تقرير مفصل عن Hyundai I10

[Amir Hassan]

كل ده لايقلل من التقرير اطلاقا ولكن يجب ان نكمل بعض

مرايات جانبيه كهربيه ( لا المرايات مش كهرباء )
حاملات اكواب ( ومفيش حامل اكواب )
حركه المقود يدويه ( غير مفهومة يعنى ايه)
نوافذ كهربيه ( 4 نوافذ كهربائية
فرش المقاعد من القماش ( جلد فى قماش ) واشمعنى يعنى ماسك فى القماش

قفل مركزي ( اه بس مش فى كل الفئات )
مزيل ضباب للزجاج الخلفي ( ده اساسى فى كل السيارات دلوقتى )
نظام الصوت (Cd) ( راديو CD ) سماعتين
تكييف عادي ( صح الكلام ده )
جنوط من الكروم ( جنوط عادية )
نوع المقود (هيدروليك) ( انت قصدك على الباور ستيرنج وزلا ايه )

بس لازم نوضح حاجة تانى

ان السيارة متوفرة فى 4 فئات هى

الاولى

مانيوال نصف كماليات(GL)

تكييف + باور + راديو سى دى + والدركسيون قابل للتعديل +والفرش جلد فى قماش+اكصدامات نفس لون السيارة+امكانية طى الكنبة الخلفية

الثانية
مانيول جميع الكماليات(GLS)

جميع المواصفات السابقة بالاضافة الى :
* 4 زجاج كهربائى
* سنتر لوك
* مقابض نفس لون السيارة
* فوانيس شبورة
* مساحة خلفية
* ستوب خلفى
* مساند رأس للكنبة الخلفية
* تابلوه مطعم بحلية نيكل
* عداد عدد فات الموتور
*درج للتخزيين اسف المقعد الراكب الامامى يمين

الثالثة
اتوماتيك GL نصف كماليات

الفتس 4 سرعات
تكييف
باور
راديو سى دى
+ 2 زجاج كهربائى ( وهو ده الجديد )

الرابعه
اتوماتيك GLS جميع الكماليات

* هى باختصار جميع مواصفات المانيوال الكامله بس اتوماتيك
وبرده 4 سرعات
اما بالنسبة للأسعار


مانيوال نصف كماليات = 58900
مانيوال جميع الكماليات = 63900
اتوماتيك نصف كماليات = 65900
اتوماتيك كل الكماليات = 71900


واتمنى ان اكون قدرت اساعد ولو بتكمله او بقدر ضئيل من المعرفة
وتحياتى لكلمن سبقنى لانه اعطانى الفرصة ان اخطو على خطاه

[Amir Hassan]

العربية ياجماعه اولا تقفيل هندى فعلا لكل الناس اللى بتستفسر
ثانيا بالنسبة للتقفيل هو تقفيل محترم جدا انضف من عربيات كتير
ومصنع هيونداى اللى فى الهند بيطل العربية 60 % مكونات كورى واكتر
على الاقل الهنود نزلولنا فيها فرش جلد من جوه
وبالنسبة للبيكانتو قولتو انها احسن وكورى وفى ناس قالت ان الموتور احسن
ياجماعه الكيا انهارده مملوكه لهيونداى موتورز وده دليل على قد ايه هيونداى موتورز شركة عملاقة
قدرت تتحدى كل الازمات الاقتصادية وبقت الخامس على العالم فى حين ان كل الشركات الكورية فلست واتباعت او اندمجت الا هيوندى وهى الى اشترت كيا
نرجع تانى للبيكانتو
هيونداى موتورز عندها مصانع منفصلة للمحركات
والموتور بيخرج يركب فى اى عربية للشركة الام وكمان هتلاقيه مكتوب عليه Hyundai -kia
يعنى الموتور 1100 هو هو الاى تن هو نفس موتور البيكانتو
الموتور بيركب فى العربيتين
ثم ان الموتور 1100 بالنسبة للى بيقول ان العربية 1000 سى سى
وكمان التابلوه مايفرقش عن الصورة غير فى شكل السى دى
وعلى فكرة بيركب فى مصر ونوعه Clarion
ولو فكرنا شوية هنلاقى ان الكوريين ازكيا جدا انهم قفلوا العربية فى الهند ةعلى فكرة تحت اشرافهم
لو بصينا للعربية النصف كماليات هنلاقيها 58900
وفيها تكييف+ باور + سى دى +اكصدامات بلون العربية + والدركسيون متحرك لفوق وتحت+ وكمان فرش جلد
اما البيكانتو ولافيها فرش جلد ولا حتى كاسيت والاكصدامات سوداء مع اى لون لللعربية
يعنى من الاخر العربية
تكييف+ باور ++ وكل عام وانم بخير
وبتتباع بـــ 57000
وحتى لو بــ 56000
هتلاقى ان I10 احسن
على فكرة حتى الفول اوبشن فى الاتنين برده فرق السعر قليل والاوبشنز اكتر فى I10 مثلا لك ان تتخيل ان البيكانتو اتومتيك اعلى حاجه 2 زجاج كهربائى
فى حين ان I10 زجاج كهربائى 4 ابواب
اخبرا الصديق الذى يقول
انه مايدفعش 70000 فى عربية 1000 سى سى
احنا وضحنا السعه اللتريه وقولنا انها 1100
ثم ان الموضوع مايتحسبش كده والا العربية دى مكنتش حااى مبيعات على الطلاق
وبذكركوا ان يونداى الخامس لع العالم 2007و2008و2009
وفى مصر بقالها قرن الاول باكتساح بنسبة لاتقل عن 26%
فى حين ان المركز التانى بنصيب 18%
والفرق مش قليل
وده ياجماعه من تتأكدوا منه من تقرير الاميك عن السنوات السابقة
http://worldwide.hyundai.com/

[Amir Hassan]

ايه الناس سكتت ليه محدش عايز يسأل

[Mr.Mamo]

هو انت خليت حاجة يتسأل فيه
بجد مجهود تشكر عليه

[ashraf tbana]

ايه الجمال ده والله تسلم ايدك