الللحقووووونيييييي العربية كده باظت؟؟ مش عارفة اعمل ايه!!! مساعدتكم بسرعة يا ناااس

[Mai.Mohamed.Farid]

ميرسي جدا لحضرتك!!!
بس هو معنى ان الكامة اتكسرت انه ده حاجة خطيرة؟ هي دي مش حاجة شائعة ؟
الميكانيكي قالي انه ده عمره الافتراضي وانه بسبب اني مش عملتلها صيانة بقالي فترة مش قليلة

كمان انا كنت عايزة اعرف هو الكامة لما تتكسر ده ممكن يبوظ حاجة تانية؟ يعني اخليه يبص على الصبابات وايه تاني؟

[Mai.Mohamed.Farid]

كمان كنت عايزة اسأل ازاي ممكن اتجنب حاجة زي كده في المستقبل
الميكانيكي قالي انه ده عمر الكامة الافتراضي وانه العربية دي بتجيب كامة
هو ده صح؟
طب ازاي اخد بالي؟ واهو تبقى درس و استفادة للجميع

شكرا

[mr_astra]

انا لو مكانك اغير وش السلندر بالكامل واجيبة استيراد على التجربة
عامود كامة اتكسر دة مش شىء طبيعى ولا عمر افتراضى والا كان من الصيانة الدورية تغغير عامود كامة عند عدد كيلو مترات معين
عامود كامة اتكسر يعنى اتعرض لعزم التواء كبير
يبقى فية صباب او اكتر كان زانق فى البستم بتاعة والعامود عاوز ينزل الصبابات لتحت ومش قادر فنتيجة لكدة انة اتقطم
يبقى للو غيرنا العامود فقط مش ضمنين حالة الصبابات هل اتعوجت او لا .....او حتى دلايل الصبابات ممكن تكون اتعوجت او اتسلخت
كمان من اسباب كسر الكامة هى جلب او كراسى الكامة لو بوشت تعمل عزم التواء وتكسر كامة
خلاصة الكلام هاتبقى مغامرة لو غيرنا الكامة بس وسبنا بقية المشتملات
الافضل نجيب وش سلندر بالكامل استيراد ونغير معاة جوان وش السلندر وممكن يجى معدن مش لازم لنجريد لان العربية ما سخنتش مننا
واعتقد ان الحل دة اقتصادى اكتر من اننا نغير كامة ونفك تانى ونغير صبابات او دلايل
ربنا يوفقك

[mr_astra]

اة نسيت حاجة مهمة
طالما الكامة اتكسرت والسير زى ما هو متقطعش يبقى نفس نتيجة ان السير اتقطع لان الترس لف بنصف الكامة المكسور وساب النصف التانى
هى هى لو السير اتقطع

[Hisham.Elgazzar]

المشاركة الأصلية كتبت بواسطة mr_astra انا لو مكانك اغير وش السلندر بالكامل واجيبة استيراد على التجربة عامود كامة اتكسر دة مش شىء طبيعى ولا عمر افتراضى والا كان من الصيانة الدورية تغغير عامود كامة عند عدد كيلو مترات معين عامود كامة اتكسر يعنى اتعرض لعزم التواء كبير يبقى فية صباب او اكتر كان زانق فى البستم بتاعة والعامود عاوز ينزل الصبابات لتحت ومش قادر فنتيجة لكدة انة اتقطم يبقى للو غيرنا العامود فقط مش ضمنين حالة الصبابات هل اتعوجت او لا .....او حتى دلايل الصبابات ممكن تكون اتعوجت او اتسلخت كمان من اسباب كسر الكامة هى جلب او كراسى الكامة لو بوشت تعمل عزم التواء وتكسر كامة خلاصة الكلام هاتبقى مغامرة لو غيرنا الكامة بس وسبنا بقية المشتملات الافضل نجيب وش سلندر بالكامل استيراد ونغير معاة جوان وش السلندر وممكن يجى معدن مش لازم لنجريد لان العربية ما سخنتش مننا واعتقد ان الحل دة اقتصادى اكتر من اننا نغير كامة ونفك تانى ونغير صبابات او دلايل ربنا يوفقك

وش جديد بيدى روح جديدة للموتور وتدوبيه فى الخير بإذن الله وياريت تخلى الميكانيكى يبص على البساتم لم محتاجة طقم شنبر مش مشكلة عشان المكنة ماتصرفش معانا فى الكام سنة الجايين بإذن الله غير شوية الزيوت
وسبب انى قولت موضوع الشنبر لأننا لو حكمنا المكنة من فوق لازم نتأكد ان النص اللى تحت سليم