى جدا مع ان الحقيقة
ان الناس دى فاهمة كويس جدا مخاطر اللى بيحصل بس الظروف الزفت اللى هم عايشين فيها دفعتهم لكدة مهما وضعت لهم البديل حسب تخيلك .
هو دة اللى انا قولته و قلت عيب ميصحش نشتمهم

هو حضرتك شايف انى غلطان علشان وضحت حالة الناس دى
و قلت عيب نشتمهم و لا ايه الموضوع بالظبط مش فاهم !!!!

طيب سيبك من دة و خش على الاخ حازم اللى قال

الموتوسيكل الصيني فعلا بيقف في اي لجنه لان معظم اللي راكبينه شباب بايظ و بلطجي

هتقولى على الكلام دة كمان فين الشتيمة الموجهة للناس بتوع الصينى !!!!

يا اخى اتقى الله فلا يصح الا الصحيح و لا يجوز التنطيط على فئة معينة من الناس
و وصفهم بالبوظان و البلطجة لان كل فئة فيها الصالح و الطالح حتى فى افخم السيارات كما وضحت سابقا

دة غير طبعا اللى بيفتى و يقولك الموتوسيكلات دى ماتقدرش تسافر و كبيرها 10 كيلوا فى اليوم

و طبعا دة كلام خاطىء و منافى للواقع
و مش عارف ازاى انتم بتتقبلوا الكلام الغير منطقى دة فى منتدى موتوسيكلات
اللى المفروض ان الاغلبية الان معهم صينى و يدخلوه و انتم كدة بتنفروهم منكم و من هذا المنتدى بأسلوب الشتائم و المعلومات الغير صحيحة .

الفرق اللى بينى و بينكم ان انا عايش قريب من هؤلاء الناس الغلابة و بحس بهم

و عارف كويس انهم بيعملوا كدة غصب عنهم زى اشياء كثير احنا كمان بتضطرنا البلد اننا نعملها غصب عنا
مع العلم بأنى الحمد لله ميسور الحال فوق ما تتصور و عندى بدل السيارة تلاتة
و لكن دينى و اخلاقى جعلتنى اراعى الفقير و اشعر بظروفه و لا اهينه بسبب فقره و حاجته و لا اضع نفسى حكما عليه من دون الله .

و لو حضرتك شايف ان كلام الاخ Jack و حازم مش شتيمة لأصحاب الصينى

يبقى حقك عليا و اعذرنى علشان انا نظرى ضعيف و مبعرفش اقرأ عربى كويس .

[Jack Box]

المشاركة الأصلية كتبت بواسطة omarken الظاهر ان حضرتك اللى عندك اصرار على التجريح ومع ذلك هاتناقش معاك علشان ان شاء الله نوصل لوجهة نظر موحده شوووووووف ياسيدى !!! مين اللى شتم الناس ؟؟؟ انا شايف ان مفيش حد شتم اى حد !!! ده بقى إلا .... لو فى حد عنده مشكلله مع اللغه العربيه الناس بتقول ان ده تصرف غبي !!! وانا كمان بقول ان ده تصرف غبى تعالى نقول .... فلان تصرف تصرف احمق ...... هذا لا يدل اننا نتهم فلان بالحماقه ولكن نصف تصرفه بالأحمق تماااااام كده ؟؟؟؟ رببما يكون فلان يحسن التصرف ولكنه أخطأ فنقول فلان أخطأ ولا نقول فلان خطاء واضحه دى ؟؟؟؟؟ علشان كده انا بأيده واشرح كمان وجهة نظره ( مش تطبيل لأنى مش طبال ولا هوا رقاصه ) ولا احنا هنا واقفين ع المسرح ..... !!!! نيجي لجزئية العقول المصريه الجميله .....!!! شايف ان حضرتك زعلان قوى من العقول المصريه ..... مش قادر تتواصل معاها طب سيادتك تاعب نفسك ليه معاهم الناس العباقره اللى زى سيادتك مكانهم مش هنا ومش مع الناس دى ....!! انا عايش بره مصر طول عمري ومبسمعش الكلام اللى سيادتك بتقوله ده غير من المصريين وبالذات اللى مجربوش يتواصلو مع ثقافات اخرى ....تسمع ( مفيش فايده -- لغاية امتى هانفضل جهله - هما دول المصريين يأاوحو وخلاص - احنا كده ) احنا مين يابيه ؟؟؟ هوا انا مصري وسيادك من بورتو ريكو ؟؟؟ انا متهيألى كده انى طولت عليك بس اوعى تزعل منى احنا بنتناقش

بصراحه رد مقنع جدا وتوضيح جميل اوي ياعمر باشا وانا مش لاقي كلام اقوله بعد كلامك طبعا